O TESALONIKA MADODIHIRAKA 4:4 - MA JOU AI BUKU O ABARI MA OA

⁴ O nau-nauru nia hidogoronaka kokiani ihi öriki sarakia yowango yorimoi de manga hekata de madodagi yasanangi ma Jou Madutu ai hininga deʼ o nyawa manga hininga.

O TESALONIKA MADODIHIRAKA 4:4 Iomraidhean Croise

O KISAH RASUL-RASUL 9:15

Mä ma Jou witemo o Ananiasika, ”Noiki dika! Hababu Ngohi tiirikoka ünanga mangale wohileleani Ngohi, hupaya ünanga wohi abari mangale Ngohi o hoana ilago-agomo mahomoaika yoagamauahi de o Yahudioka manga agama, deʼ o kokoanoika de o Israel maumatikaö.

O ROMA 1:24

Mahababu gënanga ma Jou Madutu wämal̄aika önanga manga hininga manahihu yäkuaha önanga la yodiai i totorou, hiädono önanga yodiai o hali ipese-peseke imahi koko onangaika.

O ROMA 12:1

O Roriadodoto! Ma Jou Madutu duru yaoa ngoneino. Mahababu gënanga ngohi togahoko de magiria hupaya nihihuba niadiri hokä o huba mangango niodingaka mangale ma Jou Madutu deʼ aihininga yasanangi. Niapupuji ma Jou Madutuika kokiani hokogënanga.

O ROMA 6:19

Karana o ade-ade nitagoko niakunowahi, ngohi tapäke manonako o gilaongo hupaya ngini iholoi igapanga nimangarati. Mahiraino ngini niadiri mata-mata nihidöakoka hokä o gilaongo o hali ipese-pesekika deʼ i totorou de madungutu i totorou. Kogenangoli örahananga, kokiani ngini niadiri mata-mata nihidöaka hokä o gilaongo mangale ma Jou Madutu ai mau de mangale ma Jou Madutu Ai dungutu itebi-tebini.

O KORINTUS MADODIHIRAKA 6:15

O Roriadodoto nihiöriki niaröehe ganga o Kristus ai röehe mahidoku-hidoku. Hoʼ boteka yakunu ngohi tal̄ë o Kristus ai l̄ou de Ai giama de tadiai yososafarune manga l̄ou de manga giama? Hakali-kali kowali!

O KORINTUS MADODIHIRAKA 7:2

Mä hupaya inidäenua o cocoba mangale nidiai o hali-o hali ipatu-patutua, iholoi yaoa o nau-nauru moi-moi de manga hekata mahirete deʼ o ngongoheka moi-moi de manga rokata mahirete.

O KORINTUS MADODIHIRAKA 7:9

Mä nako o Roriadodoto niyakunua niatumungu nianahihu Roriadodoto koaho nikawingi. Hababu de nianahihu irama, iholoi yaoa o Roriadodoto nikawingi.

O KORINTUS MAHINOTOKA 4:7

Mä o rohani ma arata ihohailoa gënanga ngomi miao tongomi miadirioka ibobaragunaua nënanga yadodiai o tonakino. De hokogënanga inyata o mulia de o kuaha ikelenga ma Jou Madutuoka deʼ igoungua ngomioka.

O PILIPI 4:8

Mabobaha, Roriadodoto, nionoa nia dibangika, de o hali dema ija-ijaka, ipatutu ihi gogiriri, enagënanga hagala o hali i totiai, demahoromati, iadi-adili, itebi-tebini, imuti-mutiti, deʼ maoa-oa.

O IBRANI 13:4

O nyawa mata-mata kokiani ihimatoko manga jako de mahoromati o gogil̄akika, mahababu gënanga o hekata de o rokata kiani yosetia moi de moi. O nyawa manga wowango isösafarune deʼ o nyawa yohowo-howono aha ma Jou Madutu wahidero o adili.

O PETRUS MADODIHIRAKA 3:7

Deʼ nginiö, o roka-rokata, kokiani niwango de nia mangarati ioma-omanga nia hekatika, deʼ de nia mamäo önanga ganga o doomu yobö bole-bole. Nia hidiai önanga de mahoromati, hababu önanga nimakomoteke dede ngini, aha nia tarima o ngongike o ngango madutu, ma Jou Madutuino. Niadiai nënanga, hupaya koiwa naga yatätatoko nia hubayanga.

O SAMUEL MADODIHIRAKA 21:5

O Daud wohaluhu, ”Maraioka dika önanga yadiaiua. Salalu nako ngomi mimanarama, ahi ngoha-ngohaka ima goana hupaya önanga yotebini imamoteke o agama, ena hioko gënanga duga-duga mangale o manarama-manarama biaha; okia hongoli o manarama itö tinga-tinga koka hokä o öraha nënanga!”