O TESALONIKA MADODIHIRAKA 4:13 - MA JOU AI BUKU O ABARI MA OA

¹³ Roriadodoto, ngomi mioigo hupaya ngini nihi öriki demadiai mangale hagala o nyawa yohone-honengoka; hupaya ngini nia hininga ihuhaua hokä o nyawa mahomoa manga ngonganono koiwa-iwa.

O TESALONIKA MADODIHIRAKA 4:13 Iomraidhean Croise

O KEJADIAN 37:35

Mata-mata ai ngoha-ngohaka kayaoa o nauru kayaoa o ngoheka yaino iwil̄aru, ma ünanga woluku iwi l̄aru. Wotemo, ”Hiädono tohonenge ngohi aha tohigila-gila tïdodora ahingohaka.” Hoko gënanga ünanga wohi gila-gila wapake o huha de o duka mapakeanga karana aingohaka o Yusuf.

O SAMUEL MAHINOTOKA 18:33

Woihene gënanga ma koano duru ai hininga ihuha, daha wodoa o kamari o ngorana ma amo-amoko mal̄okuoka daha woari wododora, ”Ayo ahi ngohaka! Ahingohaka Absalom! Absalom, ahi ngohaka! Iholoi yaoa ngohi dika tohonenge toni tagali ngona, ahi ngohaka! Absalom, ahi ngohaka!”

O KOKOANO MADODIHIRAKA 1:21

Nako Jou Koano nohi döakua o putuhu gënanga, maraioka Jou Koano kadeno honengoka, ngohi de ahi ngohaka aha imihidiai hokä yosetiaokaua.”

O KOKOANO MADODIHIRAKA 2:10

Ipaha o Daud wohonenge de iwi jere o Daud ai kotaka.

O AYUB 1:21

”Ngohi ihihingohaka deʼ ahikia-kiaua, deʼ ngohi aha tohonenge deʼ ahikia-kiauaoli. Ma Jou wohidoakoka deʼ ma Jouoli wal̄ëoka. O higiriri Ai romanga!”

O AMSAL 14:32

O nyawa madorou wobinaha karana o dorou, o nyawa maoa iwïgoana aihininga marikoto.

O YEHEZKIEL 37:11

Ma Jou Madutu wohitemo ngohino, ”Hei o nyawa nokokakaliua, hagala o kobongo gënanga ihinonako o Israeloka manyawa. Onanga yotaiyana önanga yotoolenge, koiwa manga nganono deʼ koiwa o wange manga himangika.

O DANIEL 12:2

Manga ngöe toönanga manga hidogoronaka yahone-honengoka aha yowangoli, o hidoku moi aha yamao iame o ngango ikokakali de o hidoku moioli aha yamao, o hikauku deʼ o o borohono i kokakalioli.

O IMAMAT 19:28

Uha nia paraha niakai la nia tuli-tulihi ekola nia roëhe nia topo-topoko hokä manonako nia hininga ihuha mangale o nyawa yo honenge. Ngohi ma Jou.

O IMAMAT 21:2

sowaliua nako yohone-honenge gënanga ngoi ayo, ai ama, ai ngohaka, ai riaka de ai dodoto o nauru

O MATIUS 27:52

O lungu-lungunu ihelenga, deʼ manga ngöe ma Jou Madutu aiumati yohone-honengoka yowangokali.

O YOHANIS 11:24

O ngo Marta mohaluhu, ”Ngohi tohiöriki o Lazarus aha wowangoli nako o nyawa yohone-honengoka yomomiki o Kiamati ma Wangeoka.”

O KISAH RASUL-RASUL 13:36

O Daud wohonengoka deʼ iwilungunokaö imakinïki de aiete de aitohora, ünanga wadiai iböto okia ma Jou Madutu wihuloko ünanga wadiai. O Daud aimayetiö makoiwaka iwedere mata-mataka.

O KISAH RASUL-RASUL 7:60

Daha ünanga watilabuku deʼ womapöaka de aiilingi kohakuatil̄e, ”Jou, uha mangabaradoha nënanga, nahi tapal̄u onanguku!” Wotemo iböto hokogënanga ünanga wohonengoka.

O KISAH RASUL-RASUL 8:2

Hagala o nyawa iwïmodo-modongo ma Jou Madutuika iwilungunu o Stefanus deʼ iwigari ünanga de duru manga hininga ihuha.

O ROMA 1:13

Roriadodoto! Ngohi töigo hupaya ngini nihiöriki hara mangöeoka ahidungutu tinïädono mä salalu naga dika madagahanga. Ngohi töigo hupaya niahidogoronakaö ahimanarama ihasiloka hokä tongohi ahimanarama o Yahudiokaua manyawa manga hidogoronaka o ngï mahomoaka ihasiloka.

O KORINTUS MADODIHIRAKA 10:1

O Roriadodoto! Riadodoto kiani niohininga okia idadi tongone nangaete de nangatohoraika maöraha önanga iwinïki o Musa. Onanga mata-mata yähohongino o lobi, deʼ de manga halamati yatoaka o Ngöto ma Doka-dokara.

O KORINTUS MADODIHIRAKA 12:1

Orahanënanga imakorona de o ngongike-o ngongike ma Jou Madutu ai Womaha ihidöaka. Imakorona gënanga, ngohi tomau Riadodoto nihiöriki de madiaioka.

O KORINTUS MADODIHIRAKA 15:6

Ipaha gënanga Unanga womahi matokoli Ai diri kamamoi iwininïka yaratuhu motoa iholoika. Yowöe-wöe o nyawa gënanga kayowangohi örahanënanga, duga-duga o nyawa yamuruononaga yohonengoka.

O KORINTUS MAHINOTOKA 1:8

Roriadodoto! Ngomi mimau ngini nihiöriki mangale o huha ngomi miaöhana o Asia madaeraka. O hangihara ngomi miatagongo gënanga, itubuhoholi ngomi imibänga, hiädono koiwaka miangonganono ngomi aha miwangoli;

O EFESUS 2:12

Maöraha gënanga ngini nirimoiua de o Kristus, ngini ganga o nyawa maporetino iwohamua umati ma Jou Madutu ai ngongiriki. Ngini iwohamua o jaji maliliko magoronaka ma Jou Madutu wadodiai de Ai umati. Ngini niwango o dunia magoronaka nënanga nia nganono koiwa, nia Jou Madutu makoiwa.

O EFESUS 2:3

Ngone ma hira mata-mata kaho make tero dika dede önanga; ngone howango hamoteke tongone o nyawa nanga biaha deʼ hadiai okia yasanangi nanga röehe deʼ nanga dibanga. Oraha gënanga ngone ganga manyawa ina korona ma Jou Madutu ai dohata, hokä imatero o nyawa mahomoa.

O TESALONIKA MADODIHIRAKA 4:14

Ngone hongaku o Yesus wohonengoka de wowango okali. Mahababu gënanga ngomi mingakuö ma Jou Madutu aha wahi wango okali mata-mata o nyawa yongaku-ngaku o Yesusika deʼ yohonengoka, hupaya önanga yowango dede Unanga.

O TESALONIKA MADODIHIRAKA 4:15

Yakorona o hali gënanga, nënanga doka ma Jou ai dodötoko ngomi mimau minihi ngahu nginika: Ma Jou Yesus woböa maorahoka, ngone kaho wango-wangohi aha hohihiraua de o nyawa yohone-honengoka ihira.

O TESALONIKA MADODIHIRAKA 5:10

Unanga wohonenge mangale ngone hupaya maorahoka Unanga aha woböa – bote ngone kaho wango-wangohi, bote ngone hohonengoka – ngone yakunu howango dede Unanga.

O TESALONIKA MADODIHIRAKA 5:6

Hababu gënanga ngone yakunua kahomä idu-idu dika hokä o nyawa mahomoa. Ngone kokiani homahi dodiai ho mä göana deʼ to ngone nanga dibanga ko kiani itararono.

O PETRUS MAHINOTOKA 3:4

deʼ yotemo hoko nënanga, ”Mademo ma Jou wojaji aha woböa! Oraha nënanga ünanga kiaka? O balu-baluhu nanga ete de nanga tohora yohonengoka mä hagala mata-mata kaima keterohi dika, hokä madero o dunia nënanga idadi!”

O PETRUS MAHINOTOKA 3:8

Mä ahi roriadodoto, o hali moi nënanga ngini uha nia wohanga ma Jou ai lolega magoronaka, o wange moi kaima tero de o taongo o ribuhu moi – Unangika hinotö kaima tero dika.