O TESALONIKA MADODIHIRAKA 3:3 - MA JOU AI BUKU O ABARI MA OA

³ De hoko gënanga kamoiö de moiua nginino nima dohuku karana nanga huha de nanga hangihara nënanga. Ngini mahirete nihi öriki o huha de o hangihara gënanga iwohama ma Jou Madutu ai datoro magoronaka mangale ngone.

O TESALONIKA MADODIHIRAKA 3:3 Iomraidhean Croise

O AYUB 23:14

Unanga aha wohidagi Ai datoro mangale ngohi, deʼ mangöeohi Ai datoro mahomoa de gënanga.

O MAZMUR 112:6

O nyawa maoa aha wohasili, ünanga aha iwi hohininga kahiado-adonika.

O LUKAS 21:12

Mä mata-mata gënanga idadiowahi, ngini aha inïtagoko deʼ inïaniaya. Ngini aha yatailako niahowono o pupuji matauoka deʼ inihingohama o buiika. Deʼ ngini aha inï tatauru inïao o kokoano deʼ yokokuaha manga himangoka karana ngini nihinöninïki.

O YOHANIS 16:2

Ngini aha inihihupu o puji matau-tauoka. Deʼ aha iböa maöraha o nyawa initoma ngini, önanga aha yatobote gënanga o leleani moi ma Jou Madutuika.

O YOHANIS 16:33

Mata-mata nënanga Ngohi tahetongoka hupaya ngini niamäke o dame hababu ngini kamoi dede Ngohi. O duniaka ngini aha nihangihara. Mä nihibitumu niahininga! Ngohi tautumoka o dunia!”

O KISAH RASUL-RASUL 14:22

De o kota-kota gënanga önanga yahikuata manga hininga iwinöninïki o Yesus, deʼ yahibobehehongo yononinïkika gënanga hupaya yotatapu iwingaku o Yesusika. ”Ngone kiani iwöe hatagongo o hangihara ihira, dahao ngone hakunu hamäo o utumu ma Jou Madutu ai Dunia ma Hungioka,” hokogënanga o rasul-rasul yadotoko o Yesus iwininïkika o kota-kotaka gënanga.

O KISAH RASUL-RASUL 2:25

Mangale o Yesus nënanga o Daud wotemoka, ’Ngohi timäke ma Jou hokogenangika ahihimangoka; Unanga wohidatekuku ngohi, hupaya de okia dika ngohi togiwiua.

O KISAH RASUL-RASUL 21:11

Unanga woböa ngomino daha wal̄ë o Paulus aigorona maninikutu. De o gorona maninikutu gënanga ünanga womahinikutu ail̄ou deʼ aigiama mahirete daha wotemo, ”Nënanga ma Jou Madutu ai Womaha itemoka: O gorona maninikutu nënanga madutu aha iwinikutu hoko nënanga o Yerusalemoka o Yahudioka manyawa, deʼ iwi hilapahi o Yahudi manyawa okaikaua.”

O KISAH RASUL-RASUL 21:13

Mä unanga wohaluhu, ”Okia mabaraguna o Riadodoto niari hokonënanga, hiädono niadiai ngohi ahihininga iwedere? Ngohi tomabötoka duga-duga mangale kaihitagokua dokengoka, mä mangale ngaroka tohonenge dika karana ma Jou Yesus.”

O KISAH RASUL-RASUL 9:16

Deʼ Ngohi mahirete aha tohimatoko unangika mata-mata o hangihara, kiani ünanga watagongo karana Ngohi.”

O ROMA 5:3

Deʼ iholoi de gënanga, ngone mahomagarago o huha magoronaka, hababu hohiöriki o huha yadiai o nyawa manga hininga ikuata,

O KORINTUS MADODIHIRAKA 15:58

Hababu gënanga, o Roriadodoto tinihohininga, kiani ngini nikuata deʼ nibitumu. Nimanarama hoko genangika mangale ma Jou de nia gou-goungu, hababu ngini nihi öriki mata-mata ngini nia momanaramoka mangale ma Jou, aha kaparahajaua.

O KORINTUS MADODIHIRAKA 4:9

Karana imoteke ahi damäke, ngomi o rasul-rasul, ma Jou Madutu womihi dadioka hokä yawuni-wuningi o nyawa manga himangoka deʼ o malaekat-malaekat. Ngomi hokä o nyawa mibaragunaua imi gelenga o hukumanga imihohonenge o nyawa yowöe-wöe manga himangoka, deʼ imihi uli-ulili o dunia.

O EFESUS 3:13

Hababu gënanga, tongohi ahi gogahoko enagënanga: uha nihawatere mangale okia ngohi taohana o hangihara karana ngini, hababu mata-mata gënanga ganga mangale nia oa.

O PILIPI 1:28

Kokiani ngini salalu nibarani; uha niä modongo nia haturü-haturüika. De hoko gënanga ngini nihidumutu maraioka önanga aha yohihanga, deʼ ngini aha niutumu, karana ma Jou Madutu mahirete winihi döaka o utumu nginika.

O KOLOSE 1:23

Mä marai ngini kiani tatapu nisetia ningaku deʼ nima oko nibitumu nia ngongakuoka. Uha hiädono ngini nia pidili nia nganono ini hi döa-döakoka nginika maöraha ngini nia tarima o Abari ma Oa ma Jou Madutuino. O abari gënanga ihi ngahuoka o nyawa moi-moika o dunia ingodumu. Deʼ mangale genangö ngohi, o Paulus todadioka yoleleani.

O TESALONIKA MADODIHIRAKA 5:9

Ma Jou Madutu wonä iriki ngone koigoungua la inä hukumu, mä mangale ina hihalamati de madodagi tongone nanga Jou Yesus Kristus.

O TESALONIKA MAHINOTOKA 1:4

Mahababu gënanga yadodoa ho ngomi mitemo-temo mangale ngini mihi gëto-gëtongo ngomi miä ädono ma Jou Madutu ai jemaat-jemaat. De mia hininga iamoko ngomi mihi ade-ade sarakia ngini itatapu ibitumu nia ngongaku o Kristusika o aniaya magoronaka deʼ o huha de o hangihara ngini nia oha-ohana.

O TIMOTIUS MAHINOTOKA 1:8

Hababu gënanga uha inimal̄eke nohidöaka o hakihi mangale tongone nanga Jou, deʼ uhaö ini mal̄eke imakorona ngohi, ihi buika karana Unanga. Ilio yaino, kiani ngona de ma Jou Madutuino ai kuata, no moteke nohangihara mangale o Abari ma Oa gënanga.

O PETRUS MADODIHIRAKA 2:21

Mangale gënanga ma Jou Madutu winï ahoko. Hababu o Kristus mahirete watagongoka o huha de o hangihara mangale ngini, deʼ de gënanga Unanga winihidöaka nginika moi o dulada, hupaya ngini nia nïki ai l̄ou ma aguru mario.

O HIMATOKO 2:10

Uha nihawana aha niatagongo o hangihara, koitedekanokauaoli ngini kiani niamäo. Niohininga, o Ibilihi aha wahingohama o hidoku moi nginioka o bui magoronaika mangale initaili ngini. Ngini aha niatagongo o hangihara o wange ngimoino madekana. Kokiani ngini nisetia Ngohino hiädono nihonenge, ngohi aha tinihidöaka nginika o ngango madutu deʼ ikakali hokänia utumu mangongike.

O HIMATOKO 2:13

Ngohi tohiöriki kiaka ngini nigogere, enagënanga o ngï o Ibilihi imä kokadatoka. Ngini nisetia Ngohino. Idogoli maöraha o Antipas, Ahi hakihi wososetia gënanga, iwitoma niahimangoka o Ibilihi mangïoka, mangini nimahi pongonua, ngini nihingaku Ngohino.