O TESALONIKA MADODIHIRAKA 5:12 - MA JOU AI BUKU O ABARI MA OA

¹² Roriadodoto, ngomi migahoko de magiria hupaya ngini niä horomati o nyawa yomomanarama nia hidogoronaka; enagënanga önanga ma Jou wäiri-irikoka la ngini inï tuda deʼ inï nasihati.

O TESALONIKA MADODIHIRAKA 5:12 Iomraidhean Croise

O LUKAS 10:7

Nigogere o tau moioka dika. Nia tarima okia inihidöaka nginika genangoka, hababu o nyawa yomanarama manga haku yatarima manga hewa. Uha nima totururu o tau moioka de o tau moika.

O YOHANIS 4:38

Ngohi tinihuloko ngini nioiki niutuku o dumuleika ngini nitumuleua, o nyawa mahomoa yomanaramoka dokengoka, deʼ ngini niö dahongo mautumu to önanga manga manaramino.”

O KISAH RASUL-RASUL 20:28

Kiani ngini niogöana niadiri deʼ niogoanö o jemaat mata-mata inihilapahioka nginika ma Jou Madutu ai Womaha mangale niogöana; hababu ngini inigorakoka nidadi o gogöana jemaat gënanga. Kiani ngini niogöana ma Jou Madutu Ai jemaat gënanga hokä o gogöana yogöana o duba, karana ma Jou Madutu wohidadioka o jemaat gënanga Toünanga mahirete, imoteke Ai Ngohaka mahirete aihonenge.

O KISAH RASUL-RASUL 20:35

Hagala parakara magoronaka ngohi tinihidoakoka o dulada nginika de homanarama hokuata hokä nënanga ngone kiani hariwo o nyawa imagaku-gakunua. Karana ngone kiani hohininga aha okia ma Jou Yesus mahirete wotemoka, ’Iholoi houtumu hohidöaka de hö dahongo.’ ”

O ROMA 16:12

Ahitabea o ngo Trifena deʼ o ngo Trifosaika yomanarama yakaigoungu iwïleleani ma Jou, deʼ o ngo Persisika tomï dora-dora. Munangö momanaramoka makaigoungu mangale ma Jou.

O ROMA 16:6

Ahi tabea ngohiö o ngo Mariaika. Münanga mokarajangoka kahagiria mangale ngini.

O KORINTUS MADODIHIRAKA 12:28

Hoko genangoli o jemaat magoronaka, ma Jou Madutu wohigogeroka o ngï mangale irupa-rupa o nyawa: Madodihiraka o rasul-rasul; mahinoto, o nabi-nabi, mahange o guru-guru, daha önanga yododiai ihëra-hëranga, aha ino önanga yahidöaka o ngongike mangale yahitogumu o nyawa, ekola mangale yariwo o nyawa mahomoa, ekola mangale yotuda-tuda, ekola mangale yotemo-temo de rupa-rupa o demo iho hëra-hëranga.

O KORINTUS MADODIHIRAKA 15:10

Mä karana Ai dora ma Jou Madutu ngohi todadi hokä öraha nënanga naga. Deʼ kaparahajaua ma Jou Madutu wohïhi apongo ngohi. De kangohila tomanarama iholoi tohauku de ngaro o rasul mata-mata mahomoa. Mä genanga tongohiua ahimanarama; gënanga ma Jou Madutu Ai dora mamanarama deʼ imakinïki womanarama de ngohi.

O KORINTUS MADODIHIRAKA 16:16

Ngohi tinihititila de tagou-goungu hupaya ngini nianïki o nyawa hokä hokogënanga manga tutuda, de ika o nyawa mahomoahi imateke manarama moi de yoleleani ima kinïki önanga.

O KORINTUS MADODIHIRAKA 16:18

Onanga yadiaioka tongohi ahihininga idadi imörene, hoko genangö önanga yamörene niahininga. O nyawa hokogënanga kiani nia horomati.

O KORINTUS MADODIHIRAKA 3:9

Ngomi ganga manyawa mima kinïki mimanarama mangale ma Jou Madutu; deʼ ngini ganga hokä ma Jou Madutu aidumule. O Roriadodoto ganga hokä ma Jou Madutu aitau dika.

O KORINTUS MAHINOTOKA 11:23

O Kristus iwilöleleani önanga? Hoihene hokä ngohi ahiakali ihihangoka, mä ngohi igoungu o leleani iholoi yaoa de önanga mata-mata! Ngohi tomanarama iholoi ikiria, ngohi i holoi mamoi-mamoi ihihi ngohama o bui magoronaika, ngohi iholoi iwöe ihihangihara deʼ mamoi-mamoi ngadeke tohonenge.

O KORINTUS MAHINOTOKA 5:9

Karana gënanga ngomi mihidailako miagou-goungu mangale Ai hininga miadäene, yaoa maöraha ngomi kä nagahi tongomi miatauoka nenangoka ekola dokengoka.

O KORINTUS MAHINOTOKA 6:1

Karana ngomi mimanarama mimakao de ma Jou Madutu, de magiria ngomi migahoko uha ngini nihiparahaja ma Jou Madutu aihininga maoa gënanga.

O GALATIA 4:11

Ngohi tömodongo, uha-uha la tongohi ahi kangela mangale ngini kaparahaja dika.

O PILIPI 2:19

Ngohi tongaku de ma Jou Yesus ai roriwo, de majapati ngohi yakunu tïhuloko o Timotius nginika, hupaya ngohi tamäke o lolaru de o abari mangale ngini.

O KOLOSE 1:29

Mangale tadono o hali gënanga, ngohi tohauku tomanarama. Ngohi tomanarama tagou-goungu de ahi kuata i ngodumu wohihidöakoka o Kristus ngohino, deʼ womanarama tongohi ahi diri magoronaka i ömanga de o kuaha.

O TESALONIKA MADODIHIRAKA 2:9

Marai ngini kanio hiningahi sarakia mia kaigoungu ngomi mihidailako de miparangi. O hutu de o wange ngomi mimanarama hupaya kao nyawa moiö de nia hidogoronaka ngomi minï diaiua o huha, maöraha ngomi mihi barihi o Abari ma Oa ma Jou Madutuino gënanga nginika.

O TESALONIKA MADODIHIRAKA 4:1

Mabobaha Roriadodoto, ngomi mihi döakoka o dulada nginika imakorona de sarakia kokiani ngini niwango la nia sanangi ma Jou Madutu ai hininga. Itiai ngini niwangoka hoko gënanga. Mä oraha nanga de ma Jou Yesus ai kuaha ngomi migahoko de magiria nginika deʼ minï gëgoto hupaya ngini iholoi nimahiahaoli o hali gënanga magoronaka!

O TESALONIKA MADODIHIRAKA 5:14

Roriadodoto, ngomi migahokoli, nia hidaaere nihididiai o nyawa yo olu-oluku yomanarama; nihi bitumu manga hininga o nyawa yohö hawa-hawana; nia riwo o nyawa ipöparalu nia riwo, deʼ nia hisabari o nyawaika mata-mata.

O TIMOTIUS MADODIHIRAKA 5:1

Uha ngona nängamo ikiria o nyawa iholoi yobaluhu de ngona, mä nihigaro ünanga wohigihene ani demo-demo matero-tero ünanga ani ama. Nadiai o gogoduru hokä ani riadodoto,

O TIMOTIUS MADODIHIRAKA 5:20

O nyawa yodiai o baradoha, kokiani nia hidaaëre o jemaat yongodumu manga himangoka, laʼ mahomoa idadi yohawana.

O TIMOTIUS MAHINOTOKA 2:6

Yototumule yomanarama imahi kokangelaka, önanga manga haku madodihiraka yamäke yodato-datomo mahasili.

O TITUS 1:3

Maöraha yakokorona, ma Jou Madutu wohinyata Ai jaji gënanga Ai behehongo magoronaka. O behehongo gënanga wohihi gogöanoka ngohino, deʼ ngohi ënanga tohingahu de ma Jou Madutu ai pareta Wonahi hohalamati ngone.

O TITUS 1:5

Ngohi toni mal̄aika ngona o Kreta mabereraka hupaya ngona yakunu nohidailako o hali-o hali kai pöparalu ohi natatoro. Inoli hupaya ngona nägöraka o jemaat-jemaat matutuda o kota yögëtongo. Deʼ nöhohininga tongohi ahi hidumutu-hidumutu nënanga:

O TITUS 2:15

Nädotoko mata-mata gënanga, deʼ nänasihati ikali nätaaere inihigö gihe-gihene de ini ömanga de o kumati. Ka o nyawa moiö de uha namal̄aika inihi kauku ngona.

O IBRANI 13:17

Niamoteke niatutuda-tutuda mangapareta, deʼ nimaponu onangika. Hababu önanga salalu ihidailako niajiwa, deʼ onanga kokiani imahitagongo yohaluhu ma Jou Madutuika. Nako ngini niahingounu onangika, önanga yakunu yomanarama de manga hininga isanangi; nako kowali, done önanga aha yomanarama de manga hininga mahuha, deʼ genanga koiwa mautumu nginika.

O IBRANI 13:7

Uhali niäwöhanga initötuda-tudaika ihingöngahu-ngahu ma Jou Madutu aibehehongo nginika. Niatailako sarakia önanga yowango deʼ sarakia önanga yohönenge, deʼ nimäduru toona manga ngongaku.

O HIMATOKO 1:20

Nënanga o murumu tumidi marahasia namäke-mäke Ahi giama manirakoka deʼ o hilo o gurasi matotodenge tumidi gënanga: O murumu tumidi gënanga enagënanga o malaekat-malaekat o jemaat tumidi, deʼ o hilo matotodenge tumidi gënanga ganga o jemaat tumidi gënanga.”

O HIMATOKO 2:12

”O jemaat Pergamus mamalaekatika, notulihi hokonënanga: Nënanga o behehongo Unangino womajoika o oworo kahadöto, mahimanga de maporete kamadöto.

O HIMATOKO 2:18

”O jemaat Tiatira mamalaekatika, notulihi hoko nënanga: Nënanga o behehongo ma Jou Madutu ai Ngohakoka ailako macahaya hokä o uku, de Ai l̄ou macahaya hokä o tabaga haharongika.

O HIMATOKO 2:3

Ngini nisabari deʼ ngini niatagongo o hangihara karana Ngohi, deʼ tingini nianganono itoakua.

O HIMATOKO 2:8

”O jemaat Smirna mamalaekatika, notulihi hokonënanga: Nënanga o behehongo Unangino madodihiraka deʼ mabobahaka – wohonengoka deʼ wowangokali.

O HIMATOKO 3:1

”O jemaat Sardis mamalaekatika, notulihi hokonënanga: Nënanga o behehongo Unangino Ai womaha tumidi ma Jou Madutuino deʼ Ai murumu tumidi gënanga. Ngohi tohiöriki okia ngini niadiai. Yatobari ngini niwango, enahioko ngini nihonenge!

O HIMATOKO 3:14

”O jemaat Laodikia mamalaekatika, notulihi hokonënanga: Nënanga o behehongo o Amin womo Muliaka, o hakihi wososetia deʼ madiai, hagala moi-moi matiti ma Jou Madutu wohidö dädadi.

O HIMATOKO 3:7

”O jemaat Filadelfia mamalaekatika, natulihi hokonënanga: Nënanga o behehongo Unangino wotebi-tebini de duru madutu. Unanga to Daud aikusi majojo; nako Unanga wahelenga, o nyawa moiuao yakunu yatamunu, deʼ nako Unanga watamunu, o nyawa moiuao yakunu yahelenga.