O TESALONIKA MADODIHIRAKA 4:7 - MA JOU AI BUKU O ABARI MA OA

⁷ Ma Jou Madutu wonä ahoko ngone, koigoungua hupaya ngone howango isafarune, duga-duga hupaya ngone howango de madodagi Ai hininga hasanangi.

O TESALONIKA MADODIHIRAKA 4:7 Iomraidhean Croise

O IMAMAT 11:44

Ngohi ma Jou nia Jou Madutu hababu gënanga nimä goana hupaya ngini kahirahi nitebini, karana Ngohi totebini.

O IMAMAT 19:2

wohiädono o pareta nënanga o Israel ma nyawaika, ”Kokiani ngini nitebini, karana Ngohi ma Jou nia Jou Madutu ganga Totebini.

O ROMA 1:7

Mahababu gënanga ngohi totulihi o hurata nginika. Tanu ma Jou Madutu nanga Ama deʼ ma Jou Yesus Kristus wohidöaka Ai barakati deʼ Ai lolä nginika.

O GALATIA 5:19

O nyawa nanga biaha manahihu inyata o manarama isösafarune magoronaka, ipese-peseke, deʼ ipatutua;

O EFESUS 1:4

O dunia nënanga wohidadi uwahi, ma Jou Madutu wo na irikoka ngone itilakuru o Kristus de madungutu hupaya ngone hodadi to Unanga madutu woma dinga-dingakoka deʼ makuranga koiwa Ai himangoka. Karana ma Jou Madutu ai dora,

O EFESUS 2:10

Ngone nënanga ma Jou Madutu ai dodadi, deʼ itilakuru o Kristus Yesus, ma Jou Madutu wonatiai ngone hupaya ngone hadiai o hali maoa-oa watiai ukuoka mangale ngone.

O EFESUS 4:1

Hababu gënanga ngohi – o bui manyawa moi, ihi bui karana tileleani o Jou – kohagiria togahoko nginika: niwango imamoteke nia pangkati hokä o nyawa ma Jou Madutu wini aho-ahokoka.

O EFESUS 4:19

To önanga manga mal̄ekö makoiwa, hiädono önanga yamoteke hagala manga nahihu madorou, de yowango howono de manga hininga mahuka.

O TESALONIKA MADODIHIRAKA 2:3

Ngomi migëgoto migahoko nginika ganga mia howonua; inoli mia dungutua itö tebi-tebinua ekola lamitipu.

O TIMOTIUS MAHINOTOKA 1:9

Ma Jou Madutu wona hihalamati deʼ wona ahoko ngone laʼ ngone hodadi Ai umati mahirete. Unanga wodiai gënanga igoungua matiti okia ngone hamo manaramoka, mä matiti Ai datoro mahirete deʼ Ai hayanga de Ai dora itötotomo. Unanga wonahi döaka ngoneino Ai hayanga de Ai dora i tilakuru o Kristus Yesus, o dunia nënanga kaidadiö de kowahi.

O IBRANI 12:14

Nohidailako la nowango nimahitekehi dodiai de o nyawa mata-mata. Nohidailakoli la nowango itebini, maboboloi mangale ma Jou. Hababu kamoiö de iwimäkeua ma Jou nako ünanga wowangoua hokä hokogënanga.

O PETRUS MAHINOTOKA 2:10

maboboloi hagala o nyawa yamote-moteke to önanga manga nahihu ipese-peseke deʼ ihi kokauku ma Jou Madutu ai kuaha. Hoko gënanga manga barani de manga hininga magurutil̄e o guru-guru madutua gënanga hiädono önanga yodododatoua yähikauku o dodadi imomulia o horogakaö!