O MIKHA 2:3 - MA JOU AI BUKU O ABARI MA OA

³ Karana gënanga ma Jou wotemo, ”Ngohi tohi datoro o hangihara nginiuku, hiädono ngini niakunua niotana. Maöraha o bodito gënanga ngini aha niakunua nimä dagi deʼ nia edengoli.

O MIKHA 2:3 Iomraidhean Croise

O YESAYA 29:20

Genanga manga baha hagala o nyawa yatö tuku-tuku o nyawa mahomoa deʼ iwihikauku ma Jou Madutu. Ma Jou Madutu aha wabinaha mata-mata o nyawa baradoha.

O YESAYA 3:16

Ma Jou wotemo, ”Yerusalem mangongoheka igoungu niedenge! Onanga imasusumere, yoigo manga lako ihiole-olete deʼ imädagi de manga hininga magurutil̄e. Manga aguru yadodiai, deʼ mailingi magerenge hagala o gogoli mangal̄ouino.

O YESAYA 5:19

Nitemo, ”Mal̄aika o Israeloka manga Jou Madutu wotebi-tebini itaiti wodiai! Mal̄aika Unanga wädiai Aidatoro, hupaya ngone hamake deʼ hohioriki.”

O YEREMIA 18:11

Ma Jou wohitemo ngohino, ”Oraha nënanga, nahetongo hagala o Yehuda ma nyawaika deʼ o Yerusalem yogögogere Ngohi magogiriaka todiai okianaga tatatoroka la tälawani önanga, deʼ tasadia o hukumanga mangale önanga. Nähuloko önanga imatogumu de toönanga manga wowango iböbaradoha gënanga inoli ihidiai yaoa toönanga manga kalakuanga de manga managama.

O YEREMIA 27:12

O Zedekiaika o Yehuda makoano, ngohi o Yeremia, tohiadono ohali kaima tero. Ngohi totemo, ”Nomaike makoano Babelika. Nihingounu unangika de aihöana de ai bereraika, hupaya Jou Koano nohalamati.

O YEREMIA 36:23

Hoko gënanga o Yehudi wabasa o hidoku hange ekola iata deiböto, ma koano watöaka o hidoku gënanga de o gakana ma alu-aluhu deʼ wohikaweli o ukuika. Hoko gënanga wadiai gila-gila hiädono mata-mata o buku ilöluluinoka gënanga imata-mataka youku.

O YEREMIA 43:2

De o Azarya o Hosaya aingohaka deʼ o Yohanan o Koreah aingohaka de inoli mata-mata o nyawa mahomoa ima ede-edenge gënanga ihitemo ngohino, ”Ngona noeluku ma Jou tongomi mia Jou Madutu wonihulokua ngona nomï duhunu ngomi mangale mioiki migogere o Mesir matonakoka.

O YEREMIA 8:3

Done hagala o nyawa kayo wango-wangohi o hoana deo berera madorouino nënanga yahi kokitingakoka kiaika honanga aha iholoi yöigo yohonenge ngaro deyo wango. Ngohi, ma Jou Duru To kokuaha, totemoka.”

O RATAPAN 1:14

Wal̄ë mata-mata ahi baradoha, daha waliko idadi moi, deʼ wohihiguleuku ahi tomaruku, hiädono madubuho ihihibole ngohi, ma Jou wohihilapahi ngohi o haturuika; ngohi tomagakunua tälawani önanga gënanga.

O RATAPAN 2:17

Ma Jou wadiaioka Ai hikokamodongo mahira wohi datoroka de Wohidoaka o hohininga ngoneino. Ngone Wona wederoka koiwa madora dema hayanga, o haturu Wahidoaka o utumu. Unanga wadiai önanga yomorene yamake ngone inaotaka.

O RATAPAN 5:5

Hokä o aiwani, ngomi inipakisa mikarajanga madodubuho, ngomi imïbole, mä imihidöakua o öraha mimahibatongo.

O DANIEL 4:37

Hoʼ orahanënanga ngohi, o Nebukadnezar tïhigiriri, tihikurutil̄e deʼ tihimulia o Horoga ma Koano. Hagala Ai manarama i tiai deʼ i adili, deʼ Unanga wakunu wähitipokouku o nyawa ima dodiai yoedenge.

O AMOS 2:14

Ima popata yo sosapati ma aha ko yo otanua, o nyawa yo kua-kuata aha i hihanga manga kuata, deʼ o nyawa yo poputurungu aha ko yakunua ihi halamati manga diri ma hirete.

O AMOS 3:1

Ni ihene ma Jou Ai behehongo nënanga, hei Israel manyawa ma Jou wimi ao-aoka o Mesir mabereraka deni hupu! Ma Jou wotemo,

O AMOS 3:2

”Mata-mata o hoana deo berera o duniaka, ka ngini nima tengo-tengoka o hoana deo berera Tinï nako deʼ Tinï to tailako. Gënanga ma hababu nia baradoha i amoko, deʼ Ngohi marai tinï hukumu ngini.”

O AMOS 5:13

Karana nia manarama gënanga, done hagala o nyawa yo bobarija ya mao iholoi yaoa ima rï ridokadika ma orahoka o dorou hokä hokogënanga.

O MIKHA 2:1

Yobodito hagala o nyawa ihi dato-datoro o dorou magogiria ima rubaiha manga dangiroka maöraha o hutu-hutu, daha yadiai maöraha o ngorumino karana toönanga manga kuata mangale yamanarama.

O ROMA 16:4

Onanga ngade-ngade yohonenge karana yomau ihihihalamati ngohi. Ngohi totarimakasi onangika – de kangohiua, mä mata-mata o jemaat o Yahudiokauaö yotarimakasi onangika.

O EFESUS 5:16

Nia päke nihidodiai öraha mahigetongo naga nginioka, karana öraha nënanga naga öraha madorou.

O ULANGAN 28:48

Karana gënanga kokiani ngini nima higilaongo nia haturu-haturuika naga ma Jou wahidingoto mangale inilawani ngini. Ngini aha inï habirokata, nia kiriti madudungu deʼ kania hekonoka ikali nikuranga hagala o hali magoronaka. Ma Jou aha winï tuku ngini mahayanga koiwa hiädono ngini ni binaha.

O YAKOBUS 2:13

Hababu ma Jou Madutu aha wohimatokua Ai dora de Ai hayanga o nyawa yanäko-näko ikaua o dora de o hayanga. Mä o dora de o hayanga iholoi ikuata ngaro de o hukumanga!