O MIKHA 4:1 - MA JOU AI BUKU O ABARI MA OA

¹ Hagala o wange ibö boa-boa o doporono, ma Jou Ai Tau mangï aha ioko itiaiil̄e deʼ ituboil̄e ikurutil̄e yatilakuru hagala ol̄oku deʼ hagala o doporono. Hagala o höana deʼ o berera yotuo-tuono dokengika

O MIKHA 4:1 Iomraidhean Croise

O YEREMIA 3:17

Maorahoka gënanga o Yerusalem makota aha yahetongo ’Ma Jou Ai pareta makuruhi’, deʼ hagala o hoana deo berera aha imatöomu o kotaka genangala ihihuba Ngohi. Onanga aha yamotekokaua toönanga manga hininga mamau ifuma-fuma deʼ itotorou gënanga.

O MAZMUR 22:27

O mihikini manyawa aha yol̄omo hiädono yapunuhu; o nyawa yoböa-böa ma Jouika aha iwi higiriri Unanga. Tanu ngini nisosanangi kahiado-adonika!

O ZAKHARIA 8:3

Ngohi aha toma idulu o Yerusalemika, Ahi kota itebi-tebini gënanga, deʼ tö gogere genangoka. O Yerusalem aha yanako hokä o kota isosetia deʼ ma Jou Duru woko Kuaha ai Doporono aha yahetongo o Doporono i Tebi-tebini.

O MAZMUR 86:9

Mata-mata o hoana deo berera Nahidädadi aha yoboa, ya Jou, mangale ini huba Ngona deʼ ihigiriri Ani mulia.

O KISAH RASUL-RASUL 2:17

Ma Jou Madutu wotemo, ’O öraha mabahaka, Ngohi aha tadogöpoa Ahi Womaha o nyawa mata-matauku. Niangoha-ngohaka o nau-nauru deʼ niangoha-ngohaka o ngongoheka aha inihi ngahu nginika o hali-o hali Ngohi tahingahu onangika. Nia nyawa yogögö aha yamäke o hali-o hali Ngohi tahi matoko onangika. Nia nyawa yatotimo-timono aha yonänere mangale o nänere Ngohi tahidöaka onangika.

O HOSEA 3:5

Mä aha i boa maöraha o Israel manyawa ima kilioro ma Jou toönanga manga Jou Madutu ika, deʼ toönanga manga koano ika o Daud aidifauku. Daha önanga aha iwï modongo deʼ iwi horomati ma Jouika, inoli ya tarima hagala Ai barakati.

O YEHEZKIEL 43:12

Nenangala ma Jou Ai Tauino mabiaha. Madaera ingodumu yakilolitino o l̄oku matubuoka ganga duru itebini.”

O MALEAKHI 1:11

Ngohi ihi horomati mangale o hoana deʼ o berera o dunia yamode-modekika. Okiaoka honanga yotuhuku o dupa mangale yahoromati Ahi romanga deʼ ihi huba hagala o huhuba ipatu-patutu, hababu mata-mata o hoana deʼ o berera ihi horomati Ngohi!

O ZAKHARIA 2:11

O öraha gënanga o hoana deʼ o berera manga ngöe aha yo boa ma Jouika mangale yo dadi Ai umati. Unanga aha wo gogere niahi dödogoronaka, deʼ ngini aha ni hi öriki ma Jou wo hi hidingotoka ngohi nginika.

O YESAYA 54:2

Na amokika otau-tau nogogogere; nakurutu magumi-gumini deʼ nakuata mabebeloho-bebeloho!

O HIMATOKO 20:4

Daha ngohi tamäke o kuruhi imomulia, deʼ hagala o nyawa yogögogeruku o kuruhi imomuliaoka gënanga yahidöaka o kuaha la yaputuhu o hukumanga. Ngohi tamäkeö hagala o nyawa manga häeke yatobi-tobikoka manga jiwa karana önanga ihidöaka o hakihi mangale o Yesus, deʼ ihibarihi o behehongo ma Jou Madutuino. O nyawa geönanga yahubaua o aiwani, ekola madulada. Onangö komaiwa yatarima o aiwani gënanga manonako manga bionoko ekola toona manga giamika. Ho önanga yowango okali deʼ yopareta hokä o koano de o Kristus o taongo o ribuhu moi madëkana.

O HIMATOKO 11:15

Daha o malaekat matumidoka aitrompet wawuwu, o horogaka toihene o ilingi-o ilingi duru kohakuatil̄e itemo, ”O kuaha mangale wapareta o dunia örahanënanga naga tongone nanga Jou aigiama mahoatoka deʼ o Koano Wohihohalamati wihijäjajioka. Unanga aha wopareta mangale kahiado-adonika!”

O IBRANI 1:2

Mä o öraha mabobahaoka nënanga Unanga wotemo-temo ngoneino imadohanga Ai Ngohaka. De madodagi Ai Ngohaka nënanga ma Jou Madutu wohidadi o alami de madol̄a. Deʼ ma Jou Madutu wohitantuoka Ai Ngohakö gënanga wahaku hagala mata-mata ka Unanga madutu.

O DANIEL 7:27

O kuaha deo kabaharanga hagala o popareta o duniaka aha yahiadöaka ma Jou Madutu Duru Woko kurutil̄e aiumatika. Toönanga manga kuaha mangale yopareta aha koiwa mabaha deʼ mata-mata yokokuaha o duniaka aha ima gilaongo onangika de manga hingounu.”

O DANIEL 2:44

O kokoano gënanga manga popareta maörahoka, Ma Jou Madutu o horogaka aha wohigoko moi o popareta aha i tongohono kahiado-adonika deʼ aha koya hohihangua o hoana deo berera okia dika. O popareta gënanga aha yawede-wederuku hagala o popareta mahomoa gënanga.

O YESAYA 49:6

Ma Jou wohitemo ngohino, ”O manarama iholoi ilamoko inidama ngona, hei Ahigilaongo; ngona duga-duga aha nahigilioua oYakub aidifauku mahou-hou de nahigilio deʼ nohigilio mangamulia hoi hira-hirali hagala o Israeloka manga hoana, mä tonihidadi odararono o hoana de o berera maago-agomo, hupaya odunia ingodumu yahihalamati.”

O HIMATOKO 15:4

O nagona inimodongua Ngonaika, Jou? O nagona yoluku ihiabari Ani mulia? Ngona dika naga notebi-tebini. Hagala o hoana de o berera aha yoböa inihuba Ngona karana Ani jojobo iadili o nyawa mata-mata yamäkeoka.”

O MIKHA 3:12

Karana nia dorou gënanga o Sion aha yapajeko hokä o dumule, o Yerusalem aha idadi magogilianga madoporono, deʼ ma Jou ai Tau ma doporono aha idadi o hongana i rubu-rubu.

O DANIEL 7:18

Mä ma Jou Madutu Duru Woko kurutil̄e aiumati aha yatarima o haku la yopareta deʼ manga popareta aha i tongöhono kahiado-adonika.”

O DANIEL 7:14

Unanga iwihidöaka o horomati deʼ o kuaha hokä o koano, hiädono hagala o nyawa o hoana deobereaino, o hoana deʼ o bahasa imahi gilaongo unangika. Ai kuaha aha itongohono kahiado-adonika, aipareta aha yalulua.

O DANIEL 2:35

O oraha gënanga dika i ngodumu o dulada gënanga i ruba de idadi o behi itotoporonil̄e, o tonaka matau-taulu, o tabaga, o haaka de o gurasi, hokä o kafo o gandum ihi boha-boha mangïoka o ngogoro maorahuku. Itotoporonil̄e gënanga ihihaili o hidal̄oko yawuwu, hiadono yamal̄aikaua kama rio makoiwa. Ma helewo yaröruba-ruba o dulada gënanga idadi imatero mapako hokä ol̄oku deʼ yaomanga o dunia ya mode-modekika.

O DANIEL 2:28

Mä o horogaka naga Ma Jou Madutu wöbobelenga hagala o rahasia, deʼ Unanga woni hingahuoka ahi Tuangika okianaga aha idädadi o wange ma duruino. Orahanënanga, tanu nohihigumal̄a ngohi tohitararono o nanere deʼ okianaga namömake-make ahi Tuanga natotarima ahi Tuanga maöraha noma idu gënanga.

O YEHEZKIEL 40:2

Moi o lolega magoronaka, ma Jou Madutu wohiao ngohi o Israel matonakika de wohihigogere ngohi ol̄oku magögurutil̄eoka. Ahi himangoka tamake o tau ma ago-agomo o doomu moi imahirupa moi o kota.

O YEHEZKIEL 38:16

Daha ngona naparangi Ahi umati o Israeloka hokä o rato mangutuku yaparono o dunia. Nako maöraha iboa, ngona aha Toni hidingoto mangale nögogere Ahi tonaka. De Ahi manarama i tilakuru ngona, hei Gog, o hoana deʼ o berera ma ago-agomo aha ihi öriki onagona Ngohi, enagënanga o Jou Madutu totö tebi-tebini.

O YEREMIA 48:47

Mä o wange maduruino Ngohi aha tohigilio hoihira-hirali o Moab maberera. Ngohi, ma Jou, totemoka!” Genanga doka aha ma Jou wadiai o Moabika.

O YEREMIA 16:19

Jou ka Ngona nohï goa-goana ngohi deʼ nohihidöaka o kuata ngohino; Ngona nohïriwo ngohi o huha maorahoka. Hagala o hoana deo berera o dunia mabaha-bahaino aha yoboa Ngonaino deʼ yotemo, ”Tongomi mia ete de mia tohora de manga gikiri duga-duga o gikiri madutuua hakali-kali koi baragunaua.

O YESAYA 43:6

Tapareta o koremieuku deʼ o koreharail̄e, hupaya önanga i taiti yapidili. Mal̄aika niangoha-ngohaka o nauru magurutoka de yaino yolio, deʼ nia ngoha-ngohaka o ngoheka o dunia mabati-batingoka de yaino yolio.

O YESAYA 27:13

O öraha gënanga o trompet mapako-pako aha yawuwu mangale ya ahokokali mata-mata o Israel manyawa yaumo-umo o Asyuroka deʼ o Mesir. Onanga aha yoboa o Yerusalemika mangale iwihuba ma Jou Ai doporono itötebi-tebinoka.

O MAZMUR 110:3

Mawangeoka noboa de ani kuaha, o doporono itebi-tebinoka, ani kawaha yotagi mahimangiha de manga hininga mahuka. Hokä o dumunitara o ngoru-ngorumino, o gogoduru yoboa ngonaino.

O KEJADIAN 49:10

O Yehuda aha wasö ino kokoano madiki-diki, aidifauku aha yopareta kahi ado-adonika. Hagala o hoana de o berera aha yoao o soungu, deʼ yohuba de imaponuku ai himangoka.

O KEJADIAN 49:1

De ipaha o Yakub wä ahoko ai ngoha-ngohaka deʼ wätemo, ”Nima toomu nengino, nihihitigi-tigino. Aha tinihingahu nginika okia aha ngini niamake o wange maduruino:

O PETRUS MAHINOTOKA 3:3

Madodihiraka, ngini kokiani nihiöriki ma wange mabö bobahaka, aha yoböa o nyawa manga wowango yäkokuaha to önanga manga nahihu mahirete. Onanga aha inï hohedu ngini,

O DANIEL 10:14

Ngohi toboa mangale tadiai ngona nomangarati okianaga aha idädadi anihoanika. O lolega nënanga mangale o wange mahimangika.”

O DANIEL 7:22

De ipaha Unanga wowango i kokakali gënanga woboa daha wohidöaka o putuhu yahitiai. Ai umati ma Jou Madutu Duru Wokökurutil̄e. Maöraha yadonoka önanga yatarima o kuaha mangale yopareta.

O MAZMUR 48:1

O Mazmur o Korah ai ahaluku.

O YESAYA 56:7

”Ngini aha Tiniao o Sionika, Ahidoporono itebi-tebini, de tinihidöaka omorene Ahipuji matauoka. Hagala ohuhuba ngini nihihö huba-huba Ahihuhuba mangïoka aha Tatarima. Ahitau ahayahetongo oniata matau mangale hagala ohoana de oberera.”

O YEREMIA 26:18

”Maöraha o Hizkia wodadi o Yehuda manga koano, ma Nabi Mikha o Moresyet mabereraino wahiadono o kawahaika o demo nënanga ma Jou Duru Wokokuahaino, ’O Sion aha yapajeko hokä o dumule, o Yerusalem aha idadi o rutuku itotoporonil̄e, deʼ o Doporono ma Jou Ai Tau aha idadi o hongana.’

O YEREMIA 31:12

O Sion ma Doporonika önanga aha yoboa de manga hoana ihöhailoa, ikali yonyanyi de manga morene karana Ahi ngongike mata-mata onangika, enagënanga o gandum, o minya, o angguru, o hapi deʼ o duba. Onanga aha hokä hadödato-datomo ma akere iwedo-wedono, deʼ okia-kiaua yokuranga.

O ZAKHARIA 14:10

O berera yamode-modekika o Geba o koremieuku deʼ yail̄e hiädono o Rimon o koreharail̄e aha idadi o tonaka irata-rata. Ma o Yerusalem aha itol̄omo ikurutil̄e, iholoi ikurutil̄e ngaro deʼ o tonaka magilolitino; o kota gënanga aha ima hoheika o Ngorana ma Amo-amoko o Benyamin deʼ yaino hiädono o Libuku ma Ngorana ma Amo-amokika, enagënanga mangï o ngorana ma amo-amoko madodihiraka deʼ o Menara Hananel hiädono o koano manga angguru madutu yo deo-deo mangï ika.