O TESALONIKA MADODIHIRAKA 3:9 - MA JOU AI BUKU O ABARI MA OA

⁹ Hoko kia ma amoko o ma mäo to ngomi mia tarima kasi ma Jou Madutuika mangale o mörene mata-mata mia mäke-mäke ai himangoka karana ngini.

O TESALONIKA MADODIHIRAKA 3:9 Iomraidhean Croise

O SAMUEL MAHINOTOKA 6:21

O Daud wohaluhu, ”Ngohi toselo mangale tihoromati ma Jou, witö tila-tilaka ani Ama ikali ai tau manyawa, daha wohi öriki ngohi todadi o Israeloka Ai umati, manga tutuda. Hababu gënanga ngohi aha gila-gila toselo mangale tihoromati ma Jou.

O TAWARIKH MAHINOTOKA 31:8

Yamake o ngongike mangöe kokogënanga, ma Koano Hizkia de aipegawe-pegawe iwihimulia ma Jou de yahigiriri o Israeloka makawaha, Ai umati.

O NEHEMIA 9:5

O puji o wange gënanga yamulaenge hagala o Lewi manyawa neönanga nënanga: o Yesua, o Kadmiel, o Bani, o Hasabneya, o Serebya, o Hodia, o Sebanya de o Petahya. Onanga yotemo, ”Nimaoko de niwihigiriri ma Jou tongone nanga Jou Madutu Nihidöaka o higiriri Unangika kahi ado-adonika! Nihigiriri Ai romanga iomanga o mulia. Ai romanga ikuata, yatilakuru hagala o higiriri!”

O MAZMUR 116:12

Okia aha tihidöaka ma Jouika la tabalahi Ai oa mangale ngohi?

O MAZMUR 68:3

Ma Jou Madutu wäduhu önanga yoiki, hokä o nofo yawuwu deʼ imahihanga. Hokä o lilin iuihi o uku magoronaka, hoko gënanga o nyawa madorou yohihanga ma Jou Madutu Ai himangoka.

O KORINTUS MAHINOTOKA 2:14

Mä sukur ma Jou Madutuika! Unanga womituda ngomi hokogenangika mangale mianïki mihidagi mihigiloliti o Kristus aiutumu, karana ngomi miwango kamoi dede Unanga. Ma Jou Madutu womipäke ngomi la o abari mangale o Kristus yodogerewoto hokä o bounu ihëmo-hëmoro yaparono okiaika honanga.

O KORINTUS MAHINOTOKA 9:15

Kokiani ngone hosukur ma Jou Madutuika mangale aingongike kabiahaua gënanga!

O ULANGAN 12:18

Ngini deʼ nia ngoha-ngohaka kamamoi de nia gogilaongo deʼ o Lewi manyawa yogogere nia kotaka, kokiani ya ol̄omo o huhuba gënanga ma Jou nia Jou Madutu Ai himangoka, o ngï wairi-irikoka ma Jou nia Jou Madutu. Deʼ o ngïoka gënanga kokiani ngini nimorene karana hagala nia hidailako.

O ULANGAN 12:2

Niwohama o bereraika gënanga deʼ iböto kokiani ngini nia wedere o puji mangï ol̄oku ma gogurutil̄eoka, o doporono-o doporonoka deʼ o gota mahoka irubu-rubu matimiuku, o hoana deʼ o berera manyawa genangokadau yogö gogere mangï yahuba toönanga manga gikiri.

O ULANGAN 16:11

Ma Jou nia Jou Madutu Ai himangoka, o ngï Wairi-irikoka, kokiani ngini nimorene nimako moteke deʼ nia ngoha-ngohaka, nia gilaongo deʼ o Lewi manyawa, o nyawa o dagi-dagino, o ngohaka o gohihi deʼ o bobao naga yogö gogere nia bereraka.

O TESALONIKA MADODIHIRAKA 2:19

Igoungu kangini tongomi mia ngonganono deʼ mia mörene. Hababu nako dahaö ma Jou Yesus woböaoli, deʼ ngone hihimangika, done kangini aha nia dadi tongomi mia hininga iamoko!