O TESALONIKA MADODIHIRAKA 3:13 - MA JOU AI BUKU O ABARI MA OA

¹³ De hoko gënanga ma Jou aha wohikuata nia hininga, hiädono ngini nitebini deʼ koiwa nia howono ma Jou Madutu tongone nanga Ama ai himangoka maorahoka tongone nanga Jou Yesus woböa imakomoteke de o nyawa mata-mata yodä dadi touna Ai nyawa.

O TESALONIKA MADODIHIRAKA 3:13 Iomraidhean Croise

O ZAKHARIA 14:5

Ngini aha nioara nia nonu o wai ya rö regu-regu o doporono gënanga idadi hinoto. Ngini aha nioara hokä nia ete deʼ nia tohora maöraha idadi o ohu maöraha aipareta o Uzia, o Yehuda manga koano. Daha woboa o Jou ahi Jou Madutu, iwi nïkino mata-mata o malaikati.

O MATIUS 25:31

”Oraha okia o Nyawa manga Ngohaka woböa hokä o koano iwitomoteke mata-mata Ai malaekat, Unanga aha wogogeruku Ai kuruhi imomulia mal̄okuoka.

O MARKUS 8:38

Nako womatëngo iwimal̄eke ihihigoungu Ngohi deʼ Ahi dodötoko de o dorou maorahoka nënanga, o Nyawa manga Ngohakö aha iwimal̄eke wahigoungu o nyawa gënanga, maorahoka Unanga ahao woböa de ai Ama Ai kuaha, imakinïki de o malaekat-malaekat yotebi-tebini.”

O LUKAS 1:6

O giahekata gënanga manga wowango ma Jou Madutu aihininga yasanangi. Yahinotö yamoteke mata-mata ma Jou aipareta deʼ Aitita yangodumu.

O ROMA 14:4

O nagona ngona Riadodoto hiädono Riadodoto kokiani nahidero o adili o nyawa mahomoa manga gilaongo? Mudukua o gilaongo worubaiha ekola womaokoino ganga genangö aituanga aihidailako. Dë maraioka o gilaongo gënanga aha woma oko itotiail̄e karana ma Jou wakunu wadiai womaoko itotiail̄e.

O ROMA 16:25

Ma Jou Madutu iwihigogiriri! Unanga wokuaha wohikuata Riadodoto niangongaku imamoteke de o Abari ma Oa ma Jou Madutuino ngohi tohingahu-ngahu mangale o Yesus Kristus. Ngohi tohingahu o abari gënanga imamoteke de okia ma Jou Madutu wohinyata; enagënanga mangale ma Jou Madutu aidatoro wohidailako madëkana o taongo de maratu-ratuhu o nyawa ihiorikua.

O KORINTUS MADODIHIRAKA 15:23

Mä moi-moi aha yahiwango imoteke o hidoku: madodihiraka o Kristus; damä maduruino maöraha Unanga woböali, yanïki o hidoku o nyawa iwohama toma Kristus ainyawa madutu.

O GALATIA 1:4

Wamoteke de wadiai ma Jou Madutu tongone nanga Ama ai mau, o Kristus wohi döaka Ai diri idadi o huhuba mangale hagala tongone nanga baradoha, hupaya ngone inahi halamati o öraha i totorouino nënanga.

O EFESUS 5:27

De hoko gënanga o Kristus wadiai o jemaat gënanga ima oko de mamulia deʼ itebini Ai himangoka, koiwa naga mabodito ekola yätorou okiaö.

O ULANGAN 33:2

”Ma Jou woböa o Sinai mal̄oku deʼ waino; Unanga woböa o Edom mal̄okuino hokä o wange malako deʼ o Param mal̄okuoka deʼ Wä tararono Ai umati. Unanga iwi moteke o malaekat yaribuhu ngimoi; o uku itoka-tokara Ai nirakoka.

O PILIPI 1:10

De hoko gënanga ngini nihi öriki nimä ngiriki okia duru maoa-oa, deʼ nia wowango aha i tebini de o howono, ekola o galaki okia dika ma wange o Kristus woböali.

O KOLOSE 1:22

Mä oraha nënanga, de ai Ngohaka ai honenge, ma Jou Madutu wodiai o dodohanga ngini dede Unanga idadi yaoa okali. De madodagi gënanga yakunu ngini ini ao niwi himanga ma Jou Madutu ai debi-debini magoronaka, itebini de koiwa makuranga.

O TESALONIKA MADODIHIRAKA 2:19

Igoungu kangini tongomi mia ngonganono deʼ mia mörene. Hababu nako dahaö ma Jou Yesus woböaoli, deʼ ngone hihimangika, done kangini aha nia dadi tongomi mia hininga iamoko!

O TESALONIKA MADODIHIRAKA 3:11

Tanu ma Jou Madutu tongone nanga Ama mahirete, de tongone nanga Jou Yesus wohidiai o ngëkomo mangale ngomi la homakamäke dede ngini!

O TESALONIKA MADODIHIRAKA 3:2

mihi jai-jai ngomi miwi huloko nanga riadodoto o Timotius. Unanga o nyawa moi wilö leleani ma Jou Madutu womanarama mima kokomoteke dede ngomi mangale mihi ngahu o Abari ma Oa mangale o Kristus. Ngomi miwi huloko o Timotius nginika hupaya ünanga winihi kuata ngini de winihi titila ngini la iholoi niwi ngaku o Kristusika.

O TESALONIKA MADODIHIRAKA 4:15

Yakorona o hali gënanga, nënanga doka ma Jou ai dodötoko ngomi mimau minihi ngahu nginika: Ma Jou Yesus woböa maorahoka, ngone kaho wango-wangohi aha hohihiraua de o nyawa yohone-honengoka ihira.

O TESALONIKA MADODIHIRAKA 4:17

Iböto de gënanga, ngone kaho wango-wangohi o öraha gënanga aha kama moi inä göraka dede önanga o lobi-lobi ma goronaika la homakamäke de ma Jou o gitawaoka. Daha ngone aha hogogere de ma Jou kahi ado-adonika.

O TESALONIKA MADODIHIRAKA 5:23

Tanu ma Jou Madutu mahirete wonahi döa-döaka o lolä, winihi dadi ngini o nyawa yagou-goungu niwango nihi tingaka mangale ma Jou Madutu. Tanu ma Jou Madutu wögöana nia diri ingodumu, kayaoa nia womaha, nia jiwa kayaoa nia röehe, hi ädono koiwa naga itotomua maorahoka nanga Jou Yesus Kristus woböali.

O TESALONIKA MAHINOTOKA 1:10

mata-mata gënanga aha idadi ma wange Unanga ai böa oka la Ai umati iwi himulia deʼ mangale iwi horomati hagala o nyawa iwi ngaku-ngaku. Nginiö ma aha naga ma Jou Madutu ai umati manga hi dogoronaka gënanga, hababu ngini ningakuoka o abari minihi ngahu-ngahuoka nginika.

O TESALONIKA MAHINOTOKA 1:7

Deʼ nginika o öraha nënanga nia tago-tagongo o huha de o hangihara – hoko genangoli ngomino – ma Jou Madutu aha wonahidöaka o hininga masanangi ma Jou Yesus ai wangeoka wouti o horogaka de wauku deʼ womahimatoko Ai diri de to Una Ai mömalaekat yonö nau-nauru

O TESALONIKA MAHINOTOKA 2:1

Mangale nanga Jou Yesus Kristus ai böa, deʼ mangale aha ngone inä toomu kamamoi dede Unanga, nënanga doka ngohi togahoko de magiria nginino:

O YAKOBUS 5:8

Kiani nginiö nisabari deʼ nia hininga ilamoko, hababu ma Jou ai wange woböa itigioka.

O PETRUS MADODIHIRAKA 5:10

Mä de iböto nia mäo o huha de o hangihara ihi jai-jai, ma Jou Madutu mahirete aha winïdiai ngini idadi nitotomo. Unanga aha winihigoko deʼ winihikuata ngini de inoli winïbitumu ngini. Hababu Unanga ganga ma Jou Madutu duruhë Ai hininga yaoa, winï ahokoka la nia mäo Ai mulia ikokakali madodagi de o Kristus.

O YUDAS 1:14

O Henokh, o Adam ai difauku matumiduku, mahira wohidodemoka mangale hagala o nyawa gënanga. O Henokh wato, ”Niolega, ma Jou aha woböa de Ai malaekat yotebi-tebini manga ribu-ribuhu,

O YUDAS 1:24

Ma Jou Madutu, wakunu winï göana hupaya ngini inï otakua, de wakunu winïao Ai himanga imomuliaika de nia mörene deʼ koiwa nia kuranga,