O TESALONIKA MADODIHIRAKA 4:8 - MA JOU AI BUKU O ABARI MA OA

⁸ O nyawa yaolu-oluku o dodötoko nënanga ko o nyawaua yäoluku, duga-duga iwi oluku ma Jou Madutu wohi döa-döaka ai Womaha itebi-tebini nginika.

O TESALONIKA MADODIHIRAKA 4:8 Iomraidhean Croise

O NEHEMIA 9:30

O taongo itagali o taongo Ngona Nosabari Nahidöaka o hohininga; itilakuru o nabi-nabi, Ani Womaha yatemo onangika. Mä Ani umati gënanga yatamunu manga ngauku, daha Nahilapahi hagala o hoanika hagala o berera.

O KELUARAN 16:8

Ma Jou aha winihidöaka ngini o hiode ma akeme o bimaoa, deʼ o roti o ngoru-ngorumino hiädono ngini inï punuhu, karana ma Jou woihenoka ngini niwi ngamo-ngamo Unangika. Igou-goungu, nako ngini nimï ngamo-ngamo ngomino, ngini niwi ngamo-ngamo ma Jouika.”

O AMSAL 1:7

Mangale yamake o ganako madutu, madodihiraka o nyawa kokiani de manga mamao o horomati deʼ o modongo ma Jouika. O nyawa bodo yaetongikaua o barija deʼ yoluku yadotoko.

O AMSAL 23:9

Uha nänasihati o nyawa bodo; ünanga aha wölegaikaua aninasihati gënanga.

O YESAYA 49:7

Ma Jou Madutu wotebi-tebini o Israeloka wahihohalamati wotemo o nyawa duru yahikokaukuika, deʼ yadoha-dohata mangale o hoana de o berera maago-agomo ikali yodadi yokokuaha manga gilaongo, ”O kokoano aha yamake ahimanarama; önanga aha yomomiki ihihoromati Ngohi. Yo kokuaha ahayamakeö, dahayatilabuku yohuba.” Genanga idadi karana ma Jou wairikoka aigilaongo; O Israeloka manga Jou Madutu wotebi-tebini wosatia aijajika.

O YESAYA 53:10

Ma Jou womau Unanga watagongo ohangihara, deʼ woma hilapahi aidiri hokä ohuhuba obaradoha magegehe. Done Unanga Aiumuru ikurutu deʼ wamake Aidifauku itilakuru Unanga ma Jou Aimau ahaidadi.

O LUKAS 10:16

Daha o Yesus wätemo iwinöninïkika, ”O nyawa inihigihene ngini, ihihi gihene Ngohi. O nyawa inïtila ngini, ihitila Ngohi. Deʼ o nyawa ihitila Ngohi, iwitilaö Unanga wohihulo-huloko Ngohi.”

O YOHANIS 12:48

O nyawa ihitila Ngohi deʼ yoluku yoihene Ahi demo, naga yahihaki-hakimi. O demo Ngohi tohi ado-adono gënanga, aha yahihakimi o Kiamati ma Wangeoka.

O KISAH RASUL-RASUL 13:41

’Niohininga nihidodiai, hei ngini o nyawa nioigo niahi kokauku! Ngini aha nihëranga, de ahao nihonenge! Hababu örahanënanga Ngohi magogiria todiai okianaga moi ngini mahirete aha niangakua, ngaroka naga o nyawa inihitararono nginika.’ ”

O ROMA 5:5

O ngonganono hokonënanga aha nangahininga yahuhaua, hababu ma Jou Madutu wönoäka nangahininga de Ai dora. Ma Jou Madutu wadiai nënanga de Ai Womaha mamanarama, inahi döa-döakoka ngoneino.

O KORINTUS MADODIHIRAKA 2:10

Mä ma Jou Madutu wohimatokoka ngoneino de madodohanga ai Womaha. Ma Jou Madutu ai Womaha gënanga yatailako hagala moi-moi, hiädono ma Jou Madutu aidatorika ngaro duruhe iö iu-iunu.

O KORINTUS MADODIHIRAKA 7:40

Mä munanga aha iholoi moutumu, nako mokawingokauaoli. Gënanga tongohi ahidamäke mahirete, mä ngohi tamäo ngohi tohidemo gënanga ganga de ma Jou Madutu ai Womaha makuaha.

O KORINTUS MAHINOTOKA 1:22

Mangale gënanga ma Jou Madutu wohigoungoka, ngone nënanga Toünanga madutu, deʼ wonahidöaka ai Womaha tongone nangahininga magoronaka, hokä o roriwo ënanga aha inahi döaka ngoneino mata-mata inahijäjajioka.

O GALATIA 4:6

Karana ngini ganga ma Jou Madutu ai ngoha-ngohaka, ma Jou Madutu wïhuloko ai Ngohaka ai Womaha iwohama nia hiningaika Riadodoto deʼ ahi hiningaika, enagënanga o Womaha ihiböaka, ”Ama, ya ahi Ama.”

O PETRUS MADODIHIRAKA 1:12

O nabi-nabiika gënanga ma Jou Madutu wahi ngahuokia önanga yodiai koigoungua mangale önanga imahi akunu, duga-duga mangale ngini; enagënanga hagala o hali öraha nënanga ngini ni ihene de madodiai o Abari ma Oa ihingö ngahu-ngahuino mangale o Yesus Kristus. Onanga ihi ngahu hagala o hali gënanga nginika de ma Jou Madutu ai Womaha makuaha ihi dingo-dingoto o horogaino. Igoungu hagala o malaekat mayö nahihuoli ihi öriki o abari önanga ihingö ngahu-ngahu gënanga.

O PETRUS MAHINOTOKA 1:21

Hababu, komaiwa o behehongo ma Jou Madutuino ihi abari duga-duga de o nyawa manga mau. Mä ma Jou Madutu ai Womaha yäkuaha o nyawa la ihi ädono o behehongo ma Jou Madutuino mahirete.

O YOHANIS MADODIHIRAKA 3:24

O nyawa mata-mata ihi ngou-ngounu ma Jou Madutu ai pareta-paretaika, yowango kamoi de ma Jou Madutu deʼ ma Jou Madutu kamoi de önanga. Deʼ ngone hohiöriki ma Jou Madutu wowango kamoi de ngone, karana Unanga wonahidöakoka ai Womaha ngoneino.

O YUDAS 1:8

Hoko genangö o nyawa-o nyawa gënanga yohohayali hiädono önanga yodiai o baradoha to önanga manga röehika mahirete. Onanga yapulono itipokouku ma Jou Madutu ai kuaha deʼ ihikauku o dodadi-o dodadi imomulia o horogaka.

O SAMUEL MADODIHIRAKA 10:19

Ngohi tinihi pidiloka ngini o hangiharaino deʼ nia tago-tagongo, maöraha nënanga ngini nihitila Ngohi, nia Jou Madutu, karana ngini nigahoko hupaya Ngohi titumutu wotengo o koano nginika. Aa, kayaoa nima toomu Ahi himangoka, nia Jou, imamoteke nia hoana deʼ nia ahali.’ ”

O SAMUEL MADODIHIRAKA 8:7

deʼ ma Jou witemo, ”Natarima hagala manga gogahoko o hoana gënanga ngonaika. Hababu ngonaua önanga ini tila, mä Ngohi. Onanga ihi igo okauaoli Ngohi, hokä toönanga manga koano.