O MIKHA 4:4 - MA JOU AI BUKU O ABARI MA OA

⁴ Moi-moi o nyawa aha yowango iridï deʼ idame ai angguru deʼ ai ara madumule mahidogoronaka; koiwa aha iwihikokokamodongo unanga, gënanga la ma Jou Duru wo ko Ko kuaha Ai jaji.

O MIKHA 4:4 Iomraidhean Croise

O ZAKHARIA 3:10

Nako o wange gënanga iboa, moi-moi o nyawa aha yä ahoko imakokadateke mangale yoboa deʼ yajame o dame deʼ o sanangi nia angguru deʼ nia ara ma utu madumule mahi dö dogoronaka.”

O YEHEZKIEL 39:26

Nako önanga yogogere de yorirïdi toönanga manga bereraka mahirete, deʼ o nyawa moiuaö yadodobuturungu önanga, done önanga aha yawohanga sarakia önanga yahi mal̄ekoka karana yosetiaokaua Ngohino.

O YESAYA 1:20

Mä nako ngini nihilawani Ngohi, ngini nihonenge o parangi magoronaka. Ngohi, ma Jou, totemo-temoka.”

O YESAYA 54:14

Ngona inihigoko oadili mahohol̄e mal̄okuoka, inihikurutika de oborohono deʼ inituku.

O YEHEZKIEL 34:28

Onanga aha yaoraokaua o hoana deʼ o berera ma ago-agomo ihi nako-nakoua Ngohi, ekola yägoli hagala o aiwani madorou. Onanga aha yowango deʼ malola, deʼ koiwa imatengö aha yadiai önanga yohawanoli.

O YESAYA 58:14

Done ngini ahanimorene karana nima higilaongo Ngohino. Ngohi ahatinidiai ngini de niahoromati odunia yamode-modekika. Ngini ahaniwango nisanangi de o Yakub ai puhaka matonaka mahasili, niaete de niatohora. Ngohi, o Jou totö temo-temoka.”

O YESAYA 40:5

Deone ma Jou Aimulia ahaihi nyata; o umati o nyawa yongodumu aha yahakihi. I goungu, ma Jou mahirete wojajioka!”

O YEHEZKIEL 38:11

Ngona naputuhu mangale naparangi o berera koö iwa-iwa mabebeno o mehele gënanga, kiaka manyawa yowango dëmadame de magigoro koiwa hagala o kotaoka koö iwa-iwa mabebeno o mehele deʼ koiwa toenanga mapakakaha imahigogoana.

O YEHEZKIEL 34:25

Ngohi aha todiai o jaji dede önanga, yatagongo toönanga manga halamati. Ngohi aha taduhu mata-mata o aiwani madorou o berera i ngodumu, hiädono Ahi duba-duba yakunu igogere deʼ irïdi o tonaka i lua-luasoka deʼ imaidu o honga-honganoka.

O YESAYA 26:16

Ngona nomi hukumoka ngomi; o dehehoto magoronaka ngomi mimaidulu Ngonaika, deʼ mimaniata Ngonaika, Jou.

O IMAMAT 26:6

Ngohi aha tö goana nia berera koiruaeua hiädono ngini yakunu nima idu nimahi rorahai, deʼ moiua niä modongo. O aiwani madorou aha Tahohihanga nia bereraka gënanga, deʼ koiwaka o parangi nia bereraka.

O AYUB 11:19

Ngona aha namodongo o haturuika; o nyawa manga ngöe aha yogahoko o roriwo ngonaika.

O MAZMUR 72:3

Tanu tongomi mia berera mahasili iwöe deʼ misosanangi, deʼ naga o adili ingodumu o hoana de o bereraika.

O YESAYA 17:2

Hagala o kota o Siriaoka aha yodogumal̄aika mangale kahiado-adonika deʼ idadi o aiwani ipopaliara matika mangï; moiua ahayaduhu ënanga.

O YESAYA 22:25

Nako gënanga idadi, done o paku ihipöpake-pake de makuata gënanga ahairahuku deʼ itifa. Deʼ gënanga mabobaha airoriadodoto deʼ mata-mata o nyawa ihilö lake-lakete mangadiri unangika. Ngohi, o Jou totemoka.”

O YESAYA 36:16

Uha niwihigihene o Hizkia! Ngohi, o Asyur mangakoano tohidöaka o nasihati hupaya nihupu o kota magoronaino deʼ nimaike. Done nginiyakunu niol̄omo o angguru mahohoko niadumuleino mahirete, ikali niokere niahumuino mahirete,

O YEREMIA 30:10

Ahi umati o Israeloka uha niahawana! Ahi gilaongo o Yakub, uha nohahara! Ngini deʼ niadifauku Tinihihalamati o berera magögurutoka de niaino, o ngï ngini initabuanga. Ngini aha nilio deʼ nigogere niabereraka nimahi sosanangi. Ngini aha niwango niarirïdi; koiwa naga iparalu ngini niomodongo.

O KOKOANO MADODIHIRAKA 5:5

Ma Jou wojajioka hoko nënanga ahi amaika o Daud, ’Ani ngohaka o nauru aha Tï goraka wodadi o koano woni tagali ngona, aha wohi goko o puji Ngohino mangï matau Karana gënanga, Tuanga Hiram nomo Mulia, ngohi, o Salomo, taputuhoka mangale tohi goko o tau gënanga.

O AMSAL 3:25

I paraluua ngona nömodongo o bodito itodokanino iboa hokä o rato, deʼ yätapalu o nyawa madorou.

O YESAYA 32:17

Moi-moi o nyawa aha yadiaioka itötotiai, hiädono naga o lola deʼ o dame kahiado-adonika.

O YEREMIA 23:4

Ngohi aha tägoraka manga tutuda la yäpaliara önanga. Ahi umati aha yohawanokaua ekola yohahara; kao nyawa moiö makoiwa yohihanga. Ngohi, ma Jou, totemoka.”

O MIKHA 5:3

Nako wokokuaha gënanga woboa, Unanga aha wapareta Ai umati deʼ o kuata deʼ o kuaha ma Jou ma Jou Madutuino mahirete. Ai umati aha yowango deʼ marïdi, karana mata-mata o nyawa o dunia magilolitino aha ihi goungu Ai mulia,

O ZEFANYA 3:13

O Israeloka manyawa mahou-houohi, aha yodiaiokauaoli o dorou o nagonaika ö; önanga aha yoelukokauaoli deʼ yotipuokauaoli. Onanga aha mata-mata kadema enanga deʼ idame-dame, deʼ yamaookaua o modongo o nagonaika ö dika.”