O TESALONIKA MADODIHIRAKA 5:11 - MA JOU AI BUKU O ABARI MA OA

¹¹ Hababu gënanga, kokiani ngini itatapu nimahiki liara deʼ nima hikukuata, imatero hokä ngini nia gogiria nia diai o öraha nënanga.

O TESALONIKA MADODIHIRAKA 5:11 Iomraidhean Croise

O ROMA 14:19

Hababu gënanga tongone nanga dumutu kokiani salalu mangale o hali-o hali yadiai homakao yaoa de homahikomomiki.

O ROMA 15:14

Ahi Roriadodoto! Ngohi tohigoungu naga duru kahangöe maoa-oa nginioka. Nginiö manihiöriki hagala mata-mata deʼ yakunu nimäkodotoko moi de mahomoaikaö.

O ROMA 15:2

Iidulu yaino ngone moi-moi kokiani hasanangi tongone nanga roriadodoto manga hininga mangale toona manga oa, hupaya manga hininga ihigoungu iholoi ikuata.

O KORINTUS MADODIHIRAKA 10:23

O nyawa yato, ”Okia dika ngone homau ngone iyakunu hodiai.” Itiai! Mä mata-mataua ngone homau gënanga ibaraguna. ”Ngone iyakunu hodiai okia dika ngone homau” – mä mata-mataua ngone homau gënanga, yamomiki tongone nanga wowango.

O KORINTUS MADODIHIRAKA 14:12

Mangale ngini mahirete, ngohi tohiöriki ngini nionahihu duru niamäke o ngongike-ngongike ma Jou Madutu ai Womahino. Mä duru mal̄okuoka, kiani ngini nimahiaha mangale niapäke o kuata niä riwo o jemaat yodadi yotagi manga himangika.

O KORINTUS MADODIHIRAKA 14:29

O nyawa yahinoto ekola yaruange de manga abarioka ma Jou Madutuino kiani ihingahu o abari gënanga mahomoa kayatiba-tibangohi okia yotemo gënanga.

O KORINTUS MADODIHIRAKA 14:5

Hokokia marahai nako Riadodoto mata-mata niakunu nitemo-temo de irupa-rupa o demo ihëra-hëranga. Mä duruhe irahai ganga nako Riadodoto niakunu nihingahu ma Jou Madutu okianagamoi aha wadiai. Hababu o nyawa ihi ngahu-ngahu o abari ma Jou Madutuino, iholoi yoamoko ngaro de o nyawa yotemo-temo de o demo ihëra-hëranga; mahomoa de o hali gënanga nako o nyawa yotemo-temo irupa-rupa o demo ihëra-hëranga magoronaka gënanga, yakunu ihitararono okia ihidemoka gënanga, hupaya o jemaat mata-mata yamäke mafaidä.

O KORINTUS MAHINOTOKA 12:19

Yakunu idadi ngini niatobote ngomi madekana nënanga mihi dailako magogiria mimahi tatoko miadiri nginika? Ngini duru niahowono! Ma Jou Madutu wohiöriki mata-mata ngomi mitemoka gënanga ganga doka imamoteke o Kristus aimau. Deʼ mata-mata miadodiai ngomi, ganga mangale mihimomiki niarohani mawowango.

O EFESUS 4:12

Wadiai nënanga hupaya ma Jou Madutu ai umati yahidiai ingodumu hupaya yakunu iwi leleani ma Jou deʼ ihi goko o Kristus ai röehe.

O EFESUS 4:16

Ai tutuda matimioka, o röehe mahidoku gënanga mata-mata itatoro irahai, deʼ ihi kokodohanga mangale o kobongo mangafoko moi-moi. Deʼ nako o röehe mahidoku moi-moi gënanga imanarama hokä hoko kiani, done o röehe ingodumu gënanga aha ihero idadi ibaluhu deʼ ikuata yatilakuru o dora.

O EFESUS 4:29

Nako ngini nitemo-temo uha nihi demo, o demo ipese-peseke. Nia päke dika o demo-demo yahimomiki deʼ yahidöaka o roriwo o nyawa mahomoaika. O demo-demo hoko gënanga aha yägao o oa o nyawa yoihe-ihenika.

O TESALONIKA MADODIHIRAKA 4:10

Deʼ o hali nënanga ngini nihi matokoka o roriadodotika o ngongaku moi, o Makedonia madaera mata-mataika. Mä Roriadodoto ngomi migahoko de magiria, hupaya niawowango iholoioli yaoa.

O TESALONIKA MADODIHIRAKA 4:18

Hababu gënanga, kokiani ngini nima hikukuata nia hininga de nia päke o demo-demo nënanga.

O TIMOTIUS MADODIHIRAKA 1:4

Natemo onangika laʼ ibötohi ihi gihenika o demo ito totiaiua deʼ o ade-ade kai hira-hira ikahi koi toa-toakua. Mata-mata gënanga, duga-duga ihipuda o ributu dika, deʼ koi tagiua ma Jou Madutu ai datoro duga-duga hakunu hanako de madodagi o ngongaku Unangika.

O IBRANI 10:25

Kokiani ngone itatapu homatoomu homa kokomoteke, deʼ uhali hoalipä hokä o nyawa mahomoa. Ngone igoungu kokiani iholoi hosetia homa hikukuata, hababu ngone hohiöriki itedekanokaua ma Jou aha woböa.

O IBRANI 3:13

Hoʼ, hupaya kao nyawa moiö makoiwa naga niahidogoronaka o baradoha yätipu hiädono iwilawani ma Jou Madutu, kokiani ngini nimateke nasihati o wange higetongo hokokia madëkana ngone kahowangohi o öraha magoronaka yahëto-hëtongo ”O Wange Nënanga” Ma Jou Ai Demo ma Buku magoronaka.

O PETRUS MAHINOTOKA 1:12

Hababu gënanga, ngohi hoko genangika tinihidöaka o hohininga mangale o hali ihöheto-hetongo, ngarokö ngini nihiorikoka deʼ duru nia ngaku o dodötoko ma Jou Madutuino naga ngini nia tarimaoka gënanga.

O YUDAS 1:20

Mä ngini, ahi Roriadodoto, nia paliara nihi gila-gila nia wowango nihihol̄e nia ngongaku o Yesus Kristusika. Nia ngongaku gënanga duru itebini. Ma orahoka gënanga nimä niata de ma Jou Madutu ai Womaha makuaha,