O TESALONIKA MADODIHIRAKA 4:6 - MA JOU AI BUKU O ABARI MA OA

⁶ O hali hoko gënanga magoronaka kao nyawa moiö de uhali nidiai o howono nia dodiawoika, ekola niä tipu. Mahira ngomi mihi döakoka o hohininga de makuata nginika, ma Jou wähukumu hagala o nyawa yododiai o howono hokä hoko gënanga.

O TESALONIKA MADODIHIRAKA 4:6 Iomraidhean Croise

O MAZMUR 140:12

Mal̄aikala o nyawa yapöpakisa yätapal̄u o bodito, uha nahigumal̄a yoföfitana yogogere o duniaka.

O MAZMUR 94:1

Ya Jou Madutu, Ngona ganga ma Jou nabö bala-balahi, nohimatoko Ani balahi ya Jou.

O KELUARAN 20:15

Uha ni tohiki.

O KELUARAN 20:17

Uha nio nahihu o nyawa mahomoa manga kia naga; manga tau, manga hekata, manga gogilaongo, manga aiwani ipopaliara, manga keledai, ekola okia dika toönanga madutu.”

O AMSAL 11:1

Ma Jou wädohata o nyawa yapake-pake o duduga irusi-rusi mä Unanga wosanangi deo nyawa yapake-pake o duduga madiai.

O AMSAL 16:11

Ma Jou womau o nyawa idadi manga hininga irikoto o bubukunu magoronaka, ikali wapake o duduga deʼ wohitiba-tibanga.

O AMSAL 20:14

Woija salalu wotaiana mangale maija mahali. Mä nako waijaka, ünanga aihininga ilamoko maijaino.

O AMSAL 20:23

Ihi tiba-tibanga deʼ o didibanga mahelewo irusi-rusi ma Jou wasanangiua.

O AMSAL 28:24

O naguna wädohiki aidimono deʼ watobote gënanga o baradohaua, kaimaketero deyo tohi-tohiki mahomoa.

O PENGKHOTBAH 5:8

Hoko genangö ma koano ai ngango imahigagao o gugutuku mahasilino.

O YESAYA 5:7

Hababu ma Jou Duru Wo Kuaha ai angguru madumule ganga o Israeloka maumati, deʼ hagala o Yehuda manyawa ganga o angguru mautu Wadö dato-datomo. Onangino Unanga wonganono o adili, mä duga-duga naga o lalimi. Unanga wönganono önanga ihigogoko o diai, mä duga-duga naga o böaka yogahoko o adili.

O YEREMIA 7:6

Yakunokaua niä tuku o nyawa dagi-dagino, o ngohaka o gohihi, deʼ o ngoheka bobao. Uha niatoma o nyawa yahowo-howonua o bereraka nënanga. Uha niahuba hagala o gikiri mahomoa, hababu o hali gënanga aha inibinaha ngini.

O YEREMIA 9:4

Manga dodiawoika, o nyawa moi-moi kokiani ima hidodiai deʼ manga riadodoto madutu ma yakunua yängaku. Hababu hokä o Yakub hoko genangoli önanga, o nyawa moi-nyawa moi yätipu manga riadodoto. O nyawa moi-moi yotagi okiaika honanga la ihibarihi o fitana deʼ o tengeluku.

O YEHEZKIEL 22:13

Mä öraha nënanga Ngohi aha tagohara yoö ora-ora deʼ yotö toma-toma.

O IMAMAT 19:11

Uha nitohiki, nitipu ekola nieluku.

O IMAMAT 19:13

Uha nia hokoto nia dodiawo o nyawa ekola nia öra manga baranga. Imatengo yokarajanga nginioka manga hewa uha nia tümungu, ngaroka o hutu moi dika.

O IMAMAT 25:14

Hoʼ nako ngini nihukunu o tonaka nia dodiawoika o Israel manyawa, ekola nia ija o tonaka unangoka, uha nimakubukunu gënanga deʼ nia hininga irikotua.

O IMAMAT 25:17

Uha nia tipu nia dodiawo o Israel manyawa, mä kokiani ngini niwï modongo ma Jou nia Jou Madutu.

O MIKHA 2:2

Nako önanga yömau o dumule, önanga ya ora. Nako önanga yö mau moi o tau, önanga ya l̄e ima hihininga ma huka. Yaoa manga arata yaoa manga tau manyawa, koiwa yo tumuloa.

O ZEFANYA 3:1

O Yerusalem yalolai, o kota makalakuanga itotorou yoigo iwilawani ma Jou deʼ yätuku manyawa mahirete!

O ZEFANYA 3:5

Mä ma Jou kanagahi o kotaka gënanga; Unanga salalu wadiai itotiai deʼ komaiwahi i howono. O ngorumino magetongo maraioka Unanga wohidöaka o adili Ai umatika. Mä, o nyawa yanako-nakoua o adili o kotaka gënanga kahirahi yodiai itotorou yanakoua yämal̄eke.

O MALEAKHI 3:5

Wato ma Jou Duru woko Kuaha, ”Ngohi aha toboa nginiika mangale Tinï juru hakimi. Ngohi aha deʼ majapati todadi o hakihi yogogumaterika, hagala o nyawa yo howo-howono, yo hakihi yoelu-eluku, yodiai iadilua ihi doaka manga gaji magoronaka o nyawa yähewa-hewaika, yä tuku o babao-o babao, o gohihi madutu, deʼ o nyawa maporetino, o nyawa mata-mataika ihihö horomatiua Ngohi.”

O MARKUS 10:19

Ngona nanakoka ma Jou Madutu ai pareta-pareta, ’Uha notoma, uha nohowono, uha notohiki, uha nohakihi i elu-eluku, uha notipu, nä horomati ani ama deʼ ngoni ayo.’ ”

O LUKAS 12:5

Kayaoa de Ngohi tinihi dumutu nginika o naguna kokiani ngini niwïmodongo. Niwï modongo ma Jou Madutuika! Hababu winï toma iböto, Unanga wokuahaö winïumo o narakaika! Ningaku, Unanga kokiani ngini niwï modongo.

O LUKAS 16:28

Naga ahi dodoto yamotoa genangoka. Nïhuloko o Lazarus wahi döaka o hohininga onangika, hupaya uha hiädono onangö yotifa o hangihara mangïuku nënanga.’

O ROMA 1:18

O horogauku ma Jou Madutu wohimatoko Ai dohata o baradohaika mata-mata deʼ o nyawa manga dorouika, hababu o dorou yätatoko o nyawa mangale yanako o dodötoko madiai mangale ma Jou Madutu.

O ROMA 12:19

Ahi Roriadodoto! Uha hakali-kali nabalahi o dorou nodiai, mal̄aikala ma Jou Madutu wähukumu. Hababu Ma Jou Ai Demo ma Buku magoronaka yatulihi, ”Ngohi taböbala-balahi. Ngohi aha tähukumu, ma Jou wato.”

O ROMA 13:4

Hababu o popareta ganga ma Jou Madutu aigilaongo yomanarama mangale ani oa. Mä nako Riadodoto o dorou nodiai, marai Riadodoto kokiani nämodongo onangika, hababu kaparahajaua dika önanga yokuaha la yähukumu o nyawa. Onanga ganga ma Jou Madutu ai gilaongo, yögogelenga ma Jou Madutu aihukumanga o nyawaika yododiai o dorou.

O KORINTUS MAHINOTOKA 7:11

Abeika ngini niohohininga, okia mahasili nginika mangale niahininga mahuha imangëkomo moi de ma Jou Madutu aimau! Mahasili ënanga ngini nihidailako niagou-goungu, mangale igögawa-gawa niadodono! Ngini idadi niodohata o baradohaika, ngini nihawana, ngini nioigo, ngini niahininga ilamoko, ngini nioigo niahukumu yahowo-howono! O hali mata-mata magoronaka nënanga ngini nihidumutoka ngini niahowonua.

O GALATIA 5:21

o hininga imä kogogono, kayä dalu-dalukika, kayo rame-rame deʼ mangöeohi mahomoa. Gënanga dau honangika mata-mata öraha nanga ngohi tinihi döaka o hohininga nginika hoka sarakia mahiraö ngohi tinihidöaka o hohininga nginika, hagala o nyawa yododiai o hali-hali hokä hoko gënanga aha yodadiua o gegëtongo ma Jou Madutu ai umati.

O EFESUS 4:17

Hababu gënanga de o Jou ai romanga, nënanga ngohi aha totemo de tohi totiaika: uhali niwango hokä o nyawa iwi näko-näkoua ma Jou Madutu, deʼ yatibanga ipoparahaja.

O EFESUS 4:28

O nyawa manga biaha yotohi-tohiki kiani imatogumu yotohiki. I idulu yaino önanga yomanarama hupaya yamäke manga inomo o wangeil̄e de manga hininga iriko-rikoto deʼ yakunu yäriwo o nyawa yokura-kuranga.

O EFESUS 5:6

Uha ngini ini tipu o demo-demo mahomoa. Hababu o hali-o hali nënanga ihi puda ma Jou Madutu ai gangamo o nyawaika iwihi ngou-ngounua Unangika.

O ULANGAN 24:7

O nyawa wä tohi-tohiki nia nyawa nimako hoana deʼ o berera moi, deʼ wahidiai önanga hokä o gilaongo ekola wähukumu kokiani iwi hukumu iwi hohonenge. De hoko gënanga ngini nia hohihanga o dorou gënanga.

O ULANGAN 32:35

Ma Jou aha wabalahi deʼ wä hukumu önanga, itedekanokaua önanga yotifa yobinaha; manga öraha yowedere önanga itaiti iboa.

O TESALONIKA MADODIHIRAKA 2:11

Ngini nihi öriki ngomi minihidiai ngini moi-moi hokä womatëngo o ama wahi diai ai ngoha-ngohaka.

O TESALONIKA MAHINOTOKA 1:8

deʼ o uku i toka-tokara. Unanga wouti la wähukumu hagala o nyawa iwi hohaduliua ma Jou Madutu deʼ yo olu-oluku yowango hokä imoteke de o Abari ma Oa mangale o Yesus tongone nanga Jou.

O IBRANI 13:4

O nyawa mata-mata kokiani ihimatoko manga jako de mahoromati o gogil̄akika, mahababu gënanga o hekata de o rokata kiani yosetia moi de moi. O nyawa manga wowango isösafarune deʼ o nyawa yohowo-howono aha ma Jou Madutu wahidero o adili.

O IBRANI 2:6

Iidulu yaino, mahidoku moioka Ma Jou Ai Demo ma Buku magoronaka itulihi hokonënanga, ”Okia gënanga o nyawa, ya Jou Madutu, hiädono Ngona nomau nähininga? O nyawa duga-duga kao nyawa dika, mä Ngona kanä totailako!

O YAKOBUS 2:6

Mä ngini iholoioli nia hikauku o mihikini manyawa, enahioko o kaya manyawa ini tuku ngini deʼ ini tauru ngini o hakimika!

O YAKOBUS 5:4

Ngini nifangua manga hewa, o nyawa yomomanarama nia dumuleoka. Oraha nënanga ni ihene to önanga manga liwolu! O nyawa yatotoomu nia dumule mahasili, yopöa-pöaka yogahoko o roriwo deʼ to önanga manga boaka yadonoka ma Jou Madutu ai ngaukil̄e, ma Jou woko Kuaha.