O MIKHA 2:4 - MA JOU AI BUKU O ABARI MA OA

⁴ Nia bodito aha yapake o nyawa hokä o hehedu ma ade-ade, deʼ önanga aha yodiai o hininga mahuha manonako ma nyanyi nënanga, ’Ma Jou wodohigorakoka tongomi mia berera nënanga deʼ wahi döaka imï tago-tagokika ngomi. Ngomi miwederoka kamamoiuku.’ ”

O MIKHA 2:4 Iomraidhean Croise

O SAMUEL MAHINOTOKA 1:17

Iböto gënanga o Daud wohi nyanyi o dodora nënanga mangale o Saul deʼ o Yonatan,

O TAWARIKH MAHINOTOKA 35:25

Ma Nabi Yeremia wotulihi moi o dodora manyanyi mangale ma Koano Yosia. Hiädono o öraha nënanga o nyanyi gënanga yapake o Israeloka yonyönyanyanyi, yaoa o nauru yaoa o ngoheka, o duka manonako mangale o Yosia yohininga magoronaka. O nyanyi gënanga ihingohamoka o dodora manyanyi-manyanyi madoomu magoronaika.

O AYUB 27:1

O Ayub wohi gila-gila ai hitararono, wato, ”De ma Jou Madutu wowango-wango, wohi hidöakua o adili ngohino,

O YESAYA 14:4

Nako ma Jou wodiai gënanga, önanga aha iwihohedu o Babeloka manga koano hokonënanga, ”Ma koano aihayanga koö iwa-iwa wootakoka! Unanga wakunokaua wonatukuoli.

O YESAYA 24:3

O dunia aha hohibarihi deʼ ibinaha. Ma Jou wotemoka, deʼ o hali gënanga marai idadi.

O YESAYA 6:11

Ngohi toleha, ”Hokokia madekana o hali nënanga aha i gila-gila Jou?” Wohaluhu, ”Hiädono hagala o kota idadi kamagilianga koiwa madol̄a, hagala o tau koiwa yogogeroli, deʼ o tonaka idadi ihomoa deʼ itoongoro,

O YEREMIA 14:18

Nako ngohi toiki o tonaka ilua-luasika tamake hagala o maiyeti o parangi ihi honenge. O kota magoronaka tamake o huha deo hangihara, hagala o nyawa ngade yohonenge yahabirokata. O nabi deʼ o imam ihidagi manga manarama imangaratiua okianaga önanga yadodiai.”

O YEREMIA 4:13

Niamake, o haturu yoboa hokä o lobi. Manga kereta ihi poparangi hokä o hidal̄oko o taufani, hagala manga kuda iholoi isapati deo totaleo o rajawali. Uwee, ngone hobodito! Ngone hobinaha!

O YEREMIA 6:12

Toönanga manga tau aha yahidöaka o nyawa mahomoaika, hoko genangö hagala manga dumule deʼ toönanga manga heka-hekata. Yogögogere o berera nënanga aha Tähukumu.

O YEREMIA 8:10

Karana gënanga Ngohi aha tohidöaka toönanga manga dumule o tonaka madutu mahomoaika deʼ toönanga manga hekata o nyawa mahomoaika. Onanga mata-mata, yolago-agomo de yoalu-aluhu, imä lingiri o utumu deo ngekomo iriko-rikotua. Maboboloi o nabi deʼ o imam mayä tipu o nyawa.

O YEREMIA 9:10

Ngohi, o Yeremia, totemo, ”Ngohi tomau toari deʼ tapake o huha mapakeanga karana o momo o tonaka ilua-luasi o tonaka ikokakahaka deʼ hagala ol̄okuoka duru itore-toreoka ikali moiua o nyawa yanonu. O aiwani o gigini mailingi yoihenokaua, o totaleo deʼ aiwani mahomoa ipiringanoka deʼ ihihanga.”

O YEREMIA 9:16

Onanga aha Tahikabarihi o hoana deo berera yanako-nakoua önanga ekola toönanga manga ete de manga tohora manga hidogoronaka. Ngohi aha igila-gila tahidingoto o tentara yängika önanga hiädono Ngohi täbinaha önanga mata-mata.”

O YEHEZKIEL 16:44

Ma Jou wotemo, ”Hei Yerusalem, hagala o nyawa aha ihipake o dolabololo nënanga ngonaika, ’Hokä ngoni ayo, hokogenangö ngoni ora.’

O YEHEZKIEL 2:10

itulihi ari hononga. Daha wahelenga ilüluluino gënanga deʼ genangoka itulihi o dodora, o daiana deʼ o gururihi.

O YOEL 1:13

Hei o imam-imam nilö leleani o huhuba mangï ka, nia pake o ngöere o karongo, deʼ ni ari. Ni wohama ma Jou Ai Tau ika la nidodora o hutu moi inï haiwatiki, hababu koiwa o huhuba o angguru deʼ o gandum mangale nia Jou Madutu.

O YOEL 1:8

Ni ari, hei o umati, hokä o mohelehe mo duka-duka mi gari ai honenge ami mamane mï ho hininga ai honenge.

O AMOS 5:1

Ni ihine hei Israel ma umati! Ngohi to mau tohinyanyi moi o duka ma nyanyi mangale ngini:

O AMOS 5:17

Mata-mata o angguru ma dumuleoka, o nyawa aha yo dodora karana Ngohi to boa deʼ tinï hukumu ngini. Ngohi, ma Jou, to temoka.”

O MIKHA 1:15

Hei o Maresya manyawa, ma Jou aha winï hilapahi ngini o haturuika yomau yautumu nia kota. O Israeloka manga tutuda-tutuda yokokuaha aha ima ngiunu hagala o aruku magoronaka o Adulamoka.

O MIKHA 1:8

Karana gënanga ngohi, o Mikha, ahi hininga ihuha deʼ totaiana. Ngohi aha tomä dagi tomapakeangua deʼ tomasandalua mangale tohi dumutu hokokia ahi hihininga mahuha. Ngohi tolau hokä o kaho o honganika deʼ tolau hokä o totaleo o unta.

O MIKHA 2:10

Ni momiki deʼ nioiki; nenangoka isananguaoli. Hagala nia baradoha ihi boaka o hangihara hoboborohono o ngï uku nënanga.

O HABAKUK 2:6

Mä mata-mata yaö utu-utumu gënanga aha yä tetemo deʼ ya hohedu. Onanga aha yo temo, ”Ngona ini lolai hababu nomä doporono o baranga kotongonaua madutu! Muruonoka madekanoli ngona nohi kaya ani diri deʼ nä pakisa hagala o nyawa yonagi-nagimi ngonaika mangale yofangu toönanga manga nagimi?”

O ZEFANYA 1:2

Ma Jou wotemo, ”Ngohi aha tahohihanga hagala moi-moi o duniaoka:

O BILANGAN 23:18

de o Bileam wahetongo o nubuat nënanga, ”Hei, Balak, o Zipor aingohaka, naino, noihene okianaga tomau tahetongo.

O BILANGAN 23:7

De o Bileam wohidodemo o nubuat nënanga, ”O Aramino, l̄oku mabuturungu doka o wange mahiwaroka, o Balak, o Moab ma koano ngohi wohiahoko de wato, ’Naino, mangale ngohi notemo-temo, Nalolai o Israel manyawa gënanga!ʼ

O BILANGAN 24:15

De o Bileam wahetongo o nubuat nënanga, ”Nënanga ai behehongo o Bileam o Beor aingohaka; womatengo wototailako ai demo-demo

O BILANGAN 24:3

deʼ ünanga wahetongo o nubuat nënanga, ”Nënanga ai behehongo o Bileam, o Beor aingohaka, womatengo wototailako ai demo-demo.

O MARKUS 12:12

De o Yahudioka manga balu-baluhu yoihene o hitotero gënanga, ihidailako iwitagoko o Yesus, hababu önanga yanäko o hitotero gënanga o Yesus wohidungutu onangika. Mä önanga yämodongo o nyawa yowöe-wöe. Hoʼ, önanga yoiki iwimal̄a o Yesus.

O ULANGAN 28:29

O wange mahau-haukoka ngini kanimahi bobabal̄anga hokä o nyawa yopilo-piloko, mä ngini nia makeua o ngekomo. Hagala nia usaha aha koidadiua. Ngini kai taurika inï tuku deʼ inï ora, deʼ moiua inï riwo ngini.