O MIKHA 5:2 - MA JOU AI BUKU O ABARI MA OA

² Ho, ma Jou aha wä mal̄aika Ai umati yakuaha hagala toönanga manga haturu hiädono o ngoheka wohitö tantantu mangale modadi ngoi ayo wokökokuaha gënanga mihi ngohaka Unanga. Iboto gënanga hagala o nyawa imakohoana de o berera moi naga o tabuangoka aha yahidadi moi yolio deʼ toönanga manga hoana de manga berera.

O MIKHA 5:2 Iomraidhean Croise

O MATIUS 2:6

’Ngona Betlehem, o Yehuda mabereraka, o Yehuda makota yairi-irikika mahi dogoronaka, hakali-kali ngona duru no etekua. Karana ngonaino aha woböa womatëngo o tutuda, aha wätuda ahi umati o Israeloka.’ ”

O YOHANIS 7:42

Ma Jou Ai Demo ma Buku magoronaka i tulihoka o Koano Wohihohalamati ganga o Daud aidifauku, deʼ aha woböa o Betlehemino, enagënanga o Daud aikapongo de ailöa.”

O MAZMUR 90:2

Hagala o l̄oku Nohidadiuwahi, o tonaka deʼ o dunia Nadiaiuwahi, Ngona ganga ma Jou Madutu nokokakali, koiwa madodihiraka de koiwa mabobaha.

O YESAYA 11:1

Ma koano Daud aidifauku hokä o gota yatol̄angoka. Mä hokä sarakia maagerino iwango madori mahungi, hokogenangoli o Daud aidifaukuino aha woboa womatengo o koano.

O ZAKHARIA 9:9

Hei o Sion manyawa, ni morene! Hei Yerusalem manyawa, nimä ulili! Niwï lega! Nia koano woboa deʼ ai utumu! Unanga o adili makoano woö ao-ao o halamati. Mä iwiomanga o hininga ma dipokouku Unanga woboa wobarene o keledai, o dutu moi o keledai ma gö.

O KEJADIAN 49:10

O Yehuda aha wasö ino kokoano madiki-diki, aidifauku aha yopareta kahi ado-adonika. Hagala o hoana de o berera aha yoao o soungu, deʼ yohuba de imaponuku ai himangoka.

O KOLOSE 1:17

Hagala moi-moi koiwahi, o Kristus iholoi ihira nagaka. Deʼ karana Unanga dika hagala mata-mata naga mangïoka moi-moi.

O HIMATOKO 19:16

Ai jubaika deʼ Ai ugurika yödulihika o romanga nënanga, ”O koano de hagala o koano, deʼ o Jou de hagala o tuanga.”

O SAMUEL MADODIHIRAKA 17:12

O Daud ganga o Isai aingohaka o Efrata manyawa, o Betlehemino o Yehuda madairaoka. O Isai to ünanga aingohaka o nauru yatufange, deʼ maöraha o Saul wo pareta o Isai duru iwi perekioka.

O KEJADIAN 48:7

Ngohi tadiai o hali gënanga mangale o ngo Rahel ngoni ayo. Ahi dodagi magoronaka toma kilioro o Mesopotamia de taino, ngoni ayo mohonenge o Kanaan matonakoka, i kurutikaua de o Efrata, deʼ ngohi ahihininga duru i huha. Ngohi tomi lungunu dokengoka o Efrataika mangekomo madatekoka.” (Oraha nanga o Efrata yanako hokä o Betlehem.)

O YOHANIS MADODIHIRAKA 1:1

O hurata nënanga madol̄a yakorona o Demo ihi döaka o ngango, enagënanga o Demo nagaka kao dunia mahirahi. Ngomi mi ihenoka, deʼ mia mäkeoka de tongomi mia lako mahirete. Ngomi mia pulonoka, deʼ miasö oka de tongomi mia giama.

O IBRANI 13:8

O Yesus Kristus itatapu imatero, yaoa ihiraino, öraha nanga, deʼ hiädono kahiado-adonika.

O MATIUS 28:18

O Yesus womahi tigi onangika deʼ wätemo, ”Ingodumu o kuaha o horogaka deʼ o duniaka ihi döakoka Ngohino.

O NGO RUT 4:11

O kawaha manga balu-baluhu deʼmahomoa naga gënangoka yotemo, ”Ia, ngomi mihakihi. Tanu ma Jou wohidadi ngoni hekata gënanga hokä o ngo Rahel deʼ o ngo Lea ihi dadi o ngohaka manga ngoë mangale o Yakub. Tanu ngona ani hasili iwoë o Efrata manyawa manga hidogoronaka deʼ tanu ngona ininö nako-nako o Betlehemoka.

O KEJADIAN 35:19

O ngo Rahel mohonenge de ipaha, münanga imilungunu o ngekomo madatekoka yodumu-dumutu o Efrataika, öraha nanga ma romanga o Betlehem.

O IBRANI 7:14

O nyawa mata-mata ihiöriki tongone nanga Jou aiahali o Yehuda ma ahalino; deʼ o Musa komaiwa wahëtongo o ahali gënanga maöraha ünanga woade-ade mangale o imam-imam.

O AMOS 9:11

Ma Jou wotemo, ”Aha iböa maöraha Ngohi tohigilio hoihira-hiraoli o Daud ai popareta. Oraha nënanga o popareta gënanga idadioka hokä o tau iruba iha. Mä hagala ma bebeno o mehele aha Tohidiai deʼ Tohi gokoli hiadono idadi hokaʼ ma hira inoli.

O YEREMIA 30:21

O koano ini popareta ngini manga ahali niahoana de nia bereraino. Wobebasi ünanga aha womahitigi Ngohino nako ünanga Tiahoko Wohïhimanga. Hababu o naguna wobarani Wohihimanga Ngohi de toünanga ai mau mahirete? Ngini aha nidadi Ahi umati deʼ Ngohi todadi nia Jou Madutu. Ngohi, ma Jou tahö heto-hetongo gënanga.”

O YESAYA 53:2

Ma Jou womau Aigilaongo gënanga hokä o dori iwango o tonaka matore-toreil̄e. Koiwa naga mahohailoa Unangoka mangale ngone hipulono; koiwa yasanangi mangale ngone hï igo.

O SAMUEL MADODIHIRAKA 10:19

Ngohi tinihi pidiloka ngini o hangiharaino deʼ nia tago-tagongo, maöraha nënanga ngini nihitila Ngohi, nia Jou Madutu, karana ngini nigahoko hupaya Ngohi titumutu wotengo o koano nginika. Aa, kayaoa nima toomu Ahi himangoka, nia Jou, imamoteke nia hoana deʼ nia ahali.’ ”

O LUKAS 23:38

O Yesus aisalib magota mal̄okuil̄e ihitulihi o demo-demo nënanga: ”Nënanga o Yahudi ma Nyawa manga Koano.”

O LUKAS 23:2

Genangoka önanga yomuläenge iwikalaki Unanga. Onanga yato, ”Ngomi miwimäke o nyawa nënanga wäao o kawaha o ngëkomo ihowo-howonika. Unanga wahigaro o nyawa hupaya uha yofangu o soungu ma Kaisarika, hababu wato ünanga ganga o Kristus, o koano moi.”

O KELUARAN 18:21

Mä de inoli gënanga ngona kokiani näiriki o nau-nauru yososawaro yamuruono naga, deʼ nätumutu önanga yodadi o tutuda o nyawa yaribuhu moi, yaratuhu moi, yamoritoa, deʼ yangimoi. Onanga kokiani o nyawa iwï modo-modongo deʼ iwi hingounu ma Jouika, yakunu yangaku deʼ yoluku yatarima o tiwi ouru mabokumu.

O HIMATOKO 21:6

Daha Unanga wotemo, ”Idadioka! Ngohi nanga madodihiraka deʼ mabobahaka; Ngohi nanga ma Jou Mamulaengohi hiädono ihi Bobaha. O nyawa moi-moi manga kiriti madudungu, aha tahiokere de koiwa mabobangu o akere matitino ihidödöa-döaka o ngango.

O HIMATOKO 2:8

”O jemaat Smirna mamalaekatika, notulihi hokonënanga: Nënanga o behehongo Unangino madodihiraka deʼ mabobahaka – wohonengoka deʼ wowangokali.

O MAZMUR 132:6

O Betlehem mabereraka ngohi toihene mangale o Jaji ma Peti, daha yamake o Yaar matonaka ikokakahaka.

O TAWARIKH MADODIHIRAKA 2:54

O Salma wohigögoko-goko o Betlehem makota ganga o Netofa manyawa manga ete deʼ manga tohora, o Atarot-Bet-Yoab manyawa, deʼ o Zori manyawa, enagënanga o hoana moi de o hoana hinotoino yogögogere o Manahtioka.

O SAMUEL MADODIHIRAKA 23:23

Mä nia tailako deʼ madiai hagala o aruku idadi ai ngï mamoi iböto woma ngiunu, deʼ nilio nenangino mangale nihihi ngahu ngohino. Daha ngohi aha toiki homa kinïki dede ngini, deʼ nako ünanga kanagahi o dairaoka gënanga maraioka aha tilingiri, ngaroka kiani takilianga o Yehuda ingodumu!”

O SAMUEL MADODIHIRAKA 17:18

Naoö o keju o gahumu ngimoi nënanga mangale o tentara manga duduono mabaluhu. No leha sarakia manga abari ani ria-riaka, deʼ nao manyonyata mangale ngohi, ngona nimaka makeoka dede önanga o halamati magoronaka.

O ULANGAN 1:15

Hababu gënanga o tutuda-tutuda ngini nia iri-iriki manga hidogoronaka, yamuruono naga yososawaro deʼ iwöe okianaga yanako ngohi täl̄ë deʼ ngohi tägoraka mangale inihi häeke ngini. Yamuruono naga yodadi yaribuhu moi manga tutuda, mahomoa yaratuhu moi manga tutuda, yamoritoa deʼ yangimoi. Ngohiö tä goraka o tutuda-tutuda mahomoa mangale ihi dailako nia hoana.

O SAMUEL MADODIHIRAKA 8:12

Utu yägoraka yodadi manga kapita magogurutil̄e mangale o nyawa yaribuhu moi, deʼ utu mahomoa mangale o nyawa yamoritoa. O koano gënanga aha wäpakisa nia ngoha-ngohaka yopasolo ai dumuleoka, ai gugutuku mahasili yototoomu, yododiai hagala ai daë deʼ ai kureta wohi poparangi mapakakaha.

O KELUARAN 18:25

deʼ wäiriki o nyawa yososawaro o Israel manyawa manga hidogoronaka. Unanga wätumutu önanga yodadi o nyawa yäribuhu moi manga tutuda, yaratuhu moi, yamoritoa, deʼ yangimoi.

O MATIUS 2:1

O Yesus womakil̄au o Betlehem makotaka o Yudea mabereraka; ma Koano Herodes ai öraha wopareta. Oraha gënanga yamuruono naga o wange mahiwariha, yososawaroyatailako o murumu o dihangoka yoböa o Yerusalem makotaino.

O KEJADIAN 35:16

De iböto gënanga o Yakub deʼ ai doomu yamal̄a o Betel. Maöraha önanga kamanga gurutikaohi de o Efrata o ngo Rahel ami öraha imahi ädono la ami ngohaka ima kil̄au. Mä ami ngohaka ihuha ima kil̄au.

O HAKIM-HAKIM 17:7

O öraha gënangaö naga o goduru womatengo o Lewi aihoanino. Mahira ünanga wogogere o Betlehem mabereraka o Yehuda madaeraka.

O NGO RUT 1:1

Maöraha mahira o Israel koiwahi toönanga manga koano womatengo, o Kanaan maberera yabänga o balä o habirokata. O öraha gënanga naga o nauru womatengo ai romanga o Elimelekh. Unanga o Efrataino manyawa, deʼ wogogere o Betlehemoka o Yehuda madairaoka. Karana o balä o habirokata gënanga, ünanga woiki o Moab ma bereraika ima kinïki ngoi hekata, o ngo Naomi, deʼ ai ngohaka o nauru yahinoto: o Mahlon deʼ o Kilyon. Daha önanga yogogere dokengoka. Maöraha önanga dokengokahi,

O YESAYA 55:4

I gou-goungu, ünanga Tihidadi otutuda deʼ okapita, Ahikuahaino mahakihi mangale ohoana de oberera maago-agomo.

O HOSEA 6:3

Karana gënanga niaino ngone hohidailako mangale ha gou-goungu hï nako ma Jou. Unanga maraioka aha wo boa ngoneino hokä tigi-tigi i boa ibating oka danengino, deʼ hokä o awana ya pehaka o dunia, o awa-awanoka maöraha ihi bobaha.”

O ZAKHARIA 13:7

Ma Jou Duru woko Kuaha wotemo, ”Nomomiki, hei oworo, deʼ niparangi o gogoana woko karajänga mangale Ngohino! Nitoma ünanga, done hagala o duba aha ima kokitingakoka. Ngohi aha taparangi Ahi umati,

O YESAYA 7:14

O öraha nënanga, ma Jou mahirete aha wohidöaka o nonako ngonaika: Momatengo o moholehe o ngoheka mohiao o nyawa, aha mihingohaka womatengo o ngohaka o nauru iwihiromanga o Imanuel.

O MIKHA 4:10

Hei Yerusalem manyawa, nimahirikiti deʼ ni tidono hokä o ngoheka magogiria momagilianga! Hababu, öraha nënanga ngini kiani nia mal̄a o kota deʼ ni gögere o tonaka ilua-luasoka. Ngini kiani ni öiki o Babelika, mä dokengoka ma Jou aha wihipidili hagala nia haturuino.