O TESALONIKA MADODIHIRAKA 1:1 - MA JOU AI BUKU O ABARI MA OA

¹ Roriadodoto jemaat o Tesalonika mabereraka, nidädadi ma Jou Madutu o Ama ai umati deʼ ma Jou Yesus Kristus. Ngomi, enagënanga o Paulus, o Silas deʼ o Timotius minganono tanu ma Jou Madutu wohidöaka Ai barakati deʼ Ai lolä nginika.

O TESALONIKA MADODIHIRAKA 1:1 Iomraidhean Croise

O KISAH RASUL-RASUL 15:22

O rasul-rasul deʼ o tutuda-tutuda, de o jemaat manyawa mata-mata gënanga yaputuhu mangale yairiki yamuruono naga onangino aha yahuloko o Antiokhiaika imakinïki o Paulus deʼ o Barnabas. Onanga yairiki o Silas deʼ o Yudas iwihetongö o Barsabas. O nyawa yahinoto nënanga yodadi ihibaluhu o nyawa yongaku-ngaku manga hidogoronaka o Yerusalemoka.

O KISAH RASUL-RASUL 15:27

Hoʼ, ngomi miähuloko o Yudas deʼ o Silas Roriadodotika. Onanga mahirete aha inihingahu youruika nginika, o abari itotuli-tulihokaö o hurata nënanga magoronaka.

O KISAH RASUL-RASUL 15:40

O Paulus wi iriki o Silas daha imagoraka dede ünanga kiaka ipahaino o roriadodoto o Antiokhiaka gënanga yahilapahi önanga ma Jou aidoraika.

O KISAH RASUL-RASUL 16:19

Maöraha amitua-tuanga yanako mangale önanga yamäke o tiwi mangëkomo ihihangoka, önanga yatagoko o Paulus deʼ o Silas, daha yatatauru yahinotö o kadato malöaika yahihimanga yokokuahaika.

O KISAH RASUL-RASUL 16:25

Doneho hutu gorona o Paulus deʼ o Silas mangagogiria imaniata de o puji-puji ihinyanyi ma Jou Madutuika. O nyawa mahomoa yatumu-tumungukuö magogiria ihigihene önanga yonyanyi.

O KISAH RASUL-RASUL 16:29

O bui mabaluhu gënanga wogahoko o hilo daha wohioa-oara magoronaika, deʼ duru wohaharoka ünanga watilabuku o Paulus deʼ o Silas manga himangoka.

O KISAH RASUL-RASUL 17:11

O nyawa o Bereaka iholoi manga hininga ihelenga ngaro de o Tesalonikaka manyawa. De manga hininga mangigo önanga ihigihene o abari mangale o Yesus, de o wange higetongo önanga yatailako Ma Jou Ai Demo ma Buku mangale ihiöriki bote o Paulus aidodötoko gënanga itiai.

O KISAH RASUL-RASUL 18:5

O Silas deʼ o Timotius imahiadonoka o Makedonia de yaino, o Paulus wapäke ingodu-ngodumu aiöraha mangale wohiabari o abari ma Jou Madutuino, o Yahudi manyawaika o Yesus genangala o Koano Wohihohalamati ma Jou Madutu wohijäjajioka.

O KISAH RASUL-RASUL 19:22

Unanga wahuloko o nyawa yahinoto iwiroriwo-riwo, enagënanga o Timotius deʼ o Erastus mangale yoiki o Makedoniaika, maöraha ünanga wogogerohi öraha muruono naga madekanohi o Asia maprovinsika.

O KISAH RASUL-RASUL 20:4

O Sopater o Pirus aingohaka aiahali o Bereaino yoiki imakinïki de ünanga; hokogenangö o Aristarkhus deʼ o Sekundus o Tesalonika manyawa, deʼ o Gayus o Derbe manyawa. O Timotiusohi, o Tikhikus deʼ o Trofimus, o provinsi Asiaino manyawa.

O ROMA 1:7

Mahababu gënanga ngohi totulihi o hurata nginika. Tanu ma Jou Madutu nanga Ama deʼ ma Jou Yesus Kristus wohidöaka Ai barakati deʼ Ai lolä nginika.

O KORINTUS MAHINOTOKA 1:1

Roriadodoto ma Jou Madutu aijemaat o Korintusoka deʼ mata-mata ma Jou Madutu aiumati o Akhaya madaera mata-mataika. Ngohi, o Paulus, o Yesus Kristus airasul wohigoraka imoteke aimau ma Jou Madutu, mimanïki de tongone nanga riadodoto o Timotius,

O KORINTUS MAHINOTOKA 1:19

Hababu o Yesus Kristus, ma Jou Madutu ai Ngohaka, inihingahuoka nginika o Silas, o Timotius, deʼ ngohi mahirete igoungua o nyawa ”Ia” deʼ ”Kowali”. Idulu yaino Unanga marupa ma bobaluhu ”Ia” ma Jou Madutuino.

O GALATIA 1:22

Hiädono o öraha gënanga o Harani ma jemaat-jemaat o Yudea madaeraoka ihi näko owahi marupa mimateke rihimangino.

O EFESUS 1:2

Ngohi, o Paulus, o Kristus Yesus ai rasul mangale de ma Jou Madutu ai mau, tonganono tanu tongone nanga Ama ma Jou Madutu deʼ o Jou Yesus Kristus winihidöaka o barakati de o lolä nginika.

O PILIPI 1:1

Roriadodoto ma Jou Madutu ai umati nigö gogogere o Pilipi mabereraka deʼ nirorimoioka de o Kristus Yesus. Inoli Roriadodoto o tutuda de o jemaat maroriwo! Ngohi, o Paulus kamamoi de o Timotius o Kristus Yesus ai gogilaongo,

O KOLOSE 1:1

O Roriadodoto ma Jou Madutu ai umati o Koloseoka nisetia nirimoi de o Kristus! Hokä o Kristus Yesus ai rasul, – mangale ma Jou Madutu wohigoraka – ngohi, o Paulus mima kinïki de tongone nanga riadodoto o Timotius, minganono tanu ma Jou Madutu tongone nanga Ama winihi döaka o barakati de o lolä nginika.

O TESALONIKA MAHINOTOKA 1:1

Roriadodoto jemaat o Tesalonika mabereraka, nidädadi ma Jou Madutu ai umati tongone nanga Ama deʼ nanga Jou Yesus Kristus! Ngomi, enagënanga o Paulus, o Silas de o Timotius,

O IBRANI 13:23

Kokiani ngini nihiöriki tongone nanga riadodoto o Timotius wohupuoka o buiino. Nako ünanga wainoka ahi ngï ino nënanga, ngohi aha tiao maöraha ngohi tinïädono ngini.

O PETRUS MADODIHIRAKA 5:12

Tongohi ahi hurata madodipoko nënanga ngohi totulihi nginika de o Silas ai roriwo, naga ngohi tïpulono o riadodoto o Haranioka womatëngo wososetia. Ngohi töigo tinihi döaka o hititila nginika deʼ ngini tinihi nako igoungu okia naga ngohi totulihi nënanga o abari madiai yakorona ma Jou Madutu ai hayanga de Ai dora. Kokiani ngini nimahi jojö ikëkete o hayanga de o doraika gënanga.

O YOHANIS MADODIHIRAKA 1:3

Okia ngomi mia mäkeoka deʼ mi ihene, ngomiö mihingahu gënanga nginika, laʼ ngini de ngomi hamäke o ngango kamoi de o Ama de ai Ngohaka o Yesus Kristus.

O YUDAS 1:1

O Roriadodoto ma Jou Madutu o Ama winï ahokoka deʼ duru winï dora-dora de inoli inï göana mangale o Yesus Kristus. Hokä o Yesus Kristus ai gilaongo, ngohi – o Yudas – o Yakobus ai dodoto,