O TESALONIKA MADODIHIRAKA 3:6 - MA JOU AI BUKU O ABARI MA OA

⁶ Oraha nanga o Timotius womakilioroka deʼ wohi ngahuoka ngomino o mörene ma abari mangale sarakia ngini niwi ngaku o Kristusika deʼ nimä kodora moi de moi. Unanga wohi ngahu ngomino ngini salalu de nia hohininga maoa-oa nia hiningaka mangale ngomi. Deʼ ngini nio nahihu homakamäke dede ngomi, imatero hokä ngomiö mio nahihu homakamäke dede ngini.

O TESALONIKA MADODIHIRAKA 3:6 Iomraidhean Croise

O AMSAL 25:25

Hodahongo o abari ma oa-oa o berera magögurutino hokä haokere o akere mamata maöraha nanga kiriti madüdudungoka.

O YESAYA 52:7

Hokokia masanangi himake ohuhuloko woboa; ünanga wodagi watilakuru il̄öl̄oku-l̄oku deʼ woao o abari maoa, olola maabari, o halamati maabari mangale o Sion; wato, ”Ani Jou Madutu o Koano!”

O KISAH RASUL-RASUL 16:1

O Paulus wohigila-gila aidodagi o Derbeika, ahao o Listraika. Genangoka naga wininïki o Yesus womatëngo airomanga o Timotius. Ngoi ayo o Yahudioka manyawa moi, mingakuoka o Yesusika; mä aiama o Yunanioka manyawa.

O KISAH RASUL-RASUL 18:1

Ipaha de gënanga o Paulus wamal̄a o Atena de woiki o Korintusika.

O KISAH RASUL-RASUL 18:5

O Silas deʼ o Timotius imahiadonoka o Makedonia de yaino, o Paulus wapäke ingodu-ngodumu aiöraha mangale wohiabari o abari ma Jou Madutuino, o Yahudi manyawaika o Yesus genangala o Koano Wohihohalamati ma Jou Madutu wohijäjajioka.

O KORINTUS MADODIHIRAKA 11:2

Ngohi tinihigiriri ngini, hababu ngini hokogenangika nihihininga ngohi deʼ niamoteke o dodötoko ngohi tinihidöaka nginika.

O KORINTUS MADODIHIRAKA 13:13

Hoʼ, mangale örahanënanga naga o hali hange ngone kiani tatapu hadiai: o ngongaku, o nganono deʼ homakodora. Duru mal̄okuoka o gahumu hange gënanga, ganga hadora o nyawa mahomoa.

O GALATIA 5:6

Hababu nako ngone horimoioka de o Kristus Yesus, o hali hamoteke ekola hamotekua o huna madatoro idadiokaua o lolehali. Kahohi amoko duga-duga hongaku o Kristusika, deʼ genanga inyata nanga dora magoronaka o nyawa mahomoaika.

O PILIPI 1:8

Ma Jou Madutu wohihi öriki i goungu ngohi duru tinï hininga de tinï nganono nginika de o mamäo o dora i bitu-bitumu o Kristus Yesusino mahirete.

O KOLOSE 4:18

Ahi tabea ngohioka, o Paulus. Ngohi mahirete totulihi o hidoku nënanga. Uha nia wohanga ngohi kanagahi o bui magoronaka! Tanu ma Jou winihi barakati ngini! Tongomi mia horomati, o Paulus

O TESALONIKA MADODIHIRAKA 2:17

Mä Roriadodoto, kade madero ngomi mima tingaka jai-jai dede ngini – homa kitingaka nanga lakooka ma nanga hiningaka kowali – ngomi kai dogo minï igo de minï nganono nginika deʼ mihidailako mia gou-goungu la homaka mäkeoli dede ngini!

O TESALONIKA MADODIHIRAKA 2:9

Marai ngini kanio hiningahi sarakia mia kaigoungu ngomi mihidailako de miparangi. O hutu de o wange ngomi mimanarama hupaya kao nyawa moiö de nia hidogoronaka ngomi minï diaiua o huha, maöraha ngomi mihi barihi o Abari ma Oa ma Jou Madutuino gënanga nginika.

O TESALONIKA MADODIHIRAKA 3:7

Mahababu gënanga, Roriadodoto, hagala tongomi mia huha de mia hangihara magoronaka, ngomi imï laru de o abari mangale ngini. Nia ngongaku o Kristusika ya amoko tongomi mia hininga,

O TESALONIKA MAHINOTOKA 1:3

Roriadodoto, ngomi salalu kokiani mitemo tarima kasi ma Jou Madutuika karana ngini. Deʼ itiai mapatutu ngomi midiai hoko gënanga, hababu ngini kai dogo-dogo niwingaku o Kristusika, deʼ ngini kai dogo-dogo nimä kodora moi de moi.

O TIMOTIUS MADODIHIRAKA 1:5

Tongohi ahi hitiari gënanga madungutu ganga, hupaya o nyawa yakunu yapäke o hininga idododono deʼ manga hininga magoronaka madebi-debini, de igou-goungu iwi ngaku ma Jouika, deʼ de hokogënanga önanga yakunu yahininga manga dodiawo o nyawa.

O TIMOTIUS MAHINOTOKA 1:3

Ngohi totemo tarima kasi ma Jou Madutuika ngohi tileleani de ahi hininga madobote itotararono de itebi-tebini, hokä mahira yadiai tongohi ahi ete de ahi tohora. Ngohi hoko genangika totemo tarima kasi ma Jou Madutuika, öraha mahigetongo tonihininga ngona ahi niata magoronaka, yaoao wange yaoaö o hutu.

O FILEMON 1:5

Hababu ngohi toihene i gou-goungu Riadodoto nïngaku ma Jou Yesusika de nahininga ma Jou Madutu ai umati mata-mata.

O IBRANI 13:3

Niahininga hagala o nyawa o bui magoronaka, hokä nginiö naga dede önanga o bui magoronaka. Deʼ hagala o nyawa yahidapara isabarangika, kokiani ngini nimahininga onangika hokä nginiö inihi dapara hokogënanga.

O IBRANI 13:7

Uhali niäwöhanga initötuda-tudaika ihingöngahu-ngahu ma Jou Madutu aibehehongo nginika. Niatailako sarakia önanga yowango deʼ sarakia önanga yohönenge, deʼ nimäduru toona manga ngongaku.

O YOHANIS MADODIHIRAKA 3:23

Unanga wonahipareta ngoneino enagënanga: Ngone kiani hingaku ai Ngohakika enagënanga o Yesus Kristus, deʼ ngone kiani homateke hininga, hokä o Kristus wonahiparetaka ngoneino.