O TESALONIKA MADODIHIRAKA 2:9 - MA JOU AI BUKU O ABARI MA OA

⁹ Marai ngini kanio hiningahi sarakia mia kaigoungu ngomi mihidailako de miparangi. O hutu de o wange ngomi mimanarama hupaya kao nyawa moiö de nia hidogoronaka ngomi minï diaiua o huha, maöraha ngomi mihi barihi o Abari ma Oa ma Jou Madutuino gënanga nginika.

O TESALONIKA MADODIHIRAKA 2:9 Iomraidhean Croise

O KOKOANO MAHINOTOKA 6:2

Nomi higumal̄a ngomi miöiki mitol̄anga o gota o Yordan ma Ngäiri madatekoka, de mihi goko tongone nanga ngï hogogere dokengoka.” ”Kayaoa,” o Elisa wohaluhu.

O NEHEMIA 5:15

Hagala o gubernur kowahi de ngohi, idadioka manga momoku mangale o kawaha hababu önanga yadotagahoko o wange moi o tiwi o haaka moruata mangale manga inomo de o angguru. Koaholi, toönanga manga pegawe-pegawe o yätuku o kawaha. Mä ngohi toluku todiai hoko gënanga karana ngohi timodongo ma Jou Madutuika.

O NEHEMIA 5:18

O wange higetongo tasadia mangale ahi biaya mahirete o hapi o dutu moi, o duba dutu butanga maboburere de o kuru-kuru kohangöe. Madatekoka gënanga, o wange ngimoi magetongo tangodumu tasadia ahi angguru. Ngaro hoko gënanga ngohi toluku todotagahoko o gubernur mapangkati magaji madogo, karana ngohi tohi öriki o kawaha manga momoku yaoaka madubuho.

O MAZMUR 32:4

O hutu de o wange Ngona nohi tuku, Jou, ahi kuata imata hokä o wange mahauku yadudungu.

O MAZMUR 88:1

O nyanyi. O Korah ai ahaluku manga Mazmur. Mangale yonyä nyanyi manga tutuda. Imoteke: o Mahalat Leanot malugo. O Heman o Ezrahi manyawa ai dodotoko, manyanyi.

O AMSAL 31:18

Münanga mohioriki hagala moi-moi madodiai, imihi utumu; münanga mokarajanga hiädono hutu madekanuku.

O YEREMIA 9:1

Duruhe yaoa nako ahi haeke hokä o humu ma akere ioma-omanga, deʼ ahi lako hokä o heheli ma akere ihähahuru! Done ngohi yakunu toari o hutu deʼ o wange, tadodora mima kohoana deo berera moi manga haturu yätoma-toma.

O LUKAS 18:7

Aa, boteka ma Jou Madutu aha kowäriwoua Ai umati mahirete manga parakara kiaka yopöa-pöaka Unangika o hutu deʼ o wange? Boteka Unanga aha maöraha wadohu-dohuku mangale wäriwo önanga?

O LUKAS 2:37

o ngo Hana mofäo, deʼ oraha gënanga amiumuru o taongo mori tufange de iata. Komaiwa münanga matingaka ma Jou ai Tau. O hutu deʼ o wange münanga moleleani genangoka ma Jou Madutuika, de momäniata deʼ mopuaha.

O KISAH RASUL-RASUL 18:3

daha wogogere genangoka dede önanga deʼ womanarama dede önanga, karana manga lolingiri matiti önanga imadäene de o Paulus ailolingiri matiti, enagënanga yododiai o tau-tau.

O KISAH RASUL-RASUL 20:24

Mä ngohi tohaduliua de ahingango ngohi nënanga, itingohi takunu taböto o manarama ma Jou Yesus wohihi ngongakuoka ngohino deʼ itingohi tosetia hiädono ngohi ahingango mabaha, mangale tohingahu o Abari ma Oa gënanga mangale ma Jou Madutu aidora.

O KISAH RASUL-RASUL 20:31

Hababu gënanga nima göa-göana! Nio hininga o taongo hange madekana de ahiköngo itiha kohangöe, o hutu de o wange toma togu-togumua tinidotoko o nyawa moi-o nyawa moi nginino.

O ROMA 1:1

Roriadodoto mata-mata o Roma mabereraka winïdora-dora ma Jou Madutu deʼ winïahokoka ma Jou Madutu lanidadi Ai umati. Ma Jou Madutu wohi irikoka deʼ wohigorakoka duga-duga katohingahu o Abari ma Oa ma Jou Madutuino.

O ROMA 15:16

Unanga wohigorakoka ngohi tilöleleani o Kristus Yesus la ihihuloko o hoana de o berera manyawaika o Yahudiokaua. Dë ngohi tomadiai hokä ma imam, tohiabari o Abari ma Oa ma Jou Madutuino, hupaya o nyawa o Yahudiokaua yodadi o huhuba moi ma Jou Madutuika de yakunu Unanga wätarima. Tanu ma Jou Madutu ai Womaha wädiai önanga imadadi o huhuba moi yatinga-tingakoka mangale ma Jou Madutu.

O ROMA 15:19

ihikinïki de o nonako ihëra-hëranga deʼ o hali-o hali biaha-biahaua; mata-mata gënanga mangale ma Jou Madutu ai Womaha makuaha. O Abari ma Oa mangale o Kristus ngohi tohingahuoka o nyawaika mata-mata, muläenge o Yerusalem mabereraka hiädono o Ilirikumika.

O KORINTUS MADODIHIRAKA 4:12

ngomi mia kobongo idofaeoka, mangale mihi lingiri miawowango o wangeil̄e. Maöraha okia ngomi imihilai, ngomi miabalahi de o barakati; nako ngomi imianiaya, ngomi misabari;

O KORINTUS MADODIHIRAKA 9:15

Mä o haku-haku gënanga kamoiö de komaiwahi ngohi tapäke. Deʼ ngohi totulihi o hurata nënanga ahidungutuaö hupaya o hali-hali gënanga niadiai o öraha nënanga ngohino. Nako ihihanga o hali kiaka ngohi tohiamo-amoko iholoi yaoa ngohi tohonenge.

O KORINTUS MADODIHIRAKA 9:18

Nako hokogënanga, tongohi ahihewa okia? Nënanga mahewa: ngohi yakunu tohingahu o Abari ma Oa gënanga tahitubuhoua o nyawa moiö mangale ihihibalajanga ngohi, karana ngohi todotagahokua ahihaku-haku hokä tohi ngahu-ngahu o Abari ma Oa gënanga.

O KORINTUS MADODIHIRAKA 9:4

Bote ngohi ahihakuua tatarima o ngol̄omo deʼ o ngokere karana tongohi ahimanarama?

O KORINTUS MAHINOTOKA 11:27

Ngohi ahi kobongo idofaeoka deʼ tomanarama yatokä tohonenge; mamoi-mamoi tomaiduua, tol̄omua, tokerua, hara mangöe tobitikangil̄e o hahini magoronaka, o dumamäta karana iwöeua ahi pakeanga, de koiwa o ngï ahi gogere.

O KORINTUS MAHINOTOKA 11:9

Nako öraha gënanga ngohi ahikia-kiaua, ngohi komaiwahi kä o nyawa moiö de tinïdiai o huha. Mata-mata ngohi topöparalu yangodumoka o roriadodoto yoböa-böa o Makedoniaino. Ngohi tomagöana tohidodiai hupaya ngohi tinihihuhaua ngini o hali okia dika magoronaka, deʼ ngohi aha gila-gila togöana hupaya gënanga itatapu hokogënanga.

O KORINTUS MAHINOTOKA 6:5

ngomi imihangihara, imibuika, deʼ imiguruhe; ngomi mimanarama miagoungu, mamoi-mamoi mimäidua de mamoi-mamoiö koiwa miainomo.

O PILIPI 4:16

Maöraha ngohi o Tesalonika mabereraka deʼ töparalu o bobatumu, i holoi de mamoi ngini nihidingoto o babatumu ngohino.

O TESALONIKA MADODIHIRAKA 2:2

Ngini nihi öriki i hira de ngomi miböa nginika o Tesalonika mabereraka, ngomi imï aniaya de imï hoheduoka o Pilipi mabereraka. Mä ngarokö o nyawa manga ngöe imï lawani ngomi, tongone nanga Jou Madutu womihi döakoka o barani la mihi ngahu o Abari ma Oa nginika ma ahali Unangino.

O TESALONIKA MADODIHIRAKA 2:6

Ngomiö mihi dailakoua la mia mäke o higiriri o nyawaino – kayaoa nginino kayaoa o nyawa mahomoaino. Imoteke madiai hokä o Kristus ai rasul, ngomi yakunu dika migahoko okianaga nginino.

O TESALONIKA MADODIHIRAKA 3:10

O hutu de o wange ngomi migahoko Unangika de mia hininga magahumu, hupaya ngomi miakunu homakamäke dede ngini mahirete la mia ngodumu okia ngini nipö paralu, mangale nia ngongaku o Kristusika hokä sarakia kokiani.

O TIMOTIUS MADODIHIRAKA 1:11

O dodötoko gënanga hamäke o Abari ma Oa magoronaka de ihi ngakuoka ngohino laʼ tohibarihi, enagënanga o Abari ma Oa ma Jou Madutuino womomulia deʼ kiani hihigiriri.

O TIMOTIUS MADODIHIRAKA 4:10

Hababu gënanga ngone hoparangi de homanarama hohauku, hababu ngone honganono itötotomo ma Jou Madutuika wowö wango-wangoika; Unanga Wohihö hohalamati o nyawa mata-mata, duru mal̄okuoka o nyawa yongöngaku-ngaku.

O TIMOTIUS MADODIHIRAKA 5:5

O bobao igou-goungu o diri momatëngoka, de moiua münanga yakunu imipaliara, duga-duga mïnganono ma Jou Madutuika. O hutu de o wange münanga momatogu-togumua moma niata ma Jou Madutuika mangale mogahoko Ai roriwo.

O TIMOTIUS MAHINOTOKA 1:3

Ngohi totemo tarima kasi ma Jou Madutuika ngohi tileleani de ahi hininga madobote itotararono de itebi-tebini, hokä mahira yadiai tongohi ahi ete de ahi tohora. Ngohi hoko genangika totemo tarima kasi ma Jou Madutuika, öraha mahigetongo tonihininga ngona ahi niata magoronaka, yaoao wange yaoaö o hutu.