O MIKHA 2:7 - MA JOU AI BUKU O ABARI MA OA

⁷ Uha nia tobote o Israel ma umati ma Jou wa lolaioka! Ma Jou aha wadiaiua hagala o hali hoko gënanga. Unanga ko maiwahi i hihanga Ai sabari. Koigoungua Unanga wotemo deʼ ka yaoa-oa hagala o nyawaika ya mo manarama o diai?”

O MIKHA 2:7 Iomraidhean Croise

O MAZMUR 84:11

Holoi yaoa o wange moi Ani Tauoka dengaro o wange o ribuhu moi o ngi mahomoaka. Ngaro detogogere o nyawa modorou manga tauoka ngohi tomä ngiriki todadi ahi Jou Madutu Ai Tau mangorana magogoana.

O YEREMIA 15:16

Ngona Nohi temo-temo ngohino, deʼ ngohi tohigihene Ani demo moi-moi. Ngohi to Ngona, ya Jou ma Jou Madutu Duru Nokokuaha, karana gënanga hagala Ani demo tosanangi deʼ tamao toutumu.

O MAZMUR 15:2

O nyawa yowango manga howono koiwa deʼ yadiai yaoa-oa, dede manga hininga itebini ihi demo o diai;

O ZAKHARIA 4:6

O Malaikat gënanga ihi huloko ngohi tohiädono o Zerubabelika ma Jou Ai behehongo nënanga, ”De o tentaraua manga kuata deʼ ani kuatuaoli mahirete ngona aha no hasili, ma deʼ ahi Womaha.

O HOSEA 14:9

O Israel manyawa aha yä umo hagala manga gomanga ma dulada; önanga Tä paliara deʼ Ta tarima manga niniata. Hokä o gota ma utu salalu ma ngöe ma hoka, Ngohi aha tä hohongo önanga. Ka ngohi toönanga manga barakati ma titi. Ngohi, ma Jou, to temoka.”

O YESAYA 50:2

Yadodoa Ahiumatino moiua oyohaluhu, maöraha Ngohi toboa taahoko önanga? Okia önanga imariridoka dika karana yatobote Ngohi takunua tahibebasi deʼ tahihalamati önanga? Igou-goungu, mangale Ahipareta o ngöto idadi idudungu, o ngai-ngairi Tohidadi o tonaka makokakaha, hiädono o nawo-nawoko ihonenge deʼ mabounu ongohoko.

O AMSAL 28:18

O nyawa yowö wango-wango koiwa mahowono aha yohalamati. O nyawa itiko-tiko manga ngango, aha yäotaka.

O AMSAL 10:29

Ma Jou wägoana o nyawa manga hininga iriko-rikoto, mä Wäbinaha o nyawa yododiai o dorou.

O AMSAL 10:9

O nyawa manga hininga irikoto, aha yosanangi; o nyawa yotipu-tipu aha yahiöriki.

O TIMOTIUS MAHINOTOKA 3:5

Ngaroka madodagi maporetino, önanga ihi ngounu ihidagi o agama mamau-mau, mä yatila o agamaino matiti mahirete gënanga. Nomahi tingaka o nyawa hokä hoko gënanga.

O KORINTUS MAHINOTOKA 6:12

Ngomi miatamunua miahininga mangale ngini, duga-duga ngini niatamunu niahininga ngomino.

O ROMA 7:13

Aa, boteka nënanga mamangarati maoa-oa gënanga ihïgao o honenge ngohino? Marai kowali! O baradoha ihïgao o honenge gënanga. De tapäke maoa-oa, o baradoha ihïgao o honenge ngohino, hupaya mabiaha de marupa o baradoha imahi matoko madodiai. Mangale de madodagi ma Jou Madutu aipareta, imahinyata i goungu hokokia o baradoha mamodorou.

O YOHANIS 8:39

Onanga yohaluhu, ”Tongomi mia ama o Abraham.” O Yesus wato, ”Ho nako ngini igou-goungu o Abraham aingohaka,” ”marai ngini niadiai okia o Abraham wadiai.

O MATIUS 3:8

Nihi dumutu niamanarama, ngini nitobaka o baradoha nidiaiokaua.

O MIKHA 3:9

Ni ihene hagala ahi demo-demo nënanga, hei ngini niä kokuaha o Israel nio doha-dohata o adili deʼ nia totakaiduli o diai.

O YEREMIA 2:4

Ni ihene ma Jou Ai behehongo, hei ngini o Yakub aidifauku o Israel mahoana!

O YESAYA 58:1

Ma Jou wotemo ”Nopöaka noma kua-kuatil̄e! Nahi ngahu Ahiumatika hagala toönanga manga baradoha.

O AMSAL 14:2

O nyawa aihininga iriko-rikoto wimodongo de wïhoromati ma Jou o Jou Madutuika; o nyawa ai wowango ai hininga irikotua wïhikauku Unanga.

O AMSAL 2:7

O nyawa manga hininga itebi-tebinika deʼ koiwa mahowono, Wahidöaka o roriwo deʼ o gogoana.

O MAZMUR 119:65

Ngona nohi totomoka Ani jaji, ya Jou, deʼ nodiai o oa Ani gilaongino.

O BILANGAN 11:23

Ma Jou wïbaluhu, ”Boteka naga Ahi kuaha deʼ mabatingi? Ngona aha deʼ majapati namake boteka Taheto-hetongo gënanga igoungu idadi ekola kowali!”

O MAZMUR 119:68

Hababu Ngona yaoa deʼ nodiai o oa, nohï dotoko ngohi hagala Nohi totatapu.

O MAZMUR 18:26

Jou, Ngona nosatia o nyawa yososatiaika deʼ yaoa o nyawa maoaika.