O TESALONIKA MADODIHIRAKA 2:12 - MA JOU AI BUKU O ABARI MA OA

¹² Ngomi minï nasihati ngini, ngomi minï hititila ngini deʼ ngomi minï gëgoto hupaya ngini niwango hoko gënanga marupa hiädono ma Jou Madutu ai hininga nia sanangi. Karana ma Jou Madutu winï ahoko ngini la nidadi ma Jou Madutu ai Dunia ma Hungi makawaha deʼ nia mäo to ëna mamulia.

O TESALONIKA MADODIHIRAKA 2:12 Iomraidhean Croise

O KEJADIAN 5:22

Iböto gënanga o Henokh wowango o rimoi magoronaka deʼ ma Jou Madutu madekana o taongo o ratuhu hange, ünanga wamake o ngoha-ngohaka mahomoa,

O TAWARIKH MAHINOTOKA 17:4

mä wipuji ma Jou Madutuika. Unanga wohi ngounu ma Jou Madutu aipareta-paretaika, de aiwowango hokä o Israelokaua manga kokoano.

O ROMA 8:28

Ngone hohiöriki ma Jou Madutu watatoro hagala o hali, hiädono mahasili maoa-oa la o nyawa iwïdora-dora Unanga deʼ wä aho-ahoko imadäene de to una Ai datoro.

O ROMA 8:30

Hokogënanga ma Jou Madutu wä aho-ahoko önanga kade mahirahiwohitantuoka; deʼ onanga wä aho-ahoko gënanga, wahigumal̄a imateke oa-oaoli dede Unanga. Deʼ onanga wahi gumal̄a imateke oa-oaoli de ma Jou Madutu, yal̄ë o hidoku ma Jou Madutu aiwowango mahirete magoronaka.

O KORINTUS MADODIHIRAKA 1:9

Ma Jou Madutu yakunu niwingaku de magoungu. Unangala ma Jou Madutu wini ahokoka ngini mangale nidadi kamoi de ai Ngohaka, enagënanga o Yesus Kristus, tongone nanga Jou.

O KORINTUS MAHINOTOKA 4:6

Ma Jou Madutu wotemo, ”Kokiani o huhutu magoronaino ipuda o dararono,” ma Jou Madutu genangala wohipudaö o dararono gënanga tongone nanga hininga magoronaka, hupaya tongone nanga dibanga idadi tararono mangale homangarati ma Jou Madutu aimulia yatararono o Kristus aibionika.

O GALATIA 5:16

Ngohi ahi dungutu hoko nena: Mal̄aikala ma Jou Madutu ai Womaha inï tuda ngini deʼ uhali niwango imoteke o nyawa nanga biaha manahihu.

O EFESUS 4:1

Hababu gënanga ngohi – o bui manyawa moi, ihi bui karana tileleani o Jou – kohagiria togahoko nginika: niwango imamoteke nia pangkati hokä o nyawa ma Jou Madutu wini aho-ahokoka.

O EFESUS 5:2

Nia ngango kiani yodol̄a de o dora, hokä o Kristusö wonahininga ngone. Unanga womahi hubaka Ai diri mangale ngone hokä o huhuba moi mabounu ihëmo-hëmoro, deʼ yasanangi ma Jou Madutu ai hininga.

O EFESUS 5:8

Ngini mahirete mahira naga o huhutu magoronaka. Oraha nënanga ngini nidadioka ma Jou ai umati, ho ngini naga o dararono magoronaka. Karana gënanga ngini kiani niwango o dararono magoronaka.

O PILIPI 1:27

Aa, duru hohiamoko öraha nanga ena genangala ngini niwango imatero de okia i gaho-gahoko o Abari ma Oa mangale o Yesus Kristus gënanga. De hoko gënanga boteka ngohi yakunu homaka mäke dede ngini ekola kowali, ngohi aha toihene ngini ikuata nirimoi deʼ nimateke rorebe nima kokutuono mangale duga-duga o dungutu moi deʼ kamoi nia ngigo; enagënanga mangale o ngongaku imatero de o Abari ma Oa ma Jou Madutuino gënanga.

O KOLOSE 1:10

De gënanga ngini yakunu niwango imamoteke ma Jou Madutu ai mau, deʼ hoko genangika ai hininga nia sanangi, hiädono hagala moi-moi magoronaka ngini yakunu nihihupu o hali maoa-oa. Deʼ tingini nia ganäko mangale ma Jou Madutuö aha idogoli.

O KOLOSE 2:6

Roriadodoto niwi totarimaka o Kristus Yesus hokä o Jou. Hababu gënanga kiani ngini niwango nirimoi dede Unanga,

O TESALONIKA MADODIHIRAKA 4:1

Mabobaha Roriadodoto, ngomi mihi döakoka o dulada nginika imakorona de sarakia kokiani ngini niwango la nia sanangi ma Jou Madutu ai hininga. Itiai ngini niwangoka hoko gënanga. Mä oraha nanga de ma Jou Yesus ai kuaha ngomi migahoko de magiria nginika deʼ minï gëgoto hupaya ngini iholoi nimahiahaoli o hali gënanga magoronaka!

O TESALONIKA MADODIHIRAKA 4:12

Nako ngini niwango hoko gënanga, ngini kamoi ikaö de nima higagaoua, deʼ hagala o nyawa yongaku-ngakua o Kristusika aha inï horomati ngini.

O TESALONIKA MADODIHIRAKA 5:24

Ma Jou Madutu winï ahokoka ngini la nia diai o hali gënanga hababu Unanga wosetia.

O TESALONIKA MAHINOTOKA 1:10

mata-mata gënanga aha idadi ma wange Unanga ai böa oka la Ai umati iwi himulia deʼ mangale iwi horomati hagala o nyawa iwi ngaku-ngaku. Nginiö ma aha naga ma Jou Madutu ai umati manga hi dogoronaka gënanga, hababu ngini ningakuoka o abari minihi ngahu-ngahuoka nginika.

O TIMOTIUS MAHINOTOKA 1:9

Ma Jou Madutu wona hihalamati deʼ wona ahoko ngone laʼ ngone hodadi Ai umati mahirete. Unanga wodiai gënanga igoungua matiti okia ngone hamo manaramoka, mä matiti Ai datoro mahirete deʼ Ai hayanga de Ai dora itötotomo. Unanga wonahi döaka ngoneino Ai hayanga de Ai dora i tilakuru o Kristus Yesus, o dunia nënanga kaidadiö de kowahi.

O PETRUS MADODIHIRAKA 2:9

Mä ngini naga o hoana de o berera manyawa yäiri-iriki, o imam-imam niwilö leleani ma koano, o hoana de o berera manyawa yotebi-tebini, ma Jou Madutu womä dinga-dingakoka, ma Jou Madutu ai umati mahirete. Ma Jou Madutu winï iriki ngini deʼ winï ahoko ngini o huhutuino nihupu la niwohama Ai dararono i totararono magoronaika, de madungutu hupaya ngini nihibarihi o abari mangale hagala Ai manarama kabiahaua.

O PETRUS MADODIHIRAKA 3:9

Uha nia balahi o dorou de o dorou, ekola o döa-döana de o döa-döana; i idulu yaino nia balahi de niä gahoko o barakati ma Jou Madutuino. Hababu ma Jou Madutu winï ahoko ngini imoteke madiai hupaya ngini nia tarima o barakati Unangino.

O PETRUS MADODIHIRAKA 5:10

Mä de iböto nia mäo o huha de o hangihara ihi jai-jai, ma Jou Madutu mahirete aha winïdiai ngini idadi nitotomo. Unanga aha winihigoko deʼ winihikuata ngini de inoli winïbitumu ngini. Hababu Unanga ganga ma Jou Madutu duruhë Ai hininga yaoa, winï ahokoka la nia mäo Ai mulia ikokakali madodagi de o Kristus.

O PETRUS MAHINOTOKA 1:3

Ma Jou Madutu wapäkeoka o gikiri moi makuaha la wonahi döaka ngoneino hagala moi-moi okia naga hopöparalu mangale howango de hopuji. Unanga wadiai nënanga de madodagi okianaga ngone hohi öriki mangale o Yesus Kristus wonä ahokoka ngone la hamäo Ai mulia deʼ Ai oa.

O YOHANIS MADODIHIRAKA 2:6

O nagona honanga yotemo yorimoi de ma Jou Madutu, önanga kiani yowango yanïki o Kristus ai aguru mario.

O YOHANIS MAHANGEOKA 1:6

Onanga ihi ngahuoka o jemaatika tongomi mia ngïoka imakorona ani dora. Nariwo önanga laʼ yakunu to önanga manga dodagi ihi gila-gila deʼ de hoko gënanga ma Jou Madutu ai hininga yasanangi,