O MIKHA 3:8 - MA JOU AI BUKU O ABARI MA OA

⁸ Mä ya korona ahi diri nënanga, ma Jou wohi dol̄aka ngohi de Ai womaha deʼ Ai kuaha. Ngohi wo hi hidöaka o mangarati mangale o adili, deʼ o barani ö mangale tohi nyata o Israel manyawaika hagala o baradoha önanga yadodiai.

O MIKHA 3:8 Iomraidhean Croise

O AYUB 32:18

Tosabarokaua ngohi totamä. Takunokauaoli tatumungu ahi demo-demo.

O YESAYA 58:1

Ma Jou wotemo ”Nopöaka noma kua-kuatil̄e! Nahi ngahu Ahiumatika hagala toönanga manga baradoha.

O YESAYA 61:1

Ma Jou Duru woko Kurutil̄e ai kuaha naga ngohioka; Unanga wohiiriki deʼ wohihuloko ngohi mangale tao oabari maoa onyawa mihikinika deʼ tahitogumu onyawa mangahininga iwöwede-wedere; mangale ihingahu onyawa yatumu-tumungukuika önanga de majapati yahibebasi, deʼ hagala onyawaika obui magoronaka önanga aha yalapahi.

O YESAYA 61:2

Unanga wohihuloko ngohi mangale tohi abari maöraha iboaoka ma Jou wohihalamati; mangale walaru mata-mata yodö duka-duka, deʼ wabalahi hagala toönanga mangahaturu;

O YEREMIA 1:18

Noihene! Ngona aha inilawani yogögogere o berera nënanga, enagënanga o Yehuda ma kokoano, o popareta mapopegawe, o imam-imam deʼ o kawaha. Mä o wange nënanga Ngohi tonihidöaka o kuata ngonaika la nälawani önanga. Ngona aha nodadi hokä o kota demabebeno o mehele, hokä o liate o behi deʼ o bebeno o tabaga. Onanga aha koini utumua ngona, hababu Ngohi aha tonitomoteke deʼ tonïgoana ngona. Ngohi, ma Jou, totemoka.”

O YEREMIA 20:9

Mä nako ahi hininga magoronaka ngohi totemo, ”Mal̄aikala ma Jou tïwohangoka dika, tolukoka totemo-temo de Ai romanga,” done Ani behehongo hokä o uku mangaboho ahi hininga madol̄aka. Tohitailako toma totongohono mä inyata ngohi koiwa ahi kuaha.

O YEREMIA 6:11

Ani dohataö hokä o uku mangaboho ahi diri magoronaka, Jou! Ihuha tatumungu.” Dema Jou wato, ”Nohiaiki ani dohata gënanga manga ngoha-ngohakika o ngekomo ma amokoka deʼ o gikiri magöika magogiriaka imatoomuino. O nau-nauru deʼ o ngongoheka aha yätagoko, deʼ o nyawa manga umuru ikökurutil̄eoka aha koyo otanua.

O RATAPAN 2:14

Ihö ado-adono o nabi-nabi ngonaika, duga-duga o tipu deʼ o tengeluku mata-mata. Onanga komaiwa yahelenga ani baradoha, hiädono karana genanga ngona nomatobaua. Idulu yaino önanga duga-duga ihiadono nginika hagala o demo ielu-eluku yatau-tauru.

O YEHEZKIEL 16:2

”Hei o nyawa nokokakaliua, nahimatoko o Yerusalemika hagala omanarama itotorou yadödodiaioka.”

O YEHEZKIEL 20:4

Hei o nyawa nokokakaliua, ngona nomahidiaioka nä juru hakimi önanga? Aa, nadiai! Nahidoäka o hohininga önanga aha hagala ipese-peseke yadodiaioka toönanga manga ete deʼ manga tohora.

O YEHEZKIEL 22:2

”Hei o nyawa nokokakaliua, onagonaika iböto ngona najuru hakimi o kota iomanga deʼ o doma gënanga. Nohidumutu onangika hagala mamanarama haö emo-emono.”

O YEHEZKIEL 23:36

Ma Jou wohitemo ngohino, ”Hei o nyawa nokokakaliua, ngona noma hidiaioka nä juru hakimi o ngo Ohola deʼ o ngo Oholiba? Nahidaaere önanga yakorona odorou önanga yododiaioka.

O YEHEZKIEL 3:14

Ma Jou Ai kuaha ihi dotoboa ngohi de magiria, deʼ maöraha ngohi ihi goraka deʼ ihiao Ai Womaha, ahi hininga tamao mamali deʼ mahauku.

O YEHEZKIEL 43:10

Daha ma Jou wotemoli, ”Hei o nyawa nokokakaliua, nahi ngahu o Israel ma umatika mangale Ahi Tau nënanga, de nähuloko önanga yatailako ihidodiai manga datoro. Yadiai önanga idadi yamal̄eke karana hagala toönanga manga baradoha.

O MATIUS 7:29

Hababu Unanga wodotoko de makumati, hokä manga guru-guru agamaua.

O MARKUS 3:17

o Yakobus deʼ aidodoto o Yohanis enagënanga o Zebedeus aingoha-ngohaka (önanga nënanga yahiromanga Boanerges mamangarati ö dotereke ma ngohaka”),

O KORINTUS MADODIHIRAKA 2:4

O abari ngohi tohi ado-adono nginika ngohi tohi adonua de o demo-demo nia hininga yadäe-däene imoteke o nyawa mabarija. Ngohi tohi ädono gënanga de madodagi ihi nyata i goungu ma Jou Madutu ai Womaha ikuaha.