O TESALONIKA MADODIHIRAKA 2:8 - MA JOU AI BUKU O ABARI MA OA

⁸ Karana tongomi mia dora de mia hayanga, ngomi mimasadia minihi döaka nginika koigoungua ka o Abari ma Oa dika ma Jou Madutuino gënanga mä tongomi mia ngangö. Hababu ngomi duru minï dora ngini!

O TESALONIKA MADODIHIRAKA 2:8 Iomraidhean Croise

O LUKAS 7:2

Gangoka naga o Roma manyawa manga kapita aigilaongo duru wïdora-dora. O gilaongo gënanga wopanyake deʼ ngade wohonenge.

O ROMA 1:1

Roriadodoto mata-mata o Roma mabereraka winïdora-dora ma Jou Madutu deʼ winïahokoka ma Jou Madutu lanidadi Ai umati. Ma Jou Madutu wohi irikoka deʼ wohigorakoka duga-duga katohingahu o Abari ma Oa ma Jou Madutuino.

O ROMA 10:1

Roriadodoto! Ngohi duru tönahihu de tönganono ahihoana de ahiberera manyawa yahihalamati. Deʼ ngohi tagou-goungu tomäniata ma Jou Madutuika mangale önanga.

O ROMA 15:29

Nako ngohi toböa nginika, marai ngohi toböa de o barakati mangöe o Kristusino mangale ngini.

O KORINTUS MAHINOTOKA 12:15

Karana gënanga, de ahihininga i sosanangi ngohi toigo tohi huba okia dika mangale ngini de ahidiri mahireteö. Nako hokogënanga ngohi tinihininga ngini, boteka ipatutu ngini ikuranga nihihininga ngohi?

O KORINTUS MAHINOTOKA 6:1

Karana ngomi mimanarama mimakao de ma Jou Madutu, de magiria ngomi migahoko uha ngini nihiparahaja ma Jou Madutu aihininga maoa gënanga.

O GALATIA 4:19

Ahi ngoha-ngohaka tini haya-hayangi! Ngohi o öraha nënanga tatagongoli o hangihara karana ngini. Ngohi tatagongo o hangihara hokä ayo momatëngo matagongo o hangihara maöraha ami ngohaka imakil̄au. Ngohi aha igila-gila tatagongo o hangihara, nako o Kristus ai wowango mabiaha idatomowahi nia diri oka!

O PILIPI 1:8

Ma Jou Madutu wohihi öriki i goungu ngohi duru tinï hininga de tinï nganono nginika de o mamäo o dora i bitu-bitumu o Kristus Yesusino mahirete.

O PILIPI 2:17

Yakunu idadi ngohi aha ihi toma deʼ ahi awunu imadadi hokä o huhuba yakokopoa okia ngini nihi huba-huba ma Jou Madutuika toënanga mal̄okuoka hokä o nonako ngini niwi ngaku Unangika. Nako igoungu gënanga kokiani hoko gënanga, ngohi tosukur de o hali gënanga deʼ tomörene dede ngini.

O PILIPI 2:20

Duga-duga o Timotius woma tëngo-tëngo o nyawa mima jiwa moi dede ngohi, deʼ igou-goungu wödibanga tingini nia utumu.

O PILIPI 4:1

Gënanga mahababu, ahi Roriadodoto tinï hohininga, kokiani hoko gënanga ngini niwango nia gou-goungu niwi ngaku ma Jouika. Tongohi ahi hininga tinï hohininga de tinï ngano-nganono nginika! Ngini hö ahihininga tohi lamo-amoko de yadiai ngohi tomörene.

O KOLOSE 1:28

O Kristus genangala ngomi mihingahu o nyawa moi-moika. Ngomi mihi döaka o hohininga deʼ miä dotoko önanga mata-mata de hagala o barija. Tongomi mia dungutu enaganga hupaya o nyawa moi-moi yakunu yäao ma Jou Madutuika, hokä o nyawa yobaluhoka o rohani mahali magoronaka, karana yorimoioka deo Kristus.

O KOLOSE 1:7

O hali gënanga wohi adonoka Riadodotika o Epafras, mia dodiawo ngomi miwi höhininga. Unanga ganga o Kristus wimo mänarama wosetia womanarama mangale tongone nanga oa.

O KOLOSE 4:12

Ai tabea o Epafrasoka. Unangö nginino. Unanga o Kristus Yesus ai gilaongo, hoko genangika woma niati wagou-goungu mangale ngini. Unanga duru wogahoko ma Jou Madutuika la ngini nia ngongaku idadi ikuata deʼ ngini i gou-goungu nibaluhu, hupaya ngini de madiai nihi ngounu ma Jou Madutu ai mauika.

O FILEMON 1:1

Riadodoto Filemon, mia dodiawo deʼ ngomi homateke manarama moi! Ngohi o Paulus, o bui manyawa moi karana o Kristus Yesus, mimanïki de o Timotius tongone nanga riadodoto, totulihi o hurata nënanga ngonaika

O IBRANI 13:17

Niamoteke niatutuda-tutuda mangapareta, deʼ nimaponu onangika. Hababu önanga salalu ihidailako niajiwa, deʼ onanga kokiani imahitagongo yohaluhu ma Jou Madutuika. Nako ngini niahingounu onangika, önanga yakunu yomanarama de manga hininga isanangi; nako kowali, done önanga aha yomanarama de manga hininga mahuha, deʼ genanga koiwa mautumu nginika.

O YOHANIS MADODIHIRAKA 3:16

De mangëkomo nenangala ngone hohiöriki madodagi hahininga nanga dodiawo o nyawa: O Kristus womahilapahioka Ai ngango mangale ngone. Hababu gënanga, ngoneö kiani hohilapahi nanga ngango mangale tongone nanga roriadodoto!