O MIKHA 3:2 - MA JOU AI BUKU O ABARI MA OA

² mä ngini koaholi nio dohata o oa-oa, deʼ ni sanangi i totorou, Ahi höana de ahi berera ngini nia helenga manga kai nia hingangoika, deʼ ngini nia kakihi manga akeme hagala manga kobongoka.

O MIKHA 3:2 Iomraidhean Croise

O KOKOANO MADODIHIRAKA 21:20

Maöraha o Ahab wimake o Elia, ünanga wotemo, ”Hei haturu, mabaha ngona nohimake ngohi!” ”Itiai,” o Elia wohaluhu. ”Karana Tuanga de ani dungutu nadiai itotorou ma Jou Ai lolegaka,

O TAWARIKH MAHINOTOKA 19:2

womatengo manabi airomanga o Yehu o Hanani aingohaka woboa wihimanga ma koano. Ma nabi wato unangika, ”Ipatutu Jou Koano nariwo o nyawa madorou de nahiboa o nyawa iwidoha-dohatika ma Jou? Jou Koano animanarama gënanga idadi hababu ma Jou woningamo Jou Koanoika.

O MAZMUR 15:4

o nyawa wä umo-umoka ma Jou Madutu yapulono okiaua yädaene, mä yä horomati o nyawa manga wowango itebi-tebini; manga jaji yatotomo ngaroko yorugi;

O MAZMUR 53:4

Mä mata-mata o nyawa yamotekokaua o pareta madiai deʼ manga kalakuanga itorou, kaima tengo makoiwa o oa-oa yodiai.

O AMSAL 28:4

O naguna wahaduliua o tita, wahiriwo o nyawa madorou; o naguna wohingounu o tita wälawani o nyawa manga kalakuanga itotorou.

O YESAYA 3:15

Yadodoa ngini niatuku Ahi umati deʼ niateo o mihikini manyawa? Ngohi, o Jou Toko Kurutil̄e deʼ Tokö Kokuaha totemooka.”

O YESAYA 5:20

Nibodito ngini nia totakaidulu maoa-oa deʼ madodorou, mahohuhutu deʼ madodararono, mamali-mali deʼ mamuti-mutiti!

O YESAYA 57:12

Mä Ngohi tinihingahu nginika; nia wowango madebi-debini gënanga madutua, de mata-mata niamanarama ibaragunaua nginika.

O YEHEZKIEL 11:7

Hababu gënanga, Ngohi, ma Jou Duru to Kokurutil̄e tinï temo nginika: Igoungu, o kota nënanga nagala o bohoko, mä o hiode ma akeme toenanga magoronaka nginiua, mä hagala o nyawa manga mayeti ngini nia toma-tomaka! Enahioko ngini aha Tinïduhu o kotaka nënanga deʼ nihupu!

O YEHEZKIEL 22:27

Manga popareta yopangka-pangkati hokä o serigala yakakahi mainomo. Onanga yodiai o doma duga-duga mangale yolingiri o utumu.

O YEHEZKIEL 24:4

Nonoa ohiode ma akeme magoronauku ohiode ma akeme duru maoa-oa mabelaka ma akeme deʼ mauguru ma akeme ikali hagala makobongo maniara ilo amo-amoko.

O YEHEZKIEL 34:3

Mahuhu ngini niaokere, hagala magogo ngini niadiai o pakeanga, deʼ o duba duru iboburere ngini niatoaka de niaol̄omo. Ngini komaiwahi niapaliara niaduba-duba.

O AMOS 4:1

Ni ihine, hei o Samaria ma ngongoheka kaidogo ni burere hokä hagala o hapi i totoporono o Basan ma tonakoka! Ngini niä tuku o nyawa yo bole-bole, niä teo o nyawa mihikini, deʼ ni tuntutu hupaya nia rokata salalu ya sadia o daluku i biha-biha mangale ngini!

O AMOS 5:15

Niö dohata o dorou de niö igo o oa-oa, deʼ nia totiail̄e o adili. Yakunu idadi ma Jou aha wä dora hagala o nyawa ma hou-houohi o Israel manyawa ino.

O MIKHA 2:8

Ma Jou wo haluhu, ”Nginila nia parangi Ahi umati hokä o haturü. O nyawa yo lio o parangoka deʼ ya ino deʼ manga nganono aha wa mao wo sanangi ai tauoka, ena hioko dokengoka koaholi ngini ni wi damä mangale nia ora ai tau.

O MIKHA 7:2

O nyawa manga hininga iriko-rikoto yohihangoka o bereraka, o nyawa yo sosetia ma Jou Madutuika hä makeokauaoli. Moi-moi o nyawa yodamä o öraha mangale yo toma. Moi-moi ihiakana o modoi imahikoka nyawaika.

O MIKHA 7:3

Mata-mata yo sawaro yodiai o dorou magoronaka yo pangka-pangkati de o hakimi yogahoko o tiwi o urubokumu, deʼ o kawaha manga balu-baluhu ya pakisa manga mau, hoko gënanga önanga ima kinïki ima teke fakati.

O ZEFANYA 3:3

O kota manyawa yolago-agomo gënanga hokä o singa ipöa-pöaka. Hagala ai hakimi hokä hagala o kaho o honganika yahahini; önanga duru yohorodo hiädono moi o kobongo makoiwa yamal̄aika mangale iyarehino.

O LUKAS 19:14

Mä aiberera manyawa gënanga iwïdohata unangika. Hoʼ, ünanga de wosoboka, önanga ihidingoto manga huhuloko la ihingahu, ’Ngomi mioluku o nyawa nënanga wodadi mia koano.’

O YOHANIS 18:40

Onanga yohaluhu de ima pöa-pöaka, ”Kowali, uha Unanga, mä o Barabas!” (O Barabas ganga o nyawa moi wo ora-ora.)

O YOHANIS 7:7

O dunia nënanga yakunua inidohata ngini. Mä Ngohi igoungu ihidohata o dunia, hababu Ngohi hokogenangika tohidaaere o duniaika mangale mamanarama itotorou.

O ROMA 1:32

Onanga ihiöriki, imoteke ma Jou Madutu aitita, o nyawa yadodiai mata-mata gënanga ipatutu yähukumu de o honenge mahukumanga. Ngarokö hokogënanga önanga kayo diaioli o hali-o hali gënanga; deʼ inoli kai himotekoli o nyawa mahomoa yadodiai ënanga.

O ROMA 12:9

Niadora de niahininga itebini. Niodohata itotorou, deʼ nia sö maoa-oaika.

O TIMOTIUS MAHINOTOKA 3:3

Onanga yahiningaua manga dodiawo, yoluku yahi apongo, önanga yoigo yadadi o dorou o nyawa mahomoa manga romanga, yoigo yapäke o pakisa, koiwa manga hayangi, deʼ yoigoua o oa-oa.