O TESALONIKA MADODIHIRAKA 4:1 - MA JOU AI BUKU O ABARI MA OA

¹ Mabobaha Roriadodoto, ngomi mihi döakoka o dulada nginika imakorona de sarakia kokiani ngini niwango la nia sanangi ma Jou Madutu ai hininga. Itiai ngini niwangoka hoko gënanga. Mä oraha nanga de ma Jou Yesus ai kuaha ngomi migahoko de magiria nginika deʼ minï gëgoto hupaya ngini iholoi nimahiahaoli o hali gënanga magoronaka!

O TESALONIKA MADODIHIRAKA 4:1 Iomraidhean Croise

O TAWARIKH MAHINOTOKA 17:4

mä wipuji ma Jou Madutuika. Unanga wohi ngounu ma Jou Madutu aipareta-paretaika, de aiwowango hokä o Israelokaua manga kokoano.

O AYUB 17:9

O nyawa maoa-oa deʼ yahowo-howonua, holoi yongaku manga ngango madodagi ma Jou Madutuika ai hininga yadaene.

O MAZMUR 92:14

Onanga hokä o gota mautu idödato-datomo ma Jou Ai Tauoka, deʼ ima hohe tongone nanga Jou Madutu Ai Tauoka.

O AMSAL 4:18

O nyawa madorou manga ngekomo ihuhutu hokä o hutu-hutu mahagahutu. Onanga yopeleke deʼ yoruba koihiorikua. I idulu yaino, o ngekomo o nyawa maoa yanönonu ganga hokä o wange malako iboa; idogo itedekana kaidogo itararono, hiädono mabaha idadi kaitotararono.

O YOHANIS 15:2

Moi-moi majaga Ngohioka ihohokua, yaoto yatobiki, deʼ moi-moi majaga ihohohoko yapoporo mahoka deʼ yatebini hupaya iholoi iwöeoli mahohoko.

O KISAH RASUL-RASUL 20:27

Komaiwahi ngohi töara tongohi ahimanaramoka mangale tinihi mangarati nginika ma Jou Madutu aidatoro mata-mata.

O ROMA 8:8

O nyawa yowö wango-wango imoteke o nyawa nangabiaha, yakunua iwi hisanangi ma Jou Madutu.

O KORINTUS MADODIHIRAKA 11:23

Hababu ngohi tinidotokoka nginika, gënanga ngohi tatarima ma Jouino mahirete: mahutu gënanga maöraha o Yesus, tongone nanga Jou iwidiai o dorou, Unanga wal̄ë o roti,

O KORINTUS MADODIHIRAKA 15:1

Deʼ orahanënanga, Roriadodoto, ngohi tomau ngini niohiningaoli o Abari ma Oa ma Jou Madutuino ngohi tinihingahuoka nginika kahuruonika. Ngini niatarima, deʼ niwi ngaku o Kristusika karana o Abari ma Oa gënanga.

O KORINTUS MADODIHIRAKA 15:58

Hababu gënanga, o Roriadodoto tinihohininga, kiani ngini nikuata deʼ nibitumu. Nimanarama hoko genangika mangale ma Jou de nia gou-goungu, hababu ngini nihi öriki mata-mata ngini nia momanaramoka mangale ma Jou, aha kaparahajaua.

O KORINTUS MAHINOTOKA 10:1

Orahanënanga ngohi, o Paulus, tomau tohihimanga kianaga utu nginika. Ngohi nënanga, imoteke o nyawa manga demo, tokeöko nako homateke rihimangino de ngini, mä tonauru nako homaki tingaka ikurutika. Aa, karana o Kristus aihininga mabole-bole deʼ aihininga maoa,

O KORINTUS MAHINOTOKA 13:11

Mabobahaka, Roriadodoto, kiani ngini nimamörene, deʼ nihi dailako nidadi nitiai. Nia tarima hagala ahidodaaere. Kokiani ngini nihininga moi deʼ niwango nirimoi. Ma Jou Madutu ai Dora i Lamo-amoko deʼ woigo o dame gënanga aha wini tomoteke ngini.

O KORINTUS MAHINOTOKA 5:9

Karana gënanga ngomi mihidailako miagou-goungu mangale Ai hininga miadäene, yaoa maöraha ngomi kä nagahi tongomi miatauoka nenangoka ekola dokengoka.

O KORINTUS MAHINOTOKA 6:1

Karana ngomi mimanarama mimakao de ma Jou Madutu, de magiria ngomi migahoko uha ngini nihiparahaja ma Jou Madutu aihininga maoa gënanga.

O GALATIA 6:1

Roriadodoto! Nako o nyawa womatëngo niwi mäke o baradoha moi wodiai, kokiani niwö wango-wango niamoteke ma Jou Madutu ai Womaha, niwituda o nyawa gënanga womakilioro o ngëkomo madiai ika. Mä kokiani ngini niadiai gënanga niwi bole-bole, deʼ nimä göana uha hiädono ngini mahirete inï däene o bobaja.

O EFESUS 4:1

Hababu gënanga ngohi – o bui manyawa moi, ihi bui karana tileleani o Jou – kohagiria togahoko nginika: niwango imamoteke nia pangkati hokä o nyawa ma Jou Madutu wini aho-ahokoka.

O EFESUS 4:20

Mä o Kristus Yesus ngini niwi näko-näko hoko genangua!

O EFESUS 5:17

Uha nibodo, mä niatailako okia ma Jou wöigo.

O PILIPI 1:27

Aa, duru hohiamoko öraha nanga ena genangala ngini niwango imatero de okia i gaho-gahoko o Abari ma Oa mangale o Yesus Kristus gënanga. De hoko gënanga boteka ngohi yakunu homaka mäke dede ngini ekola kowali, ngohi aha toihene ngini ikuata nirimoi deʼ nimateke rorebe nima kokutuono mangale duga-duga o dungutu moi deʼ kamoi nia ngigo; enagënanga mangale o ngongaku imatero de o Abari ma Oa ma Jou Madutuino gënanga.

O PILIPI 1:9

Nënanga doka tongohi ahi niniata mangale ngini; tanu ngini kai dogo-dogo niwï dora ma Jou Madutu de nia dodiawo o nyawa deʼ i gila-gila idogo iluku o ganako madiai magoronaka deʼ o lolega i sosawaro.

O PILIPI 3:14

Mahababu gënanga ngohi toma popäta gila-gila tödumu-dumutu mabobahaika la tamäke o utumu, enagënanga o ngango o horogaka; mangale gënanga doka ma Jou Madutu wohi ahoko ngohi de madodagi o Kristus Yesus.

O KOLOSE 1:10

De gënanga ngini yakunu niwango imamoteke ma Jou Madutu ai mau, deʼ hoko genangika ai hininga nia sanangi, hiädono hagala moi-moi magoronaka ngini yakunu nihihupu o hali maoa-oa. Deʼ tingini nia ganäko mangale ma Jou Madutuö aha idogoli.

O KOLOSE 2:6

Roriadodoto niwi totarimaka o Kristus Yesus hokä o Jou. Hababu gënanga kiani ngini niwango nirimoi dede Unanga,

O TESALONIKA MADODIHIRAKA 3:12

Tanu ma Jou wadiai ngini idogo-dogo nimä kodora moi de moi, de idogo-dogo niä dora o nyawa mata-mata hiädono nia dora gënanga kai dogo-dogo, imatero hokä tongomi mia dora nginika.

O TESALONIKA MADODIHIRAKA 4:2

Hababu ngini nihi orikoka o hidumutu-hidumutu ngomi mini hidöa-döakoka nginika de ma Jou Yesus ai kuaha.

O TESALONIKA MADODIHIRAKA 5:12

Roriadodoto, ngomi migahoko de magiria hupaya ngini niä horomati o nyawa yomomanarama nia hidogoronaka; enagënanga önanga ma Jou wäiri-irikoka la ngini inï tuda deʼ inï nasihati.

O TESALONIKA MAHINOTOKA 1:3

Roriadodoto, ngomi salalu kokiani mitemo tarima kasi ma Jou Madutuika karana ngini. Deʼ itiai mapatutu ngomi midiai hoko gënanga, hababu ngini kai dogo-dogo niwingaku o Kristusika, deʼ ngini kai dogo-dogo nimä kodora moi de moi.

O TESALONIKA MAHINOTOKA 2:1

Mangale nanga Jou Yesus Kristus ai böa, deʼ mangale aha ngone inä toomu kamamoi dede Unanga, nënanga doka ngohi togahoko de magiria nginino:

O TESALONIKA MAHINOTOKA 3:1

Mabobaha, Roriadodoto nimä niata mangale ngomi. Nimä niata hupaya o abari ma Jouino yakunu igila-gila ikerewoto de majapati deʼ yatarima kai rorahai, ima tero hokä mahira idadioka nginioka.

O TESALONIKA MAHINOTOKA 3:13

Mä ngini uha nio gihounu nidiai o oa-oa.

O TIMOTIUS MADODIHIRAKA 5:21

Ma Jou Madutu, o Kristus Yesus manga himangoka, deʼ o malaekat-malaekat yairi-irikoka, ngohi togahoko de magiria laʼ ngona namoteke o hidumutu-o hidumutu nënanga koiwa ani takihiri o nagonaikaö, deʼ koiwa natingaka de nafara.

O TIMOTIUS MAHINOTOKA 4:1

O Kristus Yesus aha woboali o duniaino nënanga, mangale watailako o nyawa yowango-wango deʼ yohone-honenge; deʼ Unanga aha woböa mangale wopareta hokä o Koano. Hababu gënanga ngohi to gahoko kohagiria ngonaika ma Jou Madutu ai himangoka de o Kristus Yesus:

O IBRANI 11:6

De o ngongakua, kao nyawa moiö de yakunua ma Jou Madutu aihininga yadäene. Hababu o nyawa yoböboa-boa ma Jou Madutuika kokiani yongaku ma Jou Madutu naga, deʼ ma Jou Madutu wohi döaka mabalahi o nyawa iwilingi-lingirika.

O IBRANI 13:16

Uha niawöhanga nidiai o oa deʼ nimäkokiriwo, hababu nënanga doka o huhuba-huhuba ma Jou Madutu aihininga yadäe-däene.

O IBRANI 13:22

Ngohi togahoko hupaya ngini niatailako nihidodiai hagala ahi nasihati nënanga de niasabari, hababu ahihurata nënanga hoko kiaua magurutu.

O PETRUS MAHINOTOKA 3:18

Kokiani ngini idogo-dogo nia mäo o Yesus Kristus ai hayanga de Ai dora, nanga Jou deʼ nanga Koano Wonahiho halamati, deʼ kokiani ngini o idogo-dogo niwinako Unanga. Unanga iwi higiriri, öraha nanga deʼ hiädono kahi ado-adonika! Amin. Tongomi mia horomati, o Petrus

O YOHANIS MADODIHIRAKA 3:22

Deʼ okia ngone hogahoko Unangino, ngone hamäke, karana ngone hohingounu Ai pareta-paretaika deʼ hadiai okia Ai hininga yadäene.