O TESALONIKA MADODIHIRAKA 2:5 - MA JOU AI BUKU O ABARI MA OA

⁵ Ngini mahirete nihi öriki komaiwa ngomi mia uru dema mutiti ekola nia lako mia tamunu la mia gogono o kal̄il̄u madungutu. Ma Jou Madutu wohakihi!

O TESALONIKA MADODIHIRAKA 2:5 Iomraidhean Croise

O AYUB 16:19

Ngohi tohiöriki wohidö demo-demo naga o horogaka; Unanga wohidöaka o hakihi ngohi tobaradohaua.

O AYUB 17:5

Imamoteke o hohiade, o nagona yakalaki manga dodiawo mangale manga utumu, aingoha-ngohaka mahirete aha yatarima mabalahi.

O AMSAL 20:19

O nyawa yosanangi yahiade-ade o nyawa mahomoa, yakunua yagogono o rahasia; uha nimateke dodiawo deo nyawa yotö temo-temo iwöeholi.

O AMSAL 26:28

Häeluku o nyawa kaimatero dika dehädohata. O uru mamutiti yädotagao o bodito.

O AMSAL 28:23

O nyawa wohidoa-doaka o hidaaere mabaha iholoi iwihoromati ngaro de o nyawa wöigo wahigogiriri.

O YESAYA 30:10

Onanga yätemo o nabi-nabika, ”Niauru niatamunu! Uha nimitemo ngomino okia madiai, mä okia miononahihu ngomi mi ihene. Mal̄aikala ngomi kahirahi miahayali.

O YESAYA 56:11

Onanga hokä o kaho ikokal̄il̄u komaiwa yapunuhu. Hagala otutuda gënanga yakunua imangarati. Moi-moi yodiai manga hininga mahuka de yolingiri manga utumu mahirete.

O YEREMIA 6:13

Onanga mata-mata, yolago-agomo deyo alu-aluhu yolingiri o utumu mangekomo itiaiua. Maboboloi ma nabi deʼ ma imam ma yätipu o nyawa.

O YEREMIA 8:10

Karana gënanga Ngohi aha tohidöaka toönanga manga dumule o tonaka madutu mahomoaika deʼ toönanga manga hekata o nyawa mahomoaika. Onanga mata-mata, yolago-agomo de yoalu-aluhu, imä lingiri o utumu deo ngekomo iriko-rikotua. Maboboloi o nabi deʼ o imam mayä tipu o nyawa.

O MIKHA 3:5

Ahi höana de ahi berera ya tipu, mangale o nabi-nabi ihi dodemo ma oa-oa o nyawa yahi doa-doakika o tiwi, mayä haturu deʼ yahaduliikaua o nyawa ihi döa-döaka. Hagala o nabiika hoko gënanga, ma Jou wotemo,

O MALEAKHI 1:10

Ma Jou Duru woko Kuaha wotemo, ”Iholoi yaoa Ahi Tau mangorana ibeno, hababu kaparahaja ngini nia tokara o uku Ahi huhuba mangï mal̄okuoka. Ngohi tinï igoua nginiika, deʼ toluku Ta tarima nia huhuba.

O MATIUS 22:16

Ho önanga yähuloko yanöninïki, yoiki o Yesusika, imatekerimoi de yamuruono naga o Herodes, ai doomuoka. Onanga gënanga yaika, de iwitemo o Yesusika, ”Bapa Guru, ngomi mia nako, ngona Bapa ani hininga irikoto. Bapa nodotoko nohi totararonika o nyawaika mangale ma Jou Madutu aimau, de nölegaikaua o nagona dika manga damäke. Hababu Bapa ngona no irikua de napulonua o nyawa.

O MATIUS 23:13

”Nibodito ngini o agama maguru-guru deʼ o Farisi manyawa! Ngini niabiaha nielu-eluku. Ngini niätatoko o nyawa yodadi ma Jou Madutu aiumati. Ngini mahirete nioluku nidadi ma Jou Madutu aiumati, deʼ o nyawa mahomoa yömodeke, ngini niätatoko. [

O KISAH RASUL-RASUL 20:33

Komaiwahi ngohi tonahihu o tiwi ekola o pakeanga kao nyawa ima tëngoinoö ma.

O ROMA 1:9

Ngohi salalu tinïhohininga ngini nako ngohi tomäniata. Ma Jou Madutu wahakihi okia ngohi totemo gënanga itiai. Unanga ma Jou Madutu ngohi tilöleleani de ahihininga magahumu de tohingahu o Abari ma Oa mangale Ai Ngohaka.

O ROMA 16:18

Hababu hagala o nyawa yododiai hokogënanga koigoungua yomanarama mangale o Kristus tongone nanga Jou, duga-duga mangale ihiaiki manga hininga manahihu mahirete. De mangabobaja deʼ o demo mamuti-mutiti, önanga yätipu hagala o nyawa yanönäko-näkoowahi okianaga.

O ROMA 9:1

Okia aha ngohi tahetongo nënanga ganga itiai karana ngohi Kristus madutu. Ngohi koto elukua. Tongohi ahihininga madol̄a yatö tuda-tuda ma Jou Madutu ai Womaha, ihihigoungu ngohiö ahidemo nënanga itiai.

O KORINTUS MAHINOTOKA 12:17

Kiaka de yakunu! Boteka i tilakuru o nyawa ngohi tahulo-huloko nginika gënanga ngohi tol̄ë utumu nginino?

O KORINTUS MAHINOTOKA 2:17

Ngomi hokä o nyawa yowöe-wöeua o abari ma Jou Madutuino yadiai hokä o bubukunu dika. Mia dungutu-mia dungutu ngomi ganga itebini, hababu ma Jou Madutu womi hulokoka ngomi. De ma Jou Madutu mahirete wamäke ngomi mihingahu o abari gënanga hokä o Kristus ai gogilaongo.

O KORINTUS MAHINOTOKA 4:2

Ngomi miapäkeua madodagi ihohuhutu inahidadi mal̄eke. Ngomi mïoluku mimanarama de miasawaro mitipu ekola miatakaidulu ma Jou Madutu aidemo. Ngomi miwïleleani ma Jou Madutu de miahininga itebi-tebini imoteke aimau. Hababu gënanga, ngomi minganono o nyawa mata-mata imitakihiri ngomi kayaoa-oa manga hininga doka magoronaka.

O KORINTUS MAHINOTOKA 7:2

Nimi tarima ngomi niahininga magoronaka. Ngomi miahowonua kao nyawa moikaö, de ngomi komaiwahi naga o nyawa miahirugi. Ngomi kautuö de kowali milingiri o utumu o nagonaino dika.

O GALATIA 1:20

Okia ngohi totuli-tulihi nënanga itiai. Ma Jou Madutu wohi öriki ngohi koto elukua!

O TESALONIKA MADODIHIRAKA 2:10

Ngomi miwango itebini, itiai deʼ ma howono koiwa nginika ningaku-ngakuoka o Kristusika. Kangini tongomi mia hakihi, kogenangoli ma Jou Madutu.

O TIMOTIUS MADODIHIRAKA 3:3

uha o nyawa wotoba daluku, ekola woigo imakangamo. I idulu yaino, kokiani ünanga ai hininga mabole-bole deʼ aha woigo o dame. Unanga yakunua wokal̄il̄u o tiwi.

O TIMOTIUS MADODIHIRAKA 3:8

O jemaatoka yäriwo-riwo kianiö o nyawa yaoa deʼ manga hininga irikoto; wokal̄il̄ua o tiwi deʼ woigoua wokere o angguru duru koha amoko.

O TITUS 1:7

O jemaat yotötailako ganga o nyawa ihidö dailako ma Jou Madutu ai manarama, ünanga yakunua de ai howono. Unanga yakunua woma hil̄e ekola wotoba ngamo, ekola wotoba daluku, ekola wöigo imaka ngamo, ekola yokal̄il̄u o tiwi.

O PETRUS MADODIHIRAKA 5:2

hupaya ngini niogöana o duba matika ma Jou Madutu winihi döa-döaka nginika. Niä göana önanga de nia hininga i sosanangi hokä sarakia ma Jou Madutu wöigo-igo, deʼ uha de nia hininga madubuho. Uhali nia diai nia manarama mafaidä nia mäke o utumu, duga-duga karana igou-goungu ngini nioigo nileleani.

O PETRUS MAHINOTOKA 2:18

Onanga yodiai o demo-demo ikokurutil̄e deʼ o homoa; o nahihu ipese-peseke önanga yapäke la yahibodito hagala o nyawa naga gënanga dahaö yomuläenge yolapahi de o nyawa yowango yohihihanga manga daeraino.

O PETRUS MAHINOTOKA 2:3

Karana önanga yokal̄il̄u, hö o guru-guru madutua gënanga aha ihi ade-ade nginika hagala o jarita önanga mahirete yodiai la o utumu yamäke nginino. Mä ihi dödero-dero o adili la yägelenga o hukumanga onanguku madekanoka yabö bötukuoka, deʼ o binaha ihitö tantuoka onangika kayä dodamä önanga.

O YUDAS 1:11

Onanga yobodito! Onanga yanïkoka o ngëkomo o Kain wabö böa-böaka. Hupaya yamäke o tiwi, önanga ima otakoka manga diri o howono mawaimagoronauku, imadäene hokä o Bileam. Deʼ onangö yäwedere karana ima lawani hokä o Korah.