O TESALONIKA MADODIHIRAKA 3:5 - MA JOU AI BUKU O ABARI MA OA

⁵ Mahababu gënanga ngohi tïhuloko o Timotius, karana ngohi töigo duru tohi öriki sarakia nia dodagi mahimangika mangale nia ngongaku magoronaka o Kristusika. Ngohi tohawatere o Ibilihi i hasili inï baja ngini hi ädono mata-mata tongomi mia kangela idadi kaparahaja.

O TESALONIKA MADODIHIRAKA 3:5 Iomraidhean Croise

O YESAYA 49:4

Mä Ngohi totemo, ”Ahihuha de ahikangela parahaja; todamata ahikuata de kaparahaja!” Mä ngohi tongaku ma Jou wodemo ahihaku, ma Jou Madutu wohibalahi ngohi imamoteke ahimanarama.

O DANIEL 6:19

De ipaha makoano wolio o kadatoika. Unanga woluku wol̄omo ekola iwil̄aru. Deo hutu moi yahaiwatiki gënanga ünanga wakunua womä idu.

O MATIUS 4:3

O Ibilihi yaino deʼ itemo, ”Koigoungua Ngona ma Jou Madutu Ai Ngohaka? Aa, nahuloko o helewo-helewo nënanga idadi o roti.”

O KISAH RASUL-RASUL 15:36

Itedekanua ipahaika o Paulus witemo o Barnabasika, ”Niaino ngone homaidulu hälega o roriadodoto yongaku-ngakuoka o Yesusika o kota mata-mataika kiaka ngone hohohi abarioka ma Jou aidemo; hupaya ngone hamäke sarakia toönanga manga hali.”

O KORINTUS MADODIHIRAKA 7:5

Hokä o hekata de o rokata moi de moi uha imaki tingaka ikurutika. Iti o öraha mahuhutulu kai yakunu, iti ahali yahohinoto yorimoioka. De hokogënanga moi-moi yakunu imaniata de koiwa madagahanga. Mä maduruino, kiani ngini nimaiduloli de nirimoiokali hokä o hekata de o rokata. Nako hokogenangua, ngini aha yakunu nianïki o womaha madorou mabobaja, karana ngini nikuatua nia tumungu nianahihu.

O KORINTUS MAHINOTOKA 2:11

Ngohi todiai gënanga hupaya o Ibilihi uha imal̄ë öraha mangale inakuaha ngone; hababu ngone hohiöriki toënanga madatoro.

O KORINTUS MAHINOTOKA 6:1

Karana ngomi mimanarama mimakao de ma Jou Madutu, de magiria ngomi migahoko uha ngini nihiparahaja ma Jou Madutu aihininga maoa gënanga.

O GALATIA 2:2

Ngohi toiki o Yerusalemika hababu ma Jou Madutu wohi nyataka ngohino, ngohi kokiani toiki. Deʼ moi o gamäke biahaua magoronaka de o tutuda-tutuda dokengoka, ngohi tohi ade-ade de tohitararono o Abari ma Oa ngohi tohi ngahu-ngahu hagala o Yahudi manyawa ikaua. Hababu ngohi toluku ahi hidailako mahira, kayaoa öraha nanga, duga-duga parahaja.

O GALATIA 4:11

Ngohi tömodongo, uha-uha la tongohi ahi kangela mangale ngini kaparahaja dika.

O EFESUS 4:14

Ma ngone hodadiokaua o ngoha-ngohakohi, kahopuda-puda deʼ ina ao yakaika yakaino mangale o dodötoko mabauhu irupa-rupa o nyawaino iwöe-wöe manga akali madorou. Onanga yahirehene o nyawa de manga akali madorou.

O PILIPI 2:19

Ngohi tongaku de ma Jou Yesus ai roriwo, de majapati ngohi yakunu tïhuloko o Timotius nginika, hupaya ngohi tamäke o lolaru de o abari mangale ngini.

O TESALONIKA MADODIHIRAKA 2:1

Roriadodoto! Ngini mahirete nihi öriki, ngomi minï ädono nginika parahajaua.

O TESALONIKA MADODIHIRAKA 3:6

Oraha nanga o Timotius womakilioroka deʼ wohi ngahuoka ngomino o mörene ma abari mangale sarakia ngini niwi ngaku o Kristusika deʼ nimä kodora moi de moi. Unanga wohi ngahu ngomino ngini salalu de nia hohininga maoa-oa nia hiningaka mangale ngomi. Deʼ ngini nio nahihu homakamäke dede ngomi, imatero hokä ngomiö mio nahihu homakamäke dede ngini.