O MIKHA 4:3 - MA JOU AI BUKU O ABARI MA OA

³ Ma Jou aha waputuhu manga parkara o hoana deʼ o berera ma ago-agomo manga hidogoronaka hagala o negara ma kua-kuata mahidogoronaka, magogurutika yaoa ma digi-digino. Onanga aha ima dutuku hagala toönanga manga dia idadi o pajeko deʼ hagala toönanga manga kuama idadi o gakana ihipopoporo. Hagala o höana deʼ o berera ma ago-agomo ima teke parangiokauaoli, ima hidiaiokauaoli yomau yoparangi.

O MIKHA 4:3 Iomraidhean Croise

O MAZMUR 46:10

Unanga wohi bareti o parangi o dunia yamode-modekika, o toimi deʼ o kuama Wawedere, o dadatoko mahohululunu Watuhuku.

O MAZMUR 46:9

Niaino, nio lega okia ma Jou wakö karajanga; hokokia ho dodokana Ai manarama o duniaka!

O MAZMUR 72:3

Tanu tongomi mia berera mahasili iwöe deʼ misosanangi, deʼ naga o adili ingodumu o hoana de o bereraika.

O MAZMUR 72:7

Tanu o adili ihero imatero madekana o oraha, deʼ o hasili iwöe dema boboloi imatero madekana naga o mede.

O MAZMUR 82:8

Noboa ya Jou Madutu, nohi hakimi o dunia, hababu mata-mata o hoana deo berera ganga Tongona.

O MAZMUR 96:13

Hababu ma Jou woboa wopareta o duniaka, Unanga aha wahi juruhakimi hagala o hoana deo berera dema adili deʼ o hininga iriko-rikoto.

O MAZMUR 98:9

Hababu Unanga woboa mangale wohi juruhakimi o dunia; hagala o hoana deo berera aha wahi juruhakimi dema adili deʼ itiai.

O YESAYA 2:4

Unanga aha wäjuruhakimi o hoana deo berera manga hidogoronaka, deʼ waputuhu o perekara o hoana deo berera manga hidogoronaka. O oworo aha yatutuku idadi o pajeko, deʼ o kuama yadiai o gakana ihi pöpoporo. O hoana deo berera imateke parangiokauaoli, imaböbotoka o yomau imateke parangi.

O YESAYA 25:3

Ngona aha inihigiriri o hoana deo berera yokua-kuata, deʼ inimodongo o hoana deo berera manga hayanga koiwa-iwa manga kota-kotaoka.

O YESAYA 51:5

Ohalamati Tahidoa-döaka itigioka; Ahiutumu maöraha ngadeke iboa. Ngohi mahirete aha tapareta o hoana de o berera maago-agomo. Hagala oberera magogurutika ihïdodama Ngohi deʼ yonganono Ahimanarama ikua-kuata.

O YESAYA 60:12

O hoana de oberera deʼ opopareta yoluku imahigilaongo ngonaika, ahayobinaha deʼ yohihanga kamamoiuku.

O YESAYA 65:25

O serigala deʼ oduba mangohaka imakinïki iol̄omo omomo; osinga iol̄omo o gandum maröehe madoolenge hokä ohapi, deʼ ododiha ibahayaokauaoli. Ahidoporono itebi-tebini ingodumu, koiwakaoli yahirugi ekola yadiai odorou.”

O YESAYA 9:7

Ma Jou wogelengaka o hukumanga o Israel maparetauku.

O DANIEL 2:44

O kokoano gënanga manga popareta maörahoka, Ma Jou Madutu o horogaka aha wohigoko moi o popareta aha i tongohono kahiado-adonika deʼ aha koya hohihangua o hoana deo berera okia dika. O popareta gënanga aha yawede-wederuku hagala o popareta mahomoa gënanga.

O HOSEA 2:18

Oraha gënanga Ngohi aha to diai o jaji de hagala i rupa o aiwani hupaya ënanga uha yä ruae Ahi umati. Ngohi aha tohigumalaua hagala o parangi Ahi umati manga bereraka gënanga, deʼ ta diai önanga yo wango yori ridi deʼ yo sanangi.

O HOSEA 2:20

Ima moteke de Ahi jaji, ngona aha Toni kawingi. Ngona aha nohigoungu Ngohi hokä ani Jou ma hirete.

O YOEL 3:2

Mata-mata o hoana deo berera Tä toomu deʼ Tä ao o Juru Hakimi ma Wai ika. De Tahi juru hakimi önanga genangokadau mangale manga dorou Ahi umatika karana önanga imä kokereguoka o Israel matonaka deʼ Ahi umati önanga yä umo o berera irupa-rupa ika.

O ZAKHARIA 14:3

Daha ma Jou aha wotagi ma himangiha deʼ waparangi walawani o höana deʼ o berera gënanga, hokä Wadodiai o öraha ma hira.

O ZAKHARIA 8:20

Ma Jou Duru woko Kuaha wotemo, ”Maöraha aha iboa o kota mangöe manyawa aha yoboa o Yerusalemika.

O ZAKHARIA 9:10

Ma Jou wotemo, ”Hagala o kereta ihi poparangi o Efraimino aha Ta umo, mata-mata o kuda o Yerusalemoka aha Ta hohihanga deʼ hagala o toimi aha Ta wede-wederuku. Nia koano aha wohi ngahu o dame o hoana deʼ o berera ma ago-agomo manga hidogoronaka. O ngötoka deʼ o ngötika Unanga aha wakuaha, o Efrat ma Ngairoka deʼ yaino hiädono o dunia mabahaika.”

O KISAH RASUL-RASUL 17:31

Hababu Unanga wohitatapuoka, o öraha moiuku mangale watailako o dunia ingodumu nënanga de maadili. O manarama nënanga aha wadiai womatëngo wi iri-irikoka ma Jou Madutu mangale gënanga. Deʼ hupaya o nyawa mata-mata ihigoungu aha o hali gënanga, ma Jou Madutu wihiwangokali o nyawa gënanga o honengino!”

O HIMATOKO 19:11

Ipahaika ngohi tamäke o horoga ihelenga, daha tamäke o kuda magögare-garehe moi. Wöbare-barenuku airomanga Wososetia deʼ Wototiai. O hukumanga woputuhu magoronaka deʼ o parangi wadodiai Unanga woadili.

O SAMUEL MADODIHIRAKA 2:10

Ma Jou Ai haturu yowede-wederuku, önanga yohawana; o dihanguku Unanga womadotoreke. Ma Jou ahawa juruhakimi o dunia nënanga ingodumu, de wahidöaka o kuaha imomulia o koano wi iri-irikoka ika.”