O TESALONIKA MADODIHIRAKA 5:6 - MA JOU AI BUKU O ABARI MA OA

⁶ Hababu gënanga ngone yakunua kahomä idu-idu dika hokä o nyawa mahomoa. Ngone kokiani homahi dodiai ho mä göana deʼ to ngone nanga dibanga ko kiani itararono.

O TESALONIKA MADODIHIRAKA 5:6 Iomraidhean Croise

O AMSAL 19:15

Imatotebeturu yadiai o nyawa duru yakioko, deʼ mabobaha wototebeturu aha iwihahini.

O YESAYA 56:10

Ma Jou wato, ”Ahihoana manga tutuda-tutuda ganga onyawa yopilo-piloko! Onanga okia-kiaua ihiöriki. Onanga hokä okaho imou ilaupa, mä imaidu dika de inanere. Onanga duru yosanangi imaidu!

O YUNUS 1:6

Maöraha o kapa mabaluhu gënanga wouti daukuku, ünanga wimake o Yunus genangoka ai gogiriaka woma idu. Daha ünanga witemo, ”Kiaka yakunu ngona nakunu noma idu marupa hoko nënanga magoronaka! Ika, nomomiki! Noma niata ani gikirika mangale nogahoko o roriwo. Hohi orikikaua ünanga aha wona dora ngoneino hiädono ngone hobinahaua.”

O MATIUS 13:25

O hutu moiuku, mata-mata o nyawa imäkoki iduoka, wototumule aihaturü gënanga waino deʼ wohibarihi o nguhumu mahohoko o gandum mahidogoronaika, deʼ womä joboka.

O MATIUS 24:42

Hoʼ, nimä göa-göana, hababu ngini nianäkoua muruonoka nia Jou aha woböa.

O MATIUS 25:13

Deʼ o Yesus wohibobaha o hitotero gënanga hoko nënanga, ”Ma hababu gënanga la nimä göa-göana, hababu ngini nia näkoua ma wange ekola majam.”

O MATIUS 25:5

Ma nauru wokawi-kawingi gënanga woböa itedekana, hoʼ mamomoholehe gënanga muläenge yäkioko deʼ imaiduoka.

O MATIUS 26:38

Unanga wätemo iwinöninïkika, ”Ahi hininga duru ihuha, tamäo hokä aha tohonenge dika. Nigögogere ngini nenangoka, deʼ nginiö nimä göa-göana dede Ngohi.”

O MARKUS 13:37

Okia tahetongo nënanga nginika, nia hetongoli o nyawa mata-mataika: nimä göa-göana!”

O LUKAS 12:37

Hokokia manga utumu yolöleleani maöraha matuanga woböa de wämäkeino magogiria yotamä. Ningaku: o tuanga gënanga aha womahidiai deʼ wähuloko iwilöleleani gënanga yogogeruku, daha Unanga wäleleani önanga.

O LUKAS 12:39

Nio hohininga nënanga! Hohiade o tau madutu wohiöriki o takoro muruono yotohi-tohiki aha yoböa, ünanga aha womägöana hupaya yotohi-tohiki yakunua yowohama aitau magoronaika.

O LUKAS 21:36

Nimä göa-göana, deʼ nimäniata salalu hupaya ngini nikuata nio himanga o hali mata-mata aha idodädadi deʼ ngini yakunu niwï himanga o Nyawa manga Ngohaka.”

O LUKAS 22:46

De Unanga wätemo onangika, ”Yadodoa hongini nima idu? Nimomiki deʼ nimäniata hupaya ngini inikoronaua o bobaja.”

O KISAH RASUL-RASUL 20:31

Hababu gënanga nima göa-göana! Nio hininga o taongo hange madekana de ahiköngo itiha kohangöe, o hutu de o wange toma togu-togumua tinidotoko o nyawa moi-o nyawa moi nginino.

O KORINTUS MADODIHIRAKA 15:34

Nimamäo öraha nënanga, deʼ uhali nidiai o baradoha. Duru de madiai ngini kiani inimal̄eke, hababu niahidogoronaka naga iwinäkouahi ma Jou Madutu.

O KORINTUS MADODIHIRAKA 16:13

Kiani ngini nimahi dodiai de nibitumu niangango magoronaka, hokä o Haranioka manyawa. Nidiai okianaga nibarani deʼ idadi nikuata.

O EFESUS 2:3

Ngone ma hira mata-mata kaho make tero dika dede önanga; ngone howango hamoteke tongone o nyawa nanga biaha deʼ hadiai okia yasanangi nanga röehe deʼ nanga dibanga. Oraha gënanga ngone ganga manyawa ina korona ma Jou Madutu ai dohata, hokä imatero o nyawa mahomoa.

O EFESUS 5:14

Hababu mata-mata yakunu hamäke de madodiai, ganga doka o dararono. Hababu gënanga i temoka: ”Nomomiki, hei ngona noma idu-iduoka, deʼ no momiki o honengino! O Kristus aha woni tararono ngonaika.”

O EFESUS 6:18

Nia diai mata-mata gënanga de nimä niata mangale nigahoko o roriwo ma Jou Madutuino. Oraha mahigetongo, nimaniata hokä sarakia ma Jou Madutu ai Womaha inituda ngini. Kiani hoko genangika ngini nimagöana deʼ uha nimaike. Hoko genangika nima niata mangale mata-mata ma Jou Madutu ai umati.

O PILIPI 4:5

Kokiani mata-mata o nyawa yakunu yamäke nia jako o hininga maoa-oa. Hababu i tedekanokaua ma Jou aha woböa.

O KOLOSE 4:2

Kiani ngini nima niata de nia hininga magou-goungu deʼ nima göa-göana, de nitemo sukur ma Jou Madutuika.

O TESALONIKA MADODIHIRAKA 4:13

Roriadodoto, ngomi mioigo hupaya ngini nihi öriki demadiai mangale hagala o nyawa yohone-honengoka; hupaya ngini nia hininga ihuhaua hokä o nyawa mahomoa manga ngonganono koiwa-iwa.

O TESALONIKA MADODIHIRAKA 5:10

Unanga wohonenge mangale ngone hupaya maorahoka Unanga aha woböa – bote ngone kaho wango-wangohi, bote ngone hohonengoka – ngone yakunu howango dede Unanga.

O TESALONIKA MADODIHIRAKA 5:8

Mä ngone nënanga inä etongo o ginitaroka manyawa; hababu gënanga nanga dibanga kokiani itararono. Ngone kokiani itatapu hïngaku ma Jouika deʼ hädora o nyawa mahomoa inoli hönganono hagoungu ma Jou Madutu aha wona hihalamati ngone. Gënanga doka o daë inä göa-göana ngone o parangi magoronaka halawani o huhutu.

O TIMOTIUS MADODIHIRAKA 2:15

Ngaroka hoko gënanga, o ngoheka aha mohalamati de mohidadi o ngohaka, iti münanga de ami hininga madipokouku tatapu mingaku o Kristusika, deʼ tatapu mahininga o nyawa mahomoa de ami wowango mohi taioka mangale ma Jou Madutu.

O TIMOTIUS MADODIHIRAKA 2:9

Kokiani o nyawa o ngoheka ima päke manga diri de biaha dika deʼ imahi päke o pakeanga de ma ada-adatoka. Uha ima päke manga tadauru imadobikoka yatorou o lolegaka ekola imahi poromu o gurasi de o muhutika ekola o pakeanga ihali-hali.

O TIMOTIUS MADODIHIRAKA 3:11

To önanga manga hekataö kiani o nyawa maoa-oa, igoungua o nyawa yoigo i hi ade-ade o demo itotiaiua. Onanga kiani ihi öriki yatumungu manga diri, deyorikoto hagala o hali magoronaka.

O TIMOTIUS MADODIHIRAKA 3:2

O nyawa moi wototailako o jemaat, o nyawa kiani koiwa ai kuranga, ngoi hekata duga-duga momatëngo, wanako watumungu ai diri, wobarija, deʼ ai datoro irahai; ünanga woigo wätarima o nyawa ai tauoka; deʼ wakunu wadotoko o nyawa;

O TIMOTIUS MAHINOTOKA 4:5

Ngarokö hoko gënanga, ngona kiani nogöana ani diri sarakiaö dika marupa magoronaka. Notongohono natagongo o hangihara magoronaka, nadiai ani manarama hokä ihi ngahu-ngahu o Abari ma Oa gënanga de nohidagi nohidodiai ani manarama hokä ma Jou Madutu iwilë leleani.

O TITUS 2:12

Ma Jou Madutu Ai hayanga de ai dora gënanga inahibiaha inä dotoko ngone hupaya yakunokaua howango ima lawa-lawani de ma Jou Madutu ai mau, deʼ hamotekua o dunia manahihu. Ngone inahibiaha inä dotoko la howango o dunia nënanga magoronaka de hanäko nanga diri hatumungu, nanga hininga itiai deʼ hosetia ma Jou Madutuika.

O TITUS 2:6

Hoko genangö, nanasihati hagala o nyawa yogö gö hupaya önanga idadi yobarija.

O PETRUS MADODIHIRAKA 1:13

Hababu gënanga, kokiani ngini nimä böbötoka. Nimahi dodiai nimä göana deʼ nio nganono iomanga o barakatika aha inihidöaka nginika maöraha o Yesus Kristus dahaö woböa.

O PETRUS MADODIHIRAKA 4:7

Hagala moi-moi i tigioka mabobahaika, hababu gënanga kokiani ngini nia diri nia kuaha deʼ nihi dodiai nimä göana, hupaya ngini yakunu nimä niata.

O PETRUS MADODIHIRAKA 5:8

Kokiani ngini nimahi dodiai nimä göana deʼ nimä böbötoka! Hababu o Ibilihi ganga nia haturü. Enanga hokä o singa imädagi yakaika yakaino de ipöa-pöaka imä lingiri mainomo.

O HIMATOKO 16:15

”Niihene! Ngohi toböa hokä yotohi-tohiki! Youtumu o nyawa yotatapu imägöana yaböböto deʼ yögoana manga pakeanga, hiädono önanga yotagiua de manga hekonoka deʼ idadi yamal̄eke o kawaha manga himangoka!”

O HIMATOKO 3:2

Hababu gënanga, nimomiki, deʼ niakuata okia kanagahi nginioka, koihonenguahi mata-mata gënanga. Hababu Ngohi tamäkeokia ngini niadiai kamoiö de itotomuahi ma Jou Madutu aihimangoka.