O MIKHA 4:2 - MA JOU AI BUKU O ABARI MA OA

² önanga mata-mata aha yotemo, ”Niaino ngone hodoa ma Jou Ai doporonil̄e o Israel manga Jou Madutu Ai Tauil̄e! Unanga aha wo na dotoko ngoneino okia kokiani ngone hadiai. Ngone aha haniki Ai ngekomo hababu ma Jou Ai dodotoko iboa o Yerusalemino; o Sion ino Unanga wätemo Ai umatika.”

O MIKHA 4:2 Iomraidhean Croise

O YESAYA 2:3

önanga mata-mata yotemo, ”Niaino ngone hodoa ma Jou Ai Doporonil̄e, o Israeloka manga Jou Madutu Ai tauika. Unanga aha wonädotoko ngoneino okia kokiani ngone hadiai. Ngone aha hanïki Ai ngekomo, hababu ma Jou Ai dodotoko o Yerusalemino i boa, Unanga wotemo o Sion de yaino.”

O YEREMIA 31:6

Igoungu aha iboa maoraha o kota magogoana yopöaka o Efraim mal̄oku mabuturungoka, ’Niaino ngone hodoa o Sionil̄e, ma Jouika tongone nanga Jou Madutu.’ ”

O KISAH RASUL-RASUL 1:8

Mä ngini aha niamäke o kuaha, nako ma Jou Madutu ai Womaha iböaka nginika. Deʼ ngini aha nidadi o hakihi-hakihi mangale Ngohi o Yerusalemoka, o Yudea ingodumu, o Samariaka, deʼ hiädono o dunia mabatingika.”

O YESAYA 54:13

Mata-mata ahinyawa yodadi Ahimuri, önanga ahaolola mata-mata dema ënanga.

O MAZMUR 25:12

Jou, nä dotoko o nyawa yososetiaika o ngekomo kokiani önanga yanonu.

O YOHANIS 7:17

O nyawa yoigo yamoteke ma Jou Madutu aimau aha ihiöriki okia ino Ahi dodötoko iböa ma Jou Madutuino ekola Ngohino mahirete.

O ROMA 15:19

ihikinïki de o nonako ihëra-hëranga deʼ o hali-o hali biaha-biahaua; mata-mata gënanga mangale ma Jou Madutu ai Womaha makuaha. O Abari ma Oa mangale o Kristus ngohi tohingahuoka o nyawaika mata-mata, muläenge o Yerusalem mabereraka hiädono o Ilirikumika.

O LUKAS 24:47

Inoli de ma Koano Wohihohalamati Airomanga kokiani ihiabari hagala o hoanika de o berera manyawaika, kiaka o nyawa kokiani yotoba deʼ ma Jou Madutu waapongo manga baradoha. Deʼ o abari gënanga kokiani ihingahu o Yerusalemoka de imuläenge.

O MARKUS 16:20

Deʼ iwinö ninïki yoiki deʼ ihi ngahu o abari ma Jou Madutuino o ngï yögëto-gëtongo. Deʼ ma Jouö womahi moteke womanarama dede önanga deʼ o nonako i hëra-hëranga idadi manyonyata i goungu to önanga manga hingahu itiai.] [

O ZAKHARIA 14:16

Ipaha mata-mata o nyawa kayo wango-wangoohi o hoana deʼ o berera manga hidogoronaka yapoparangi o Yerusalem, aha yöiki o kotaika gënanga mangale iwi huba ma Koano, o Jou Duru woko Kuaha, deʼ mangale ihi amoko o Rameanga o Tau-tau ihi Katu o Hoka-hoka.

O KISAH RASUL-RASUL 13:42

Maöraha o Paulus deʼ o Barnabas yamal̄a o puji matau gënanga, o nyawa o puji matauoka gënanga yogahoko önanga yoboali, o Puji mawange yaino, mangale ihitararono iholoi ikurutika mangale o hali-hali gënanga.

O YOHANIS 6:45

O Nabi-nabi manga Buku magoronaka naga itulihi hokonënanga, ’Mata-mata o nyawa aha wädotoko ma Jou Madutu.’ Hoʼ mata-mata o nyawa iwihi gihene o Ama deʼ imadotoko Unangino, yoböa Ngohino.

O ULANGAN 6:1

”Ma Jou nia Jou Madutu wohi huloko ngohi tinï dotoko mata-mata o tita nënanga hupaya ngini nia diai o bereraka itedeka-nokaua ngini nio gogere.

O ZAKHARIA 2:11

O öraha gënanga o hoana deʼ o berera manga ngöe aha yo boa ma Jouika mangale yo dadi Ai umati. Unanga aha wo gogere niahi dödogoronaka, deʼ ngini aha ni hi öriki ma Jou wo hi hidingotoka ngohi nginika.

O HOSEA 6:3

Karana gënanga niaino ngone hohidailako mangale ha gou-goungu hï nako ma Jou. Unanga maraioka aha wo boa ngoneino hokä tigi-tigi i boa ibating oka danengino, deʼ hokä o awana ya pehaka o dunia, o awa-awanoka maöraha ihi bobaha.”

O MAZMUR 110:2

O Sion de waino ma Jou aha wödogo iwoata ani popareta; näkuaha hagala ani haturu!

O MAZMUR 119:1

Youtumu o nyawa manga wowango koiwa mahowono deʼ ihi ngounu ma Jou Ai titaika.

O MAZMUR 119:171

Ngohi tomau toni higiriri Ngona salalu, hababu Ngona nohï dotoko Nohi totatapu.

O MAZMUR 122:1

O Daud ai duduono ikokaramatika manyanyi. Ngohi tomorene maöraha o nyawa ihi temo ngohino, ”Niaino ngone hoiki ma Jou Ai Tauika.”

O YESAYA 56:7

”Ngini aha Tiniao o Sionika, Ahidoporono itebi-tebini, de tinihidöaka omorene Ahipuji matauoka. Hagala ohuhuba ngini nihihö huba-huba Ahihuhuba mangïoka aha Tatarima. Ahitau ahayahetongo oniata matau mangale hagala ohoana de oberera.”

O YEREMIA 42:3

hupaya o Jou Jou Madutu womihimatoko ngomino okiaika ngomi mioiki deʼ okia kokiani ngomi miadiai.”

O ZAKHARIA 9:10

Ma Jou wotemo, ”Hagala o kereta ihi poparangi o Efraimino aha Ta umo, mata-mata o kuda o Yerusalemoka aha Ta hohihanga deʼ hagala o toimi aha Ta wede-wederuku. Nia koano aha wohi ngahu o dame o hoana deʼ o berera ma ago-agomo manga hidogoronaka. O ngötoka deʼ o ngötika Unanga aha wakuaha, o Efrat ma Ngairoka deʼ yaino hiädono o dunia mabahaika.”