O MIKHA 3:5 - MA JOU AI BUKU O ABARI MA OA

⁵ Ahi höana de ahi berera ya tipu, mangale o nabi-nabi ihi dodemo ma oa-oa o nyawa yahi doa-doakika o tiwi, mayä haturu deʼ yahaduliikaua o nyawa ihi döa-döaka. Hagala o nabiika hoko gënanga, ma Jou wotemo,

O MIKHA 3:5 Iomraidhean Croise

O YEREMIA 6:14

Ahi umati manga nabo-nabo önanga yapulono o nabo ma alu-aluhu dika. ’Aa, yadodoaua,’ mata-mata kayaoa-oa deʼ kai riridi. Enahioko duru mata-mata kowali.

O YEREMIA 23:32

Ngohi, ma Jou, aha tälawani hagala manga nanere gënanga iomanga deo tengeluku. Onanga yomau Ahi umati yaao o ngekomo i howo-howonika de toönanga manga tengeluku deʼ manga ade-ade ihihohomoa. Ngohi tahulokua o nabi-nabi gënanga. Onanga hakali-kali yobaragunaua mangale Ahi umati. Ngohi, ma Jou totemoka.”

O ROMA 16:18

Hababu hagala o nyawa yododiai hokogënanga koigoungua yomanarama mangale o Kristus tongone nanga Jou, duga-duga mangale ihiaiki manga hininga manahihu mahirete. De mangabobaja deʼ o demo mamuti-mutiti, önanga yätipu hagala o nyawa yanönäko-näkoowahi okianaga.

O MATIUS 15:14

Ngarouha nialegaika o Farisi manyawa gënanga. Ona gënanga o tutuda yopilo-piloko; de nako o nyawa yopilo-piloko yätuda o nyawa yopilo-piloko, aha yahinoto ö yäotaka o gotiuku.”

O MATIUS 7:15

”Nimahidodiai mangale o nabi-nabi madutua. Onanga yaino nginino imahi biono o duba, mä imoteke madiai önanga hokä o kaho honganika itotual̄ono.

O MALEAKHI 2:8

o öraha nënanga, ngini, o imam-imam, ni rehenoka deʼ o ngekomo madiai. Hagala nia dodotoko ya tauroka manga ngöe o nyawa mangale yodiai o howono. Ngini nia kiliangoka o jaji Ta dodiai de de ngini.

O MIKHA 3:11

O kota yokokuaha yo pareta mangale yamake o uru bokumu matiwi, o imam-imam yodotoko ma Jou Ai tita mangale o gaji, deʼ o nabi-nabi yogahoko o hidumutu ma Jou Madutuino, mangale yamake o tiwi – daha önanga mata-mata yatobote ma Jou onangino wahiboa. Onanga yo temo, ”Ma Jou naga tongone nanga hi dö dogoronaka; ngone aha ina tapaluua o bodito.”

O MIKHA 2:11

Ngini nia igo o nabi yo igo yo elu-eluku deʼ yotipu ikali i hi dodemo ti ngini aha nia angguru deʼ nia sopi deʼ ma boboloi.”

O YEREMIA 23:27

Onanga imapikiri de o nanere-nanere önanga ihi jojarita gënanga, Ahi umati yakunu ihi wohanga hokä toönanga manga ete de manga tohora ihi wohanga Ngohi deʼ yahuba o Baal.

O YESAYA 3:12

Ahi umati aha yätuku o rente yol̄ë iamo-amoko deʼ yateo-teo o nyawa. Ahi umati aha yahirehene manga tutuda-tutuda hiädono yanakookaua o ngekomo kokiani önanga yanonu.”

O YOEL 3:9

Nihingahu o bobita nënanga hagala o hoana deo berera ika: Nima hidiaiino ni parangi o hohi tubele yo kuata! Niä toomu yo sosawaro deʼ yonö nau-nauru yo parangi; niä toomu mata-mata o tentara, deʼ ni tagi nia himangika!

O AMSAL 28:21

Itorou hoiriki dehotingaka o nyawa; mä nagaö o hakimi yomau yoadilua duga-duga mangale yamake o tiwi mahuhutulua.

O YEREMIA 6:4

Onanga aha yotemo, ”Ika, homa hidiaila höngika o Yerusalem! Niaino ngone hängohama o wange nënanga!” Mä deipaha önanga aha yotemoli, ”Uwee hotaituaholi! O wange i mulaengoka ihuhutu, o gurumini imulaengoka ikurutil̄e.

O RATAPAN 2:14

Ihö ado-adono o nabi-nabi ngonaika, duga-duga o tipu deʼ o tengeluku mata-mata. Onanga komaiwa yahelenga ani baradoha, hiädono karana genanga ngona nomatobaua. Idulu yaino önanga duga-duga ihiadono nginika hagala o demo ielu-eluku yatau-tauru.

O YEHEZKIEL 13:9

Ngohi aha tinihukumu ngini, hei nabi-nabi nihidemo ohidodemo ielu-eluku yahayali o lolega-lolega. Ngini yakunokauaoli nihidoaka o putuhu Ahi umati manga doomu ma ago-agomo magoronaka. Nia roma-romanga aha yaehe o Israeloka manga ahali mabukuoka, deʼ ngini aha nilio okaua nia tonaka madutuika. Done ngini nihi öriki Ngohi o Jou Duru Tokokurutil̄e.

O HOSEA 4:5

O hutu de o wange ngini ni diai o howono, hoko genangoli o nabi-nabi. Hababu gënanga Ngohi aha ta binaha o Israel, nia ayo.