O MIKHA 4:8 - MA JOU AI BUKU O ABARI MA OA

⁸ De ngona Yerusalem, ma Jou Madutu wagoana Ai umati mangï hokä o gogoana wogoana ai duba matika, ngona aha nolio nodadi ani pareta ma kota matiti hokä mahira.

O MIKHA 4:8 Iomraidhean Croise

O YESAYA 1:26

Ngini aha Tinihidöakoli hagala o hakimi deʼ yononasihati hokä mahira. Done o Yerusalem aha ihiromanga o kota iadi-adili deʼ isosatia.”

O ZAKHARIA 9:10

Ma Jou wotemo, ”Hagala o kereta ihi poparangi o Efraimino aha Ta umo, mata-mata o kuda o Yerusalemoka aha Ta hohihanga deʼ hagala o toimi aha Ta wede-wederuku. Nia koano aha wohi ngahu o dame o hoana deʼ o berera ma ago-agomo manga hidogoronaka. O ngötoka deʼ o ngötika Unanga aha wakuaha, o Efrat ma Ngairoka deʼ yaino hiädono o dunia mabahaika.”

O HIMATOKO 22:5

Onanga aha yöparaluua o hilo ekola o wange malako madararono, hababu yöhutuokaua, deʼ Ma Jou Madutu mahirete aha wätararono önanga. Ho önanga aha yopareta hokä o koano kahiado-adonika.

O ZAKHARIA 9:12

Nima idulu hei hagala o nyawa ni totabuanga, o öraha nënanga tingini deʼ nia nganono. Nimaidulu nia gogoana ma ngïika, Ngohi aha kahirahi tinihi barakati ngini. Ni ihene: Higali mahinoto ngini aha Ti nihi barakati karana hagala o hangihara ngini nia mö mao-maooka.

O OBAJA 1:21

O Yerusalem manyawa yoö utu-utumu aha yaparangi o Edom deʼ yautumu. Done Ngohi o Jou aha topareta hokä o koano.”

O KEJADIAN 35:21

De iböto gënanga o Yakub wohigila-gila ai dodagi, daha wohigoko ai tau-tau o ngï moioka yatio o Eder macandi.

O EFESUS 1:21

O Kristus ai pangkati gënanga iholoi ikurutil̄e de hagala o popareta manga pangkati, hagala yokokuaha, hagala o tutuda, hagala o tua-tuanga deʼ o nagonaö dika yahi döaka o pangkati magögurutil̄e; yaoa yowango öraha nënanga, yaoa yowango öraha aha iböa.

O MARKUS 12:1

I paha o Yesus womuläenge woade-ade de o hitotero o imam-imam manga häeke, o agama maguru-guru deʼ o Yahudi manga tutudaika. O Yesus wotemo, ”Naga womatëngo, wödatomo aiangguru madumule, daha wödatomo o pagara yakilolitino. Iböto gënanga ünanga wohaiti o guhu, mangale o angguru madedeo mapakakaha, daha ünanga wohigoko yomomanarama manga ngï. Ipaha de gënanga ünanga wohihewa o angguru madumule gënanga yamuruono naga yomomanaramika, daha womä joboka o berera mahomoaika.

O DANIEL 2:44

O kokoano gënanga manga popareta maörahoka, Ma Jou Madutu o horogaka aha wohigoko moi o popareta aha i tongohono kahiado-adonika deʼ aha koya hohihangua o hoana deo berera okia dika. O popareta gënanga aha yawede-wederuku hagala o popareta mahomoa gënanga.

O SAMUEL MAHINOTOKA 5:7

O Daud wätemo ai nyawaika, ”Nagaka nengangoka ö yadoha-dohata o Yebus manyawa hokä ima tero ngohi tadohata önanga? Yaoaka iwi dohata ünanga hiädono duru woigo wä toma önanga? Niwohama nia nonu o akere mangekomo, deʼ niaparangi hagala o nyawa yosö suga-suga deʼ yopiloko tadö doha-dohata gënanga.” (Hababu gënanga o nyawa yotemo, ”O nyawa yopiloko deʼ o nyawa yosuga yakunua yö ngohama ma Jou Ai Tau.”) O Daud wohasili waora o Sion mabebeno o mehele de wögogere. Unanga wohi romangaö ”Daud ai Kota”. O kota gënanga ihi goko o bebeno o mehele gënanga magilolitino, mulaenge o doporono ihi kurutil̄e deʼ o tonaka o wange mahiwariha iboaka.

O BILANGAN 24:19

O Yakubino aha woböa womatengo wokokuaha, wabinaha hagala ai haturu.”

O MATIUS 21:33

”Ni ihene o hitotero moiohi nënanga,” o Yesus wotemo. ”Womatëngo o tonaka madutu wodatomo o angguru o dumule moi. Unanga wohibeloho o pagara ikilolitino, deʼ wohaiti o guhu la genanguku yateo maangguru, ipaha wohigoko o tau o gahumu moi magögurutil̄e, la genangokadau önanga yogöana. Iböto de gënanga ünanga wohihewa o angguru madumule gënanga yomomanaramika, deʼ ipaha ünanga woiki o berera mahomoaika.

O DANIEL 7:18

Mä ma Jou Madutu Duru Woko kurutil̄e aiumati aha yatarima o haku la yopareta deʼ manga popareta aha i tongöhono kahiado-adonika.”

O YESAYA 5:2

Unanga wapasolo matonaka deʼ waumo hagala o helewo. Wadatomo o angguru wongiri-ngirikino Wohi goko yogoa-goana mamenara. Wohaiti moi o gohu aiangguru wodeo-deo mangï, daha ünanga wodama mahohoko magomuku, mä mahasili o angguru mahohoko magogiohiki.

O YESAYA 10:32

O wange nënanga o haturu naga o Nob makotaka, deʼ dokengoka önanga manga dubu mabokoto ihi meta-meta o Sion ma Doporonika, o Yerusalem makotaika.

O MAZMUR 48:3

O Sion, ma Jou Madutu Ai Doporono itubuil̄e mahailoa ma Koano Woko Kurutil̄e ai kota o dunia ingodumu yodumorene.

O MAZMUR 61:3

Magurutika de ahi tau ngohi topöaka Ngonaika, karana ngohi ahi ngonganono i toaka. Ngona aha nohi ngotaka ngohi o diditoko i sosanangika, o ngi ikö kurutil̄e holi mangale ngohi;

O MIKHA 2:12

Ma Jou wotemoli, ”Hei o Israeloka ma umati ma hou-houohi! Ngini, maraioka Tinï toomu deʼ Ti nihi rimoi hokä o duba ilio ma kurungaika. Hokä o momo o tonaka ma lua-luasoka iomanga deʼ o duba, hoko genangoli ni aberera aha iomangoli deʼ o nyawa manga ngöe.

O MAZMUR 24:7

Nia helenga nia woa-woatika o ngorana ilago-agomo ihira-hira, hupaya ma Koano womomulia wowohama.

O KIDUNG AGUNG 4:4

Ani tomara hokä o Daud ai candi, wohi goko mangale wö gogono o dae. Ani gule kaimatero o dadatoko o ribuhu moi, yobobarani mata-mata manga boboha.

O ZAKHARIA 9:9

Hei o Sion manyawa, ni morene! Hei Yerusalem manyawa, nimä ulili! Niwï lega! Nia koano woboa deʼ ai utumu! Unanga o adili makoano woö ao-ao o halamati. Mä iwiomanga o hininga ma dipokouku Unanga woboa wobarene o keledai, o dutu moi o keledai ma gö.