O TESALONIKA MADODIHIRAKA 4:16 - MA JOU AI BUKU O ABARI MA OA

¹⁶ Damä o malaekat womomulia aha wopöaka deʼ ma Jou Madutu ai trompet aha yawuwu hokä o nonako o pareta ima sadia. Daha ma Jou Yesus mahirete aha wouti o horogaka de wauku, de o Haranioka manyawa yohone-honengoka aha itihira wahiwango.

O TESALONIKA MADODIHIRAKA 4:16 Iomraidhean Croise

O MAZMUR 47:1

O Korah ai ahali manga Mazmur. Mangale yonyä nyanyi manga tutuda.

O MAZMUR 47:5

Unanga wona ngiriki tongone nanga tonaka puhaka, wohiamo-amoko o hoana deo berera Wä dora-dora.

O KELUARAN 19:16

O wange hangeoka, o ngoru-ngorumino, naga o dotoreke deʼ o leletongo. O lobi mabiri-birini iuti ol̄okuku deʼ yoihene o trompet mailingi duru kahäkuatil̄e. O nyawa mata-mata manga tauoka yohawana kaima hidahaharuku.

O KELUARAN 20:18

Maöraha hagala o nyawa yoihene o dotoreke deʼ o trompet mailingi, inoli yamake o leletongo deʼ o l̄oku kai nofo-nofo, önanga yohawana kaima hidahaharuku deʼ imaokoino imakökurutika.

O YESAYA 27:13

O öraha gënanga o trompet mapako-pako aha yawuwu mangale ya ahokokali mata-mata o Israel manyawa yaumo-umo o Asyuroka deʼ o Mesir. Onanga aha yoboa o Yerusalemika mangale iwihuba ma Jou Ai doporono itötebi-tebinoka.

O YOEL 2:11

Ma Jou Ai ilingi hoka o dotoreke, wo hidöaka o nanako, hagala aitentara yo poparangi ika. Hokokia manga ngöe aitentara! Hokokia manga kuata aitentara ya dodiai Ai pareta! I goungu hö modongo deʼ hö borohono ma Jou Ai Wange! O nyawa moiua yakunu yo tongohono.

O ZAKHARIA 4:7

O dagahanga imatero ol̄oku aha imahititiko ani himangoka. Ngona aha nohi gokookali Ahi Tau, deʼ o öraha ngona nogelenga o helewo duru mal̄okuoka mangï oka, hagala o nyawa aha yo pöaka. ’Hokokia ma hailoa!’ ”

O ZAKHARIA 9:14

Ma Jou aha womahimatoko Ai diri Ai umatika, hokä o leletongo hagala Ai toimi madoto Wohi toimi. Ma Jou Duru wo ko Kurutil̄e aha wawuwu o trompet manonako woparangi daha wotagi ai himangiha o rato o koreharauku magoronaka.

O ZAKHARIA 9:9

Hei o Sion manyawa, ni morene! Hei Yerusalem manyawa, nimä ulili! Niwï lega! Nia koano woboa deʼ ai utumu! Unanga o adili makoano woö ao-ao o halamati. Mä iwiomanga o hininga ma dipokouku Unanga woboa wobarene o keledai, o dutu moi o keledai ma gö.

O BILANGAN 23:21

O Yakuboka koiwa hamake o dorou; o Israeloka koiwa marupa o huha. Ma Jou toönanga manga Jou Madutu, naga dede önanga. Onanga youlili: Unanga o Koano!

O MATIUS 16:27

I tedekanokaua, o Nyawa manga Ngohaka kamamoi de Ai malaekat-malaekat aha yoböa de Ai Ama aikuaha. Ma orahoka gënanga, Unanga aha wabalaha o nyawa moi-o nyawa moi manga manarama.

O MATIUS 16:28

Nianäko! Ngini niahidogoronaka nengokanaga aha utu yohonengowahi, ihira de iwimäke o Nyawa manga Ngohaka woböa hokä o Koano.”

O MATIUS 25:31

”Oraha okia o Nyawa manga Ngohaka woböa hokä o koano iwitomoteke mata-mata Ai malaekat, Unanga aha wogogeruku Ai kuruhi imomulia mal̄okuoka.

O MATIUS 26:64

O Yesus wïbaluhu, ”Hoko gënanga ani demo. Mä ningaku: muläenge o öraha nënanga ngini aha niwimäke o Nyawa manga Ngohaka wogogeruku ma Jou Madutu woko Kuaha ainirakoka, deʼ woböa o dihangoka o lobi-lobi mal̄okuoka!”

O KISAH RASUL-RASUL 1:11

”Hei, Galilea manyawa,” o nyawa yahinoto gënanga yätemo, ”yadodoa ngini nima okoil̄edika genangoka nio lega-lega o dihangil̄e? O Yesus ngini niwimäke iwigöraka o horogail̄e gënanga ngini nia himangoka, aha woböaoli de kahoko gënangoli hokä ngini niamäke kangano.”

O KORINTUS MADODIHIRAKA 15:18

Gënanga mamangaratioli o Haranioka manyawa yohone-honengoka, toönangö koiwa manga ngonganono.

O KORINTUS MADODIHIRAKA 15:20

Mä inyata o Kristus wohonenge de wowangokali. Nenangala idadi o roriwo o nyawa yohone-honengoka aha yahiwangokali.

O KORINTUS MADODIHIRAKA 15:23

Mä moi-moi aha yahiwango imoteke o hidoku: madodihiraka o Kristus; damä maduruino maöraha Unanga woböali, yanïki o hidoku o nyawa iwohama toma Kristus ainyawa madutu.

O TESALONIKA MADODIHIRAKA 1:10

Onanga yoade-adeoli mangale sarakia önanga yönganono ma Jou Madutu ai Ngohaka ai böa o horogaino, enagënanga o Yesus, ma Jou Madutu wihi wangoka o honenge mahidogoronaka. O Yesus kage Unangoli wonahihalamati ngone de ma Jou Madutu ai murukä aha i bö böa-böa.

O TESALONIKA MADODIHIRAKA 3:11

Tanu ma Jou Madutu tongone nanga Ama mahirete, de tongone nanga Jou Yesus wohidiai o ngëkomo mangale ngomi la homakamäke dede ngini!

O TESALONIKA MAHINOTOKA 1:7

Deʼ nginika o öraha nënanga nia tago-tagongo o huha de o hangihara – hoko genangoli ngomino – ma Jou Madutu aha wonahidöaka o hininga masanangi ma Jou Yesus ai wangeoka wouti o horogaka de wauku deʼ womahimatoko Ai diri de to Una Ai mömalaekat yonö nau-nauru

O TESALONIKA MAHINOTOKA 2:1

Mangale nanga Jou Yesus Kristus ai böa, deʼ mangale aha ngone inä toomu kamamoi dede Unanga, nënanga doka ngohi togahoko de magiria nginino:

O PETRUS MAHINOTOKA 3:10

Mä ma Jou ai böa ma Wange aha iböa hokä yotohi-tohiki. O Wange gënanga, o dihanga ihihanga de ma ilingi iruruhu, deʼ hagala okia naga o dihangoka aha yöuku, de o dunia de hagala okia naga ma goronaka aha ihihanga.

O YUDAS 1:9

O Mikhael mahirete, wahibö balu-baluhu o malaekat, komaiwahi wodiai hokä hoko gënanga. Oraha gënanga ünanga imateke ributu de o Ibilihi imakalawani magoronaka mangale o nagona aha yamäke o Musa ai mayeti, o Mikhael wobaraniua o Ibilihi wohihakimi de o hikauku mademo-demo. Duga-duga o Mikhael wato, ”Ma Jou aha wonï banarata ngona!”

O HIMATOKO 1:10

Ma Jou aiwangeoka, ngohi ihikuaha ma Jou Madutu ai Womaha, daha ngohi toihene o ilingi kohakuatil̄e – hokä o trompet mailingi – itemo tongohi ahi poretoko.

O HIMATOKO 1:7

Niwilega, Unanga woböa iwihawoino o lobi! O nyawa mata-mata aha iwimäke Unanga, yodogoika onangohi iwitötudu-tuduku. Hagala o hoana o duniaka aha yododora karana Unanga. Ia, igoungu! Amin!

O HIMATOKO 14:13

Daha ngohi toihene o ilingi o horogaino itemo, ”Natulihi nënanga: Muläenge öraha nënanga, youtumu hagala o nyawa ka iwïleleaniohi ma Jou de yohonenge!” ”Itiai!” ma Jou Madutu ai Womaha ihaluhu. ”Onanga aha imatogumu de o manarama itotubuho, karana toönanga manga leleani mahasili hoko genangika aha yatomoteke önanga.”

O HIMATOKO 8:13

Daha ngohi tamäke moi o totaleo rajawali magogiria ihoho kohagurutil̄e o gitawaino, ngohi toihene ipöaka, ”Bodito! Bodito! Bodito o nyawa mata-mata o duniaka damä maöraha okia o malaekat yaruange mahomoa manga trompet yawuwu!”

O HIMATOKO 8:2

Daha ngohi tämäke o malaekat yatumidi imaokoino ma Jou Madutu aihimangoka, deʼ onanga yahidöaka o trompet o gahumu tumidi.