परकासन 3:3 - बुक्सा

³ इसताँई याद कर, कै तैनै कैसी सिक्‍छा पाई ही और सुनी ही, और उनमै बनो रैह और मन फिरा। अगर तू जगो ना रैहगो तौ मैं चोर के हाँई आ जांगो और तू जान ना सकैगो कै मैं किस घड़ी तेरे धौंरे आ गओ।

परकासन 3:3 Iomraidhean Croise

मत्‍ती 25:13

इसताँई जगते रैहऔ, कैसेकै तुम ना तौ उस दिन कै जानौ हौ, ना उस घड़ी कै।

मरकुस 13:33

चौकस, जगते और पिराथना करते रैहऔ, कैसेकै तुम ना जानौ हौ कै बौ टैम कब आगो।

मरकुस 13:36

ऐंसो ना होए कै बौ अचानक आकै तुमकै सोते पाय।

1 थिसलुनीकियौ 5:2

कैसेकै तुम खुदई अच्‍छी तरै सै जानौ हौ कै जैसे चोर रात कै अचानक सै आवै है बैसेई परभु को दिन बी आगो।

1 तीमुथियुस 6:20

हे तीमुथियुस जो तेकै देर खाई है, तू बाकी देखभाल कर। और जो बात आत्‍मिक ना हैं, बेकार की बकबास सै और दुसमनौ की बिरोद की बातौं के तीरौं सै जो झूँटो गियान कैलाबै है बासै दूर रैहईए।

2 तीमुथियुस 1:13

जो खरी बात तुमनै मैंसै सुनी है, बाकै बा बिसवास और पियार सै जो ईसु मसी मै है, थामे रौह।

इबरानिओ 2:1

इसताँई हमनै जो कुछ सुनो है बामै खास करकै धियान देनो चँईऐ, जिस्सै कै हम भटकनै ना पांऐ।

2 पतरस 1:13

मैंकै जौ सई लगै है कै जब तक मैं जिन्‍दो हौं तब तक तुमकै हमेसा याद दिब्बाते भए होसिआर करतो रैहंगो।

2 पतरस 3:1

हे मेरे पियारे भईयौ, अब मैं जौ दूसरी चिट्‌ठी लिख रओ हौं। और इन दौनौ चिट्‌ठिऔ सै तुमकै याद दिब्बाते भए तुमरे सच्‍चे मन कै जगानो चाँहौ हौं।

2 पतरस 3:10

पर परभु को दिन चोर के हाँई अचानक सै आगो, बा दिन आसमान एक बड़ी अबाज के संग गायब हो जागो और एक बड़ी लपट के संग सबई चीज पिगल जांगी, और धरती और बाके सबई काम सामने आ जांगे।

परकासन 16:15

“देखौ! मैं चोर के हाँई आ रओ हौं। धन्‍न है बौ, जो जगतो और अपने लत्‍तौ कै अपने संग रक्‍खै है, ताकि बौ नंगो ना फिरै और लोगौ के सामने उसकै सरमिन्‍दा ना होनो पड़ै।”

परकासन 2:25

पर जो सिक्‍छा तुमरे धौंरे है, मेरे आनै तक उसकै मजबूती सै थामे रैहऔ।

परकासन 2:5

इसताँई याद कर, कै तू कहाँ सै गिरो है और मन फिरा और पैले के हाँई काम कर। अगर तू मन ना फिरागो, तौ मैं तेरे धौंरे आकै तेरे आरे कै बाकी जघै सै हटा दंगो।

परकासन 22:7

“देखौ, मैं जल्दी आनै बारो हौं; धन्‍न हैं बे, जो जा किताब की भबिसबानी की बातौं कै मानै हैं।”

परकासन 3:11

“मैं जल्दी आनै बारो हौं। जो कुछ तेरे धौंरे है, बाकै थामे रैह कै कोई तेरो मुकट छीन ना ले।

परकासन 3:19

“मैं जिनसै पियार करौं हौं, उनकै डाँटौ और डन्ड देवौ हौं, इसताँई जोसीलो बन और मन फिरा।

परकासन 3:2

जग जा और जो चीज बची हैं और मिटनै बारी हैं, बाकै मजबूत कर, कैसेकै मैंनै अपने परमेसर की नजरौ मै तेरे कोई बी काम पूरे ना पाए हैं।