O MIKHA 5:3 - MA JOU AI BUKU O ABARI MA OA

³ Nako wokokuaha gënanga woboa, Unanga aha wapareta Ai umati deʼ o kuata deʼ o kuaha ma Jou ma Jou Madutuino mahirete. Ai umati aha yowango deʼ marïdi, karana mata-mata o nyawa o dunia magilolitino aha ihi goungu Ai mulia,

O MIKHA 5:3 Iomraidhean Croise

O MATIUS 1:21

O ngo Maria aha momägilianga deʼ amingohaka o ngohaka o nauru womatëngo. O ngohaka gënanga kokiani nihiromanga o Yesus, karana Unanga aha wahihalamati Ai umati yoböbaradohaka.”

O MIKHA 4:7

Onanga yä luguoka deʼ yokurutika deʼ manga kapongo malooa. Mä hagala o nyawa mahou-houino gënanga Ngohi aha tamulaenge moi o difauku mahungi. Onanga aha yodadi o höana deʼ o berera ma ago-agomo deʼ i kuata. Ngohi aha tä pareta önanga o Sion ma Doporonoka kahiado-adonika.”

O HOSEA 11:8

Ma Jou wotemo, ”Hei Israel, yakunua Tonï dogumal̄aika ekola Tonï mal̄aika. Ka yakunu done Tonï binaha hokä o Adma? Ekola Tonï hidapara hoka o Zeboim? Ahi hininga yakunua Ta diai o hali gënanga, karana Ahi dara i lamoko holi ngona ika!

O MIKHA 7:13

Mä dunia aha idadi itoongoro karana manyawa manga dorou.

O HOSEA 2:14

Ma Jou wato, ”Hababu gënanga Ngohi aha tomi ao münanga o tonaka ma kokakaha ika; doke ngoka aha Tomi baja münanga deo dora ma demo-demo.

O HOSEA 2:9

Karana gënanga, o gugütuku ma orahoka Ngohi aha tauru Ahi ngongike, enagënanga o gandum deʼ o angguru, inoli o wol deʼ o ngoere o lenan tomi hidoa-doaka munangika mangale ami pakeanga.

O ROMA 8:29

Onanga ma Jou Madutu wäiri-irikoka, kade mahirahiöwahi tantuoka la yodadi kao rupa moi de Ai Ngohaka enagënanga o Yesus Kristus. De hoko gënanga o Ngohaka gënanga wodadi madodihiraka o roriadodoto yowöe-wöe manga hidogoronaka.

O MATIUS 25:40

Ma koano gënanga aha wohaluhu, ’La nihi öriki: maöraha ngini niadiai o hali gënanga, ngarokö womatëngo Ahi riadodoto duru yohina-hinaika, mamangarati ngini niadiaioka Ngohino!ʼ

O MATIUS 12:50

O nyawa yadodiai ahi Ama o horogaka Ai mau, geönanga Ahi riadödoto o nauru, de Ahi biranga, deʼ Ngohi ayo.”

O MIKHA 6:14

Ngini aha ni ol̄omo, mä idadiua inï punuhu ma koaholi kahirahi ini hahini. Ngini aha nia toraka o bara-baranga, ma niakunua nia gogonika. Okia dika ngini nihi hohalamati aha Ta wedere o parangi magoronaka.

O YEREMIA 31:1

Ma Jou wotemo, ”Aha imahiadono maöraha Ngohi todadi mata-mata o Israeloka manga hoana manga Jou Madutu, deʼ önanga yodadi Ahi umati.

O YESAYA 11:11

O wange gënanga ma Jou aha mamoioli wapake Ai kuaha deʼ waao wahigilio Ai umati mahou-hou o Asyuroka deʼ o Mesir, o Patros mabobereraka, o Sudan deʼ o Elam, o Babeloka, o Hamat deʼ o nünuhu magogurutika.

O TAWARIKH MAHINOTOKA 30:7

Uha hokä niaete de niatohora de hagala o Israeloka manyawa mahomoa yosetiaua ma Jouika toönanga manga Jou Madutu. Ngini niamakeoka mahirete sarakia madubuho ”Unanga wahukumu önanga.

O KOKOANO MADODIHIRAKA 14:16

Ma Jou aha wamal̄a o Israeloka karana o Yerobeam wobaradohaoka de wodadi o hababu o Israelokao manyawa yobaradoha dika.”

O AMOS 5:15

Niö dohata o dorou de niö igo o oa-oa, deʼ nia totiail̄e o adili. Yakunu idadi ma Jou aha wä dora hagala o nyawa ma hou-houohi o Israel manyawa ino.

O MIKHA 5:7

O Israeloka manyawa kayo gogogerohi o hoana deʼ o berera ma ago-agomo manga hidogoronakaka aha hokä o singa hagala o aiwani o honganoka mahidogoronaka ekola o duba matika mahidogoronaka o tonaka ma lua-luasi mamomoka. O singa gënanga iwohama o duba matika mahidogoronaika gënanga daha ya pito-pitoko deʼ yakä kakihi; koiwa yakunu yapidili hagala o duba gënanga.

O MIKHA 5:8

O Israeloka aha yahohinga hagala manga haturu ikala yä wedere önanga mata-mata.

O MAZMUR 67:3

Ya Jou Madutu, tanu Ani mau o dunia yamode-modekika yanako, deʼ Ani halamati nohi nyata o hoana deo berera mata-mata manga hidogoronaka.

O YESAYA 49:6

Ma Jou wohitemo ngohino, ”O manarama iholoi ilamoko inidama ngona, hei Ahigilaongo; ngona duga-duga aha nahigilioua oYakub aidifauku mahou-hou de nahigilio deʼ nohigilio mangamulia hoi hira-hirali hagala o Israeloka manga hoana, mä tonihidadi odararono o hoana de o berera maago-agomo, hupaya odunia ingodumu yahihalamati.”

O YEREMIA 23:5

Ma Jou wato, ”Aha iboa maoraha, Ngohi Tïgoraka o koano womatengo wo adi-adili o Daud aidifauku. O koano gënanga aha wopareta de ai barija, deʼ wadiai okianaga i adi-adili deʼ i tiai o berera yamode-modekika.

O YEHEZKIEL 34:16

Ihihihanga aha Talingiri, irö rehe-rehene aha Tao tohigilio, yanabo-nabo aha Tapakiti, ipopanyake aha Tahoouru; mä iboburere de ikua-kuata aha Tabinaha, hababu Ngohi o gogoana tadiai okia maoa-oa.

O MIKHA 4:4

Moi-moi o nyawa aha yowango iridï deʼ idame ai angguru deʼ ai ara madumule mahidogoronaka; koiwa aha iwihikokokamodongo unanga, gënanga la ma Jou Duru wo ko Ko kuaha Ai jaji.

O ZAKHARIA 10:6

”O Yehuda manyawa aha Tahi kuata, o Israeloka ma umati aha Ta hihalamati. Ta ao önanga tahigilio manga bereraika karana Ngohi tä dora deʼ tä hayanga onangika. Aha Ta hidiai önanga hokä o höana deʼ o berera komaiwahi Tahi pongono. Ngohi o Jou toönanga manga Jou Madutu, hagala manga niata aha To hohiningaoli.