O MIKHA 2:1 - MA JOU AI BUKU O ABARI MA OA

¹ Yobodito hagala o nyawa ihi dato-datoro o dorou magogiria ima rubaiha manga dangiroka maöraha o hutu-hutu, daha yadiai maöraha o ngorumino karana toönanga manga kuata mangale yamanarama.

O MIKHA 2:1 Iomraidhean Croise

O KEJADIAN 31:29

Ngohi kahi kuata todiai o dorou ngonaika, ma’ o hutuika ma Jou Madutu wipuji-puji ani ama wohidöaka o hohininga hupaya hakali-kali uha toni ngamo ngona.

O KOKOANO MADODIHIRAKA 21:7

”Ngonala no koano o Israeloka!” o ngo Izebel mohaluhu, ”Oraha nënanga nomomiki de nol̄omo. Nohisanangi ani hininga, hababu ngohi aha tohi döaka o Nabot ai angguru ma dumule gënanga ngonaika!”

O NGO ESTER 3:8

Daha o Haman wotemo ma koanoika, ”Jou Koano, naga moi o hoana iheranga yodogerewoto o propinsi yogetongo o paretaka nënanga. Manga adati duru imako howono de o hoana de o berera mahomoa. Önanga yamotekua o pareta mahuku-hukumu. Ho, kayaoa Jou Koano uha namal̄aika önanga yodiai manga hininga mahuka.

O NGO ESTER 5:14

Yoihene gënanga ngoi hekata de ai dodiawo yogahoko hoko nënanga, ”Nohuloko dika yodiai o liate yalikouku magurutil̄e o metere monaoko de hinoto. Daha iyarehino, o ngoru-ngorumino nogahoko wonihigumal̄a ma koanoika mangale nilikouku o liateoka nënanga. De hoko gënanga ngona yakunu o jamuangika gënanga de ani hininga irirïdi.” O gogahoko gënanga duru yaoa imamoteke o Haman ai damake, hababu gënanga ünanga wohuloko de majapatioka yodiai o liate yaliko-likouku gënanga.

O NGO ESTER 9:25

Mä o ngo Ester mihimanga ma koano, de ma koano wohidöaka o pareta ituli-tulihi idadi hababu o datoro itotorou wadodiai o Haman yatapal̄u ai diri mahirete, hiädono ünanga de ai ngoha-ngohaka yälikouku o liate yaliko-likoka.

O AYUB 15:35

Genanga önanga ihidato-datoro o dorou deʼ yadodiai; o tipu iö aka-akali hokogenangika imahiluluino aihininga magoronaka.”

O AYUB 24:14

Maöraha ihohuhutohi wotoma-toma womomiki ai ngidu-ngiduino, daha wohupu watoma o nyawa yohohangihara, deʼ ko o ngoruminouahi, ünanga wahidonga-donga hokä yo tohi-tohiki.

O MAZMUR 36:4

Ai demo-demo itorou deʼ iomanga o tengeluku, ünanga wodiaiokaua maoa-oa deʼ o sawaro.

O MAZMUR 36:5

Ai ngidu-ngiduoka ünanga wohidailako o dorou; ai manarama koiwa maoa-oa, madorou watilaua.

O MAZMUR 58:3

Kowali, ngini nia tatoro o dorou, deʼ niadiai nia pakisa o bereraka nënanga.

O AMSAL 12:2

O nyawa maoa ma Jou wäsanangi, mä o nyawa ihidödailako o dorou aha yatarima o hukumanga.

O AMSAL 14:22

O naguna wohidailako yaoa-oa, aha iwingaku deʼ wamake o horomati; o naguna wohi ade-ade wohidailako itotorou naga o ngekomo irehe-rehenoka.

O AMSAL 3:27

Nako ngona de anidagakunu mangale o oa nodiai o nyawaika yöpoparalu ani oa, kokiani uha noluku mangale nadiai o hali gënanga.

O AMSAL 4:16

O nyawa madorou yodiaiowahi itötotorou yakunua imäidu. Yäbodito owahi o nyawa mahomoa önanga koyäkiokua.

O YESAYA 29:20

Genanga manga baha hagala o nyawa yatö tuku-tuku o nyawa mahomoa deʼ iwihikauku ma Jou Madutu. Ma Jou Madutu aha wabinaha mata-mata o nyawa baradoha.

O YESAYA 3:14

Ma Jou wodiai hokä o hakimi Ai umati manga tutuda-tutudaika. Nenanga ma Jou Aigalaki onangika: ”Ngini niaora o angguru madumule mahasili; niatau iomanga okiahonanga ngini niaora-ora o mihikini manyawaino.

O YESAYA 32:7

Enahioko womatengo wotipu-tipu wapikiri deʼ wadiai itotorou. Unanga wolingiri o akali mangale wahi bodito o nyawa mihikini de o demo ielu-eluku deʼ wätatoko önanga yamake manga haku.

O YESAYA 5:8

Nibodito ngini nioija-ija o tau-tau deʼ niaora hagala o dumule mangale tingini nihidogo! Itedekanokauaoli imata o ngï mangale o nyawa mahomoa deʼ duga-duga ngini okahi niogogere o bereraka gënanga.

O YESAYA 59:3

Ngini niahowono karana nieluku deʼ nidiai irikotua karana niamanarama niadiai iputurungu deʼ nitoma.

O YEREMIA 18:18

O nyawa yotemo-temo, ”Niaino ngone hodiai o doomu itotorou hilawani o Yeremia. Duga-duga ka unangua yakunu wotemo-temo mangale ma Jou Madutu. Salalu aha naga o imam ya aku-akunu i hidöaka o dodotoko, naga o nyawa yobobarija ya aku-akunu i hidöaka o nasihati; deʼ naga o nabi ya aku-akunu ihiädono ngoneino hagala o behehongo ma Jouino. Niaino ngone hïkalaki o juruhakimika deʼ hoihe-ihenokaua ai demo-demo.”

O YEHEZKIEL 11:2

Ma Jou Madutu wohitemo ngohino, ”Hei o nyawa nokokakaliua, nënanga hagala o nyawa ihidö dato-datoro o dorou o kotaka nënanga deʼ ihi döaka onasihati irö rehe-rehene.

O YEHEZKIEL 33:26

Ngini nia ngaku nia oworo. Nia manarama haemono. Ngini mata-mata niadiai o hudali. Kani baraniohi ngini nima ngaku o tonaka nënanga hokä tingini madutu?

O YEHEZKIEL 38:10

Ma Jou Duru woko Kurutil̄e witemo o Gogika, ”Maöraha gënanga ngona aha nodiai o datoro madorou.

O YEHEZKIEL 46:18

Wo kokuaha gënanga yakunua wal̄ë mahuhutulö ai kawaha manga puhaka ma arataino. Duga-duga ai tonaka mahirete yakunu wahidöaka aingoha-ngohaka o naurika hiädono moiua o Ahi umatino yakunu yahikitingaka manga haku madutu.”

O MIKHA 6:12

Hagala o nyawa kaya nia kotaka yä tuku o nyawa mihikini, deʼ ngini mata-mata nitotengeluku.

O NAHUM 1:11

Ngonaino, hei Niniwe, wo hupuoka woma tengo iwi omanga deʼ o datoro ma dorou. Unanga wodiai o datoro mangale wilawani ma Jou.

O ZAKHARIA 7:10

Uha niä tuku o bobobao, o ngoha-ngohaka o gohihi ma dutu, hagala o nyawa ma poretino yo gö gogere nia hidogoronaka ngini, ekola o nagona dika manga wowango ihü huha magoronaka. De uha ö nia datoro itotorou nimahi koka nyawaika.’

O MARKUS 15:1

O ngoru-ngorumino duru, yongodumu o Agama ma Juru Hakimi, o imam-imam manga häeke, o Yahudioka manga tutuda deʼ o agama maguru-guru tai-taiti ima hika dailako. Onanga iwi ranteika o Yesus, i paha Unanga iwi ao de iwihilapahi o Pilatusika.

O LUKAS 20:19

O agama maguru-guru deʼ o imam-imam mangahäeke ihiöriki o hitotero gënanga o Yesus wahidungutu onangika. Karana gënanga önanga yöigo Unanga iwitagoko o örahagënanga dika, mä onanga yämodongo o nyawa yowöe-wöe.

O YOHANIS 19:11

O Yesus wohaluhu, ”Nako ma Jou Madutu wonihidöakua o kuaha gënanga ngonaika, ngona kautuö de koiwa anikuaha Ngohino. Karana gënanga o nyawa ihihi lolapahi Ngohi ngonaika, iholoi ilamoko manga baradoha ngaro de ngona ma.”

O KISAH RASUL-RASUL 23:12

Yarehino mawange kao ngoru-ngoruminohi, o Yahudioka manyawa muläenge yodiai o doomu madorou. Onanga yokoboto aha yol̄omua ekola yokere nako önanga iwitomauahi o Paulus.

O KISAH RASUL-RASUL 23:15

Aa, öraha nënanga o Roriadodoto de o Agama ma Juru Hakimi kiani nihidingoto o hurata o tentara duru manga baluhika o Romaino gënanga mangale nigahoko ünanga wiaoli o Paulus wini himanga ngini, tanu hokä ngini nimau niwitailakoli aiparakara de iholoi madiai. Deʼ ngomi aha mimahidiaioka mangale miwi toma ünanga womahi adonuahi ünanga nenangino.”

O ROMA 1:30

yöigo o nyawa mahomoa yädiai o romanga madorou; önanga manga hininga ikurutil̄e deʼ yoedenge o dodötoko yoihenua, iwï dohata ma Jou Madutu, deʼ yöigo yotemo ihihohomoa. Onanga yosawaro yolingiri o ngëkomo mahungi la yodiai o dorou. Onanga yälawani manga dimono;

O ULANGAN 28:32

Nia lako mahimangoka nia ngoha-ngohaka aha yahi döaka hokä o gilaongo o nyawa o dagi-dagino manyawaika. O wange ihi getongo nia lako mahiri niä lingiri nia ngoha-ngohaka, mä nia usaha kaparahaja, hababu önanga aha yoliokaua.