O TESALONIKA MADODIHIRAKA 2:3 - MA JOU AI BUKU O ABARI MA OA

³ Ngomi migëgoto migahoko nginika ganga mia howonua; inoli mia dungutua itö tebi-tebinua ekola lamitipu.

O TESALONIKA MADODIHIRAKA 2:3 Iomraidhean Croise

O BILANGAN 16:15

O Musa duru iwi tohata deʼ wotemo ma Jouika, ”Jou uha natarima toönanga manga huba. Onangoka kawomatengo ma’ komaiwa tahidadi rugi; maboboloioli o keledai o dutu moi ma komaiwa ngohi tal̄ë onangoka.”

O KISAH RASUL-RASUL 13:15

O Musa ai Buku deʼ o Nabi-nabi manga Buku yabasa iböto, o tutuda-tutuda o puji matauoka gënanga yähuloko o nyawa yäleha o Paulusika deʼ aidodiawo, ”Roriadodoto nako Riadodotoka okianaga moi o hitiari mangale o nyawa nënanga, ika kania hingahu okia niahitiari gënanga.”

O KISAH RASUL-RASUL 4:36

Hoko genangö de o Yusuf. Unangö wahukunoka aitonaka, daha matiwi maijaino gënanga ünanga wao deʼ wohilapahi o rasul-rasulika. O Yusuf nënanga gänga o Lewi aiahaluku o Siprusino; o rasul-rasul iwihetongo unangö o Barnabas (mamangarati o Lolaru).

O KORINTUS MAHINOTOKA 11:13

O nyawa hokogënanga ganga o rasul-rasul madutua. Onanga yomomanarama ihitatoko o nyawa manga lolegaka de imahirupa hokä o Kristus airasul-rasul.

O KORINTUS MAHINOTOKA 2:17

Ngomi hokä o nyawa yowöe-wöeua o abari ma Jou Madutuino yadiai hokä o bubukunu dika. Mia dungutu-mia dungutu ngomi ganga itebini, hababu ma Jou Madutu womi hulokoka ngomi. De ma Jou Madutu mahirete wamäke ngomi mihingahu o abari gënanga hokä o Kristus ai gogilaongo.

O KORINTUS MAHINOTOKA 4:2

Ngomi miapäkeua madodagi ihohuhutu inahidadi mal̄eke. Ngomi mïoluku mimanarama de miasawaro mitipu ekola miatakaidulu ma Jou Madutu aidemo. Ngomi miwïleleani ma Jou Madutu de miahininga itebi-tebini imoteke aimau. Hababu gënanga, ngomi minganono o nyawa mata-mata imitakihiri ngomi kayaoa-oa manga hininga doka magoronaka.

O KORINTUS MAHINOTOKA 4:5

O abari ngomi mihingahu-ngahu gënanga igoungua mangale ngomi mahirete. O abari gënanga ganga o abari mangale o Yesus Kristus; Unanga ganga o Jou; deʼ ngomi nänga niagogilaongo karana Unanga.

O KORINTUS MAHINOTOKA 6:8

Ngomi imihoromati, mä imihikauku dika; imihigiriri, deʼ imidiaiö o romanga madorou. Ngaroka ngomi miahininga irikoto, ngomi imitemo mielu-eluku.

O KORINTUS MAHINOTOKA 7:2

Nimi tarima ngomi niahininga magoronaka. Ngomi miahowonua kao nyawa moikaö, de ngomi komaiwahi naga o nyawa miahirugi. Ngomi kautuö de kowali milingiri o utumu o nagonaino dika.

O TESALONIKA MADODIHIRAKA 2:11

Ngini nihi öriki ngomi minihidiai ngini moi-moi hokä womatëngo o ama wahi diai ai ngoha-ngohaka.

O TESALONIKA MADODIHIRAKA 4:7

Ma Jou Madutu wonä ahoko ngone, koigoungua hupaya ngone howango isafarune, duga-duga hupaya ngone howango de madodagi Ai hininga hasanangi.

O TESALONIKA MAHINOTOKA 2:11

Mahababu gënanga ma Jou Madutu wadotagao onangika moi o kuaha la yorehene o ngëkomo itotorouika, hi ädono önanga yangaku okianaga madiaiua.

O PETRUS MAHINOTOKA 1:16

Maöraha ngomi minihingahu nginika hokokia mamulia tongone nanga Jou Yesus Kristus ai böa, ngomi mima higagaoua o totowadeika o nyawa yodödodiai. O Kristus ai mulia gënanga ngomi mia mäkeoka de mia lako mahirete.

O SAMUEL MADODIHIRAKA 12:3

O öraha nënanga, ngohi toma okoino tingini nia himangoka! Nako ngohi todiaioka o howono, nihi kalaki ngohi ma Jou Ai himangoka deʼ ma koano wiö iri-irikoka ai himangoka. Mamoi iböto ngohi tal̄e o nyawa mahomoa manga hapi ekola manga keledai? Mamoi iböto ngohi tini tipu ekola tini tuku ekola tatarima o tiwi o uru mabokumu? Nia hetongo hupaya o kia dika ta l̄e-l̄eoka yakunu tohigilio.”