O MIKHA 5:1 - MA JOU AI BUKU O ABARI MA OA

¹ Ma Jou wotemo, ”Hei Betlehem Efrata, ngona moi o kota duru noeteke o Yehuda ma tonakoka! Ma ngonaino aha Tohimomiki womatengo wäkokuaha mangale o Israeloka, ai ahali kakahuruoninohi.”

O MIKHA 5:1 Iomraidhean Croise

O RATAPAN 3:30

Ngaroka wonapoka deʼ wonahikauku, kokiani mata-mata gënanga ngone hatarima.

O AYUB 16:10

Hagala o nyawa ihihohedu ngohi de manga uru mamoana mangoata; ngohi ihiguruhe deʼ ahigotoaka yapoka.

O KORINTUS MAHINOTOKA 11:20

Ngini niamal̄aika dika nako o nyawa imagilaongo ngini, ekola initeö deʼ ya l̄ë o utumu nginino, ekola imamäo manga diri iholoi ikurutil̄e de ngini de yobarani inipoka ngini.

O KISAH RASUL-RASUL 23:2

Maöraha o Paulus wotemo hokogënanga, ma Imam womo Mulia o Ananias wihuloko o nyawa womaoko o Paulus aihonongaka wapoka o Paulus aiuru.

O YOHANIS 19:3

daha iwigogilio yoböa Unangika deʼ yotemo, ”Nowango o Yahudioka manyawa manga koano!” Aha ino iwipoka Unanga.

O YOHANIS 18:22

Maöraha o Yesus wotemo hokogënanga, womatëngo wogo göa-göana genangoka wipoka deʼ wato, ”Duru nobarani, Ngona notemo hokogënanga ma imam womomuliaika!”

O MATIUS 26:67

Dahaö önanga yaobiri o Yesus aibiono, deʼ iwigohara. Nagaoli iwi poka,

O YESAYA 33:22

Mata-mata toönanga manga kapaoka makia honanga ingo ngodu-ngodumu koiwa mabaraguna; hagala mahidete yakunua yahohe! Mata-mata o haturu maduduono manga kaya aha ngone haora, deʼ magegetongo duru kohä ngöe, hiädono o nyawa yopopalugaö mayamake o hidoku. Ma Jou mahirete ahawodadi tongone nanga koano; Unanga ahawopareta, wohigoko o tita deʼ wonähihalamati ngone nangahaturuino.

O ULANGAN 28:49

Moi o hoana deʼ o berera manyawa nimä mangaratiua manga demo aha ma Jou winidotagao o dunia mabahaino mangale inilawani ngini. Hokä o totaleo o rajawali önanga aha ini utuku ngini.

O MATIUS 27:30

Onanga iwiobiri, deʼ yal̄ë o diki-diki gënanga, deʼ yagohara aimumukuku de o diki-diki.

O MATIUS 5:39

Mä öraha nënanga Ngohi tinï temo nginika: o nyawa o dorou yodiai nginika, onangika uha nia janggutu nia balaha. Nako o nyawa yapöka nia gotoaka maniraka, mal̄aika la yapökaoli nia gotoaka mahigili.

O HABAKUK 3:16

To ihene gënanga, ahi hininga yagiwi deʼ ahi uru makai ihahara. Ngohi idadi tobole koiwa ahi kuata, ahi l̄ou imahidodepeleke, okiaika ö ngohi totagi. Ngohi aha todamä deʼ torïridi ma Jou Madutu ai hukumanga yopoparangiuku.

O HABAKUK 1:6

O Babel manyawa duru yohohatera gënanga aha Tahidadi o höana de o berera yokokuaha. Onanga yohupu yotuo-tuono manga bereraka deʼ yaino deʼ yodadagi o dunia ya mode-modekika mangale ya utumu o hoana deʼ o berera ma ago-agomo ma homoaino.

O AMOS 2:3

O Moab ya kokuaha deʼ mata-mata manga popareta ma pegawe aha Tä toma.”

O YOEL 3:9

Nihingahu o bobita nënanga hagala o hoana deo berera ika: Nima hidiaiino ni parangi o hohi tubele yo kuata! Niä toomu yo sosawaro deʼ yonö nau-nauru yo parangi; niä toomu mata-mata o tentara, deʼ ni tagi nia himangika!

O YEHEZKIEL 24:2

”Hei o nyawa nokokakaliua, natulihi matagali o wange nënanga, karana o wange nënanga o Babel manga koano womulaenge wohigiloliti o Yerusalem.

O YEREMIA 25:9

’Ngohi aha tä ahoko hagala o hoana deo berera o koremieil̄e, deʼ Ahi gilaongo, o Nebukadnezar o Babel manga koano. Onanga aha tatoomu la yäparangi yälawani o Yehuda deʼ yogögogere ikali hagala o hoana deo berera yakokilolitino, o Yehuda manyawa kamamoi de hagala o hoana deo berera imakokadatekuku aha Täbinaha deʼ Tämal̄aika yowede-wederuku kahiado-adonika. Hagala o nyawa yamö make-make aha yatodokana deʼ yamao yäporohono. Ngohi, ma Jou, totemoka.

O YEREMIA 4:7

Hokä o singa ihupu mangingiunino hoko genangoli imagorakoka yabobinaha o hoana deo berera yobö boa-boa yomau yabinaha o Yehuda. O Yehuda ma kota-kota aha idadi o rutuku o ngï yogogogerua o nyawa.

O YESAYA 10:6

Ngohi tahidingoto o Asyur mangale yaparangi Ahi hoana yososatiaokaua deʼ yadiai Ngohi tongamo. Ngohi tähuloko o Asyur mangale yäora deʼ yädohiki deʼ yapito-pitoko Ahi hoana o kafo o ngekomoka.”

O YESAYA 8:9

Nimatoomu de nimahidahaharuku, hei hagala o hoana deo berera! Ni ihene hei dunia mabati-batingika! Nimahidiai mangale niparangi, mä de niahininga imahidahaharuku! Ya, nimahidiaioka, mä de niamao nimahidahaharuku!

O KOKOANO MAHINOTOKA 24:2

Ma Jou wahi dingoto o doomu madorou de manga daeoka o Babil ma nyawaino, o Siria, o Moab de o Amon mangale iwi lawani o Yoyakim de yabinaha o Yehuda, imamoteke de okia yotö temo-temoka itilakuru o nabi-nabi Ai gogilaongo.

O KOKOANO MADODIHIRAKA 22:24

Done wotagi ai himangiha ma Nabi womahi tigi o Mikhaika daha wapoka ai bionoko de wotemo, ”Kiaka yakunu ma Jou ai Womaha ihi mal̄a ngohi de ini temo ngonaika?”

O KEJADIAN 35:19

O ngo Rahel mohonenge de ipaha, münanga imilungunu o ngekomo madatekoka yodumu-dumutu o Efrataika, öraha nanga ma romanga o Betlehem.

O KEJADIAN 49:10

O Yehuda aha wasö ino kokoano madiki-diki, aidifauku aha yopareta kahi ado-adonika. Hagala o hoana de o berera aha yoao o soungu, deʼ yohuba de imaponuku ai himangoka.

O ULANGAN 33:27

Ma Jou Madutu salalu wodadi nia hohohongo, Ai giama ikokakali winï tiki ngini. Unanga wä duhu nia haturu nia himangoka, deʼ winï huloko ngini nia binaha önanga.

O HAKIM-HAKIM 17:7

O öraha gënangaö naga o goduru womatengo o Lewi aihoanino. Mahira ünanga wogogere o Betlehem mabereraka o Yehuda madaeraka.

O AMSAL 8:23

Ngohi ihituku kamadodihirakahi, madodihiraka, o dunia idadiuahi.

O YESAYA 9:5

O ngohaka o nauru womatengo womakil̄auoka mangale ngone; ngone inahidöaka o ngohaka o nauru womatengo. Unanga aha wodadi tongone nanga tutuda. Unanga iwihi romanga: ”Wonasihati Wobobarija” ”O Jou Madutu Wopoputurungu” ”O Ama woko Kakali”, ”O Dame ma Koano”.

O YEHEZKIEL 21:32

Ngini aha o uku ini ol̄omo inimata. Nia awunu aha ikopoa niabereraka mahirete, deʼ o nyawa kaima tengö ma koiwa ini hininga nginika. Ngohi o Jou totemoka.’ ”

O DANIEL 9:25

Na tulihi deʼ no mangarati nohidodiai nënanga. Tumidi higali ma tumidi mataongo aha ipaha, imulaenge maöraha ihihupu o pareta la ihigokoli o Yerusalem, hiadono woboa woma tengo o tutuda ma Jou Madutu Ai ngongiriki. Madekanino tumidi higali mamo ributanga dehinoto mataongo o ngekomo-o ngekomo deʼ o Yerusalem ma pagari aha ihigokoli, maöraha gënanga i omanga o huha deʼ o hukarang.