O TESALONIKA MADODIHIRAKA 5:8 - MA JOU AI BUKU O ABARI MA OA

⁸ Mä ngone nënanga inä etongo o ginitaroka manyawa; hababu gënanga nanga dibanga kokiani itararono. Ngone kokiani itatapu hïngaku ma Jouika deʼ hädora o nyawa mahomoa inoli hönganono hagoungu ma Jou Madutu aha wona hihalamati ngone. Gënanga doka o daë inä göa-göana ngone o parangi magoronaka halawani o huhutu.

O TESALONIKA MADODIHIRAKA 5:8 Iomraidhean Croise

O MAZMUR 42:11

Ahi hininga iwede-wederuku karana ahi haturu manga hohedu. Onanga kahokogenangika yoleha, ”Kiaka ani Jou Madutu?”

O MAZMUR 42:5

Ahi hininga ihuha nako tomahininga kahuruonino, maöraha ngohi todumutu ma Jou Ai Tauika mima kutuono deo nyawa yowöe-wöe yododiai o rame. Ngohi totagi o duduono mahimangoka deo ulili deʼ o hagaga deo higiriri manyanyi.

O MAZMUR 43:5

Yadodoaho ahi hininga ihuha deʼ kato hawa-hawanika? Ngohi toma hinganono ma Jou Madutuika, done ngohi aha tosyukuroli Unangika, ahi Jou Madutu deʼ wohihi hohalamati.

O YESAYA 59:17

Unanga wapake oadili deʼ o halamati hokä obehi deʼ osapeo owaja. Unanga womau mangale wohigilio öraha nanaga deʼ wabalahi iadi-adilua.

O RATAPAN 3:26

Ho, yaoa ngone hidamä de homa rirïdi hiädono ma Jou woboa wonahidöaka o roriwo;

O KORINTUS MADODIHIRAKA 13:13

Hoʼ, mangale örahanënanga naga o hali hange ngone kiani tatapu hadiai: o ngongaku, o nganono deʼ homakodora. Duru mal̄okuoka o gahumu hange gënanga, ganga hadora o nyawa mahomoa.

O KORINTUS MAHINOTOKA 6:7

mihikinïki de mihingahu o abari ma Jou Madutuino de Ai kuaha ma Jou Madutu, ngomi mihidumutu ngomi nënanga ganga ma Jou Madutu aigogilaongo. Ngomi mimahijojö ma Jou Madutu aimauika, hokä tongomi miadaë mangale miparangi ekola mangale miodatoko miadiri.

O GALATIA 5:5

Mä mangale ngomi, ngomi mimahi nganono de ma Jou Madutu ai Womaha maroriwo deʼ de matiti mia ngongaku o Kristusika, ma Jou Madutu womihi akunu ngomi mima teke oa-oa dede Unanga.

O EFESUS 6:11

Nia päke o kudoti madaë ingodu-ngodumu winihi döakoka ma Jou Madutu nginika, hupaya ngini niyakunu nima tumungu nia lawani ma akali madodagi isosawaro o Ibilihino.

O EFESUS 6:23

Tanu o Ama ma Jou Madutu, deʼ o Jou Yesus Kristus wohigumal̄a o jemaat yongodumu mangale yorimoi deʼ ima teke hininga inoli itatapu iwi ngaku o Kristusika.

O TESALONIKA MADODIHIRAKA 5:5

Riadodoto mata-mata ganga o nyawa niwö wango-wango o dararono magoronaka; ngini niwohama o ginitara madodararonika. Ngone koigoungua o nyawa yowö wango-wango o huhutu magoronaka ekola howohama o hutu maho huhutuika.

O TESALONIKA MAHINOTOKA 2:16

Tanu nanga Jou Yesus Kristus mahirete, deʼ ma Jou Madutu tongone nanga Ama winï laru deʼ wohi kuata nia hininga, hupaya ngini yakunu nia manarama deʼ nihi ngahu okianaga maoa-oa. Hababu ma Jou Madutu wonä dora ngone, deʼ karana Ai hininga maoa Unanga wadiai ngone i tatapu nanga hininga ikuata, inoli hönganono maoa-oa.

O IBRANI 6:19

Tongone nanga ngonganono gënanga hokä o tapu imahibaiti duru kahalukuku deʼ imahirupa o jojö ikua-kuata deʼ koiwa o hawana nanga ngangoika. O ngonganono gënanga yatotara o Ngï Duru i Tebi-tebini maguba ma Jou ai Tauoka o horoga magoronaka.

O PETRUS MADODIHIRAKA 1:13

Hababu gënanga, kokiani ngini nimä böbötoka. Nimahi dodiai nimä göana deʼ nio nganono iomanga o barakatika aha inihidöaka nginika maöraha o Yesus Kristus dahaö woböa.

O PETRUS MADODIHIRAKA 2:9

Mä ngini naga o hoana de o berera manyawa yäiri-iriki, o imam-imam niwilö leleani ma koano, o hoana de o berera manyawa yotebi-tebini, ma Jou Madutu womä dinga-dingakoka, ma Jou Madutu ai umati mahirete. Ma Jou Madutu winï iriki ngini deʼ winï ahoko ngini o huhutuino nihupu la niwohama Ai dararono i totararono magoronaika, de madungutu hupaya ngini nihibarihi o abari mangale hagala Ai manarama kabiahaua.

O YOHANIS MADODIHIRAKA 1:7

Mä nako ngone howango o dararono ma goronaka hokä sarakia ma Jou Madutu naga o dararono magoronaka, ngone howango ikekete, homakao yaoa moi de moi, deʼ o Yesus, ai Ngohaka, Ai awunu ihi tebini hagala tongone nanga baradoha.