O TESALONIKA MADODIHIRAKA 5:4 - MA JOU AI BUKU O ABARI MA OA

⁴ Mä ngini koigoungua o nyawa niwö wango-wango o huhutu magoronaka, hiädono o wange gënanga ngini inï todokana hokä o nyawa yotohi-tohiki yaino.

O TESALONIKA MADODIHIRAKA 5:4 Iomraidhean Croise

O YEREMIA 42:16

”O parangi deʼ o habirokata ngini nio modo-modongo gënanga iniginïki ngini hiädono o Mesirika, deʼ ngini aha nihonenge o bereraka gënanga.

O HOSEA 10:9

Ma Jou wotemo, ”Kade i mulaenge idö dadi o Gibea ma ka, o Israel manyawa komaiwahi ima togumu yo diai o baradoha ihi lawani Ngohi. Hababu genanga o Gibea mabereraka ö aha önanga yä tapal̄u o parangi.

O ZAKHARIA 1:6

Itilakuru o nabi-nabi Ahi gogilaongo gënanga, Tohiädono hagala Ahi pareta deʼ hagala Ahi hohininga nia ete deʼ nia tohoraika. Mä önanga yolegaikaua hiädono önanga kiani ya tagongo ma gorehau. Daha önanga imatoduba deʼ ima ngaku Ngohi, o Jou Duru woko Kuaha, ta hukumoka önanga imamoteke deʼ toönanga manga howono, deʼ imamoteke deʼ Tohitantantu.”

O MATIUS 10:15

Nio hohininga! O Kiamati ma Wangeoka, o Sodom deʼ o Gomora manyawa aha iholoi igapanga ma Jou Madutu wäapongo, ngaro de o berera gënanga manyawa!”

O LUKAS 21:34

”Niogöana niadiri, uha hiädono ngini talalu nitasibu nirame-rame deʼ niokere o daluku ibiha-biha, ekola kalioli niapikiri niangango madodagi, hiädono ngini nimasadiaua maöraha iböa o wange gënanga i todokanino.

O KISAH RASUL-RASUL 26:18

mangale nahelenga önanga manga lako, hupaya önanga yohupu o huhutuino deʼ yowohama o dararono magoronaika; hupaya önanga yapidili o Ibilihi makuahaino, daha ma Jou Madutu wakuaha. De yongaku Ngohino, manga baradoha önanga aha iapongo deʼ onanga aha yodadi ma Jou Madutu aiumati wäiri-irikoka.’ ”

O ULANGAN 28:15

”Mä nako ngini niwihi ngounua ma Jou nia Jou Madutu, deʼ nisetiaua nia diai hagala Ai pareta deʼ Ai tita ngohi tohi döa-döaka nginika o wange nënanga, done hagala o lolai nënanga aha inï tapal̄u ngini:

O ULANGAN 28:45

Hagala o bodito gënanga aha inï tapal̄u ngini deʼ kai taurika inï ruäe ngini hiädono ngini nibinaha, karana ngini niwihi ngounua ma Jou nia Jou Madutuika deʼ konia diaiua hagala Ai tita winihi döa-döaka nginika.

O KOLOSE 1:13

Unanga wona hilapahioka ngone o huhutu ma kuahaino, deʼ wonatururuoka ngone ai Ngohaka wihohininga ai pareta magoronaika.

O TESALONIKA MADODIHIRAKA 5:2

Hababu ngini mahirete nihi öriki demadiai ma Jou ai böa ma Wange gënanga aha imahi ädono hokä yotohi-tohiki yaino o hutu-hutu.

O PETRUS MAHINOTOKA 3:10

Mä ma Jou ai böa ma Wange aha iböa hokä yotohi-tohiki. O Wange gënanga, o dihanga ihihanga de ma ilingi iruruhu, deʼ hagala okia naga o dihangoka aha yöuku, de o dunia de hagala okia naga ma goronaka aha ihihanga.

O YOHANIS MADODIHIRAKA 2:8

Ngaro hoko gënanga, o pareta ngohi tato tuli-tulihi nenangö mahungi; karana Ai diai yakunu hamäke o Kristus Ai dirioka deʼ tingini nia dirioka. Hababu o huhutu iholoi ihihanga deʼ o dararono madiai imulaengoka ihiwara.

O HIMATOKO 16:15

”Niihene! Ngohi toböa hokä yotohi-tohiki! Youtumu o nyawa yotatapu imägöana yaböböto deʼ yögoana manga pakeanga, hiädono önanga yotagiua de manga hekonoka deʼ idadi yamal̄eke o kawaha manga himangoka!”

O HIMATOKO 3:3

Hoʼ, niohiningali okia kahuruono inidotokoka nginika deʼ okia ngini nioihe-ihenoka. Nihidagi gënanga deʼ ibötohi nidiai o baradoha. Nako ngini nimomikua, Ngohi aha toböa nginika hokä yotohi-tohiki; deʼ ngini aha nihiorikua maöraha muruonoka Ngohi toböa.