O TESALONIKA MADODIHIRAKA 4:11 - MA JOU AI BUKU O ABARI MA OA

¹¹ Nihidailako niwango de nia hininga irïdi deʼ nia ganu-ganuua o nyawa mahomoa manga hali. Kokiani ngini nimanarama nimä lingiri mahirete nia ngol̄omo de nia ngokere, hokä sarakia mahira ngomi mihiparetaka nginika.

O TESALONIKA MADODIHIRAKA 4:11 Iomraidhean Croise

O AMSAL 17:1

Iholoi yaoa o gandum o uru moi demaributu koiwa, ngaro deo inomo ihemo-hemoro dema boboloi madema ributuoka.

O AMSAL 17:14

Yamulaenge o ributu ganga hokä niobelenga o akere mangekomo; karana gënanga nimadohuku ihira dei mulaenge o ributu.

O PENGKHOTBAH 4:6

Maraioka gënanga itiai, mä iholoi yaoa o arata mahuhutulu imanïki o hininga irirïdi ngaro de yokarajanga i kuata ihipake manga giama hinoto deʼ yoginïki o hidal̄oko.

O RATAPAN 3:26

Ho, yaoa ngone hidamä de homa rirïdi hiädono ma Jou woboa wonahidöaka o roriwo;

O MARKUS 13:34

Madodagi hohi tero o nyawa womatëngo wamal̄aika ai tau daha woiki o ngï magögurutika. Unanga wähuloko iwilö leleani yögöana deʼ yatatoro ai tau deʼ wohi döaka o manarama onangika o nyawa moi-nyawa moi. O ngorana magogoanika, ünanga wohi behehongo hupaya wögöana wohi dodiai.

O KISAH RASUL-RASUL 18:3

daha wogogere genangoka dede önanga deʼ womanarama dede önanga, karana manga lolingiri matiti önanga imadäene de o Paulus ailolingiri matiti, enagënanga yododiai o tau-tau.

O KISAH RASUL-RASUL 20:35

Hagala parakara magoronaka ngohi tinihidoakoka o dulada nginika de homanarama hokuata hokä nënanga ngone kiani hariwo o nyawa imagaku-gakunua. Karana ngone kiani hohininga aha okia ma Jou Yesus mahirete wotemoka, ’Iholoi houtumu hohidöaka de hö dahongo.’ ”

O ROMA 12:11

Nikarajanga de niamagawe. Uha ini tebeturu. Nikarajanga mangale ma Jou de o roriwo ma Jou Madutu ai Womahino.

O ROMA 15:20

Tongohi ahi mau de ahinganono genangala tohingahu o Abari ma Oa ma Jou Madutuino o ngï-o ngï kiaka o nyawa yoihenowahi mangale o Kristus. Hababu ngohi toluku tohi goko o manarama de tögelenga o nyawa mahomoa manga pondasi mal̄okuoka.

O KORINTUS MADODIHIRAKA 4:12

ngomi mia kobongo idofaeoka, mangale mihi lingiri miawowango o wangeil̄e. Maöraha okia ngomi imihilai, ngomi miabalahi de o barakati; nako ngomi imianiaya, ngomi misabari;

O KORINTUS MAHINOTOKA 5:9

Karana gënanga ngomi mihidailako miagou-goungu mangale Ai hininga miadäene, yaoa maöraha ngomi kä nagahi tongomi miatauoka nenangoka ekola dokengoka.

O EFESUS 4:28

O nyawa manga biaha yotohi-tohiki kiani imatogumu yotohiki. I idulu yaino önanga yomanarama hupaya yamäke manga inomo o wangeil̄e de manga hininga iriko-rikoto deʼ yakunu yäriwo o nyawa yokura-kuranga.

O TIMOTIUS MADODIHIRAKA 2:2

mangale o kokoano deʼ mangale o nyawa mata-mata yasösö o kuaha. Hogahoko laʼ ngone yakunu howango ho ogoro de horïdi mangale ma Jou Madutu de nanga manarama ipatu-patutu.

O TIMOTIUS MADODIHIRAKA 5:13

Hoko genangoli önanga yaumo-umo öraha de yohupu yowohama o nyawa manga tau. Deʼ iholoi itorouoli, enagënanga önanga imadotoko yadadi dorou o nyawa mahomoa manga romanga deʼ yaganu-ganu o nyawa manga hali de ihi ade-ade o hali-o hali ipopatu-patutua ihi ade-ade.

O TITUS 3:14

Hagala nanga nyawa kokiani imä dotoko yodiai o hali maoa-oa hupaya yakunu yäwëdono okia naga yapö päke-päke duru yopöparalu; uha hiädono önanga yowango mafaidä koiwa.

O PETRUS MADODIHIRAKA 3:4

I idulu yaino, kokiani nia hailoa ipuda nia hininga magoronail̄e, nia jako ibö bole-bole deʼ nïrïdi; gënanga doka o hailoa ikokakali duru de maraganeoka imoteke ma Jou Madutu ai lo legaka.

O PETRUS MADODIHIRAKA 4:15

Ngini nia hidogoronaka kamoiö de uha yatagongo o huha de o hangihara karana ünanga wotoma ekola wotohiki, ekola o nyawa madorou, ekola karana ünanga wosapuru o nyawa mahomoa manga hali.