O MIKHA 3:3 - MA JOU AI BUKU O ABARI MA OA

³ Ngini niä ol̄omo ahi höana de Ahi berera. Manga kai ngini nia ka kakihi deʼ manga kobo-kobongo ngini nia wedere. Ngini niä lui-luiti önanga hokä nia luiti o hiode ma akeme mangale nio noa o bohoko ma goronauku.

O MIKHA 3:3 Iomraidhean Croise

O MAZMUR 14:4

Ma Jou wato, ”Koi mamaouwahi hagala o nyawa madorou gënanga? Onanga yowango kayä oraino Ahi umati deʼ komaiwa imä niata Ngohino.”

O MAZMUR 27:2

Nako ngohi ihï ngino o nyawa madorou yomau ihi toma, kaönanga yopeleke deʼ yoruba.

O AMSAL 30:14

Naga o nyawa imälingiri manga ngol̄omo de manga ngokere madodagi koiwa mahayanga; önanga kayätoha-tohatika deʼ yähokoto o mihikini manyawa deʼ o nyawa yobole-bole.

O YESAYA 3:14

Ma Jou wodiai hokä o hakimi Ai umati manga tutuda-tutudaika. Nenanga ma Jou Aigalaki onangika: ”Ngini niaora o angguru madumule mahasili; niatau iomanga okiahonanga ngini niaora-ora o mihikini manyawaino.

O YESAYA 3:15

Yadodoa ngini niatuku Ahi umati deʼ niateo o mihikini manyawa? Ngohi, o Jou Toko Kurutil̄e deʼ Tokö Kokuaha totemooka.”

O YEHEZKIEL 11:3

Mahababu gënanga nohiadono Ahi behehongo mangale o hukumanga onangika, hei onyawa nokokakaliua. Hababu önanga yotemo, ’Itedekanokaua hagala o tau nënanga aha ngone hohi gokookali. O kota nënanga nagala o bohoko deʼ ngone nagala o hiode maakeme magoronaka. Ngone aha horïdi o uku mahiru-hiruino karana inä paliara o bohoko nënanga.’ ”

O YEHEZKIEL 24:4

Nonoa ohiode ma akeme magoronauku ohiode ma akeme duru maoa-oa mabelaka ma akeme deʼ mauguru ma akeme ikali hagala makobongo maniara ilo amo-amoko.

O AMOS 8:4

Ni ihene hei ngini niä tuku-tuku o nyawa mihikini o bereraka nënanga hiadono önanga yo binaha!

O MIKHA 2:8

Ma Jou wo haluhu, ”Nginila nia parangi Ahi umati hokä o haturü. O nyawa yo lio o parangoka deʼ ya ino deʼ manga nganono aha wa mao wo sanangi ai tauoka, ena hioko dokengoka koaholi ngini ni wi damä mangale nia ora ai tau.

O ZEFANYA 3:3

O kota manyawa yolago-agomo gënanga hokä o singa ipöa-pöaka. Hagala ai hakimi hokä hagala o kaho o honganika yahahini; önanga duru yohorodo hiädono moi o kobongo makoiwa yamal̄aika mangale iyarehino.