फिलिप्‍पीऔ 4:9 - बुक्सा

⁹ जो बात तुमनै मैंसै सीकीं और पांई, और सुनीं और मैंकै करते देखो, उनई कै माने करौ। परमेसर जो सान्‍ति को सोता है तुमरे संग रैहगो।

फिलिप्‍पीऔ 4:9 Iomraidhean Croise

मत्‍ती 1:23

कै, “देखौ एक कुँआरी कन्या गरब सै होगी और एक लौंड़ा कै जलम देगी और बाको नाम इम्मानुएल रक्‍खो जागो जिसको अरथ जौ है ‘परमेसर हमरे संग है।’”

मत्‍ती 28:20

और जिन बातौं की आगियाँ मैंनै तुमकै दई है, उनकै उनमै चलनो सिकाऔ, और देखौ, मैं दुनिया के अन्‍त तक हमेसा तुमरे संग रैहंगो।”

मत्‍ती 7:21

“जो मैंसै, हे परभु, हे परभु कैबै है, उनमै सै सबके सब सुरग के राज मै परबेस ना करंगे, पर बौई जो मेरे सुरग के अब्बा की इच्‍छा मै चलै है।

लूका 6:46

“जब तुम मेरो कैनो ना मानौ हौ, तौ मैंकै काए हे परभु, हे परभु, कैबौ हौ?

लूका 8:21

बानै जबाब दओ, “मेरी अईया और मेरे भईया बेई हैं, जो परमेसर को बचन सुनै और बाकै मानै हैं।”

यहून्‍ना 13:17

तुम इन बातौं कै जानौ हौ, अगर बामै चलौगे तौ परमेसर की बरकत तुमरे ऊपर रैहगी।

यहून्‍ना 15:14

जो आगियाँ मैं तुमकै देवौ हौं, अगर बाकै मानौ तौ तुम मेरे दोस्त हौ।

यहून्‍ना 2:5

उसकी अईया नै सेवकौ सै कैई, “जो कुछ बौ तुमकै कैए, बौई करिओ।”

चेलौ के काम 9:6

पर अब तू खड़ो हो और सैहर मै जा और तेकै कन्‍नो का है बौ तेकै बता दओ जागो।”

रोमियो 15:33

सान्‍ति को परमेसर तुम सबके संग रैहए। ऐंसोई होए।

रोमियो 16:20

सान्‍ति को परमेसर सैतान कै जल्दीई तुमरे पाँऐऔं के नीचे किचलैगो। हमरे परभु ईसु की किरपा तुमरे ऊपर बनी रैह।

1 कुरन्‍थियों 10:31

इसताँई तुम लोग चाँहे खाऔ-पिऔ, या जो कुछ बी करौ, सब परमेसर की बड़ाई के ताँई करौ।

1 कुरन्‍थियों 14:33

कैसेकै परमेसर गड़बड़ी कन्‍नै बारो ना पर सान्‍ति दैनै बारो परमेसर है, जैसो कै परमेसर के लोगौ की सब बिसवासिऔ की मंडलिऔ मै होवै है।

1 कुरन्‍थियों 4:16

इसताँई मैं तुमसै बिनती करौं हौं, जैसी चाल मैं चलौ हौं बैसीई चाल तुम बी चलौ।

2 कुरन्‍थियों 13:11

हे भईयौ और बहनौ, खुस रौह। अब मैं तुमसै बिदा चाँहौ हौं, अपनो चाल-चलन सई रक्‍खौ, और बैसोई करिओ जैसो मैंनै कैई है, एकई सोच रक्‍खौ और सान्‍ति सै रैहऔ, पियार और सान्‍ति को परमेसर तुमरे संग रैह।

फिलिप्‍पीऔ 3:17

हे भईयौ तुम सबई मेरी हाँई जिन्‍दगी जिऔ, और धियान रक्‍खौ, जो ऐंसी जिन्‍दगी जीवै हैं, जिनको उदाहरन तुम हम्मै देखौ हौ।

फिलिप्‍पीऔ 4:7

तब परमेसर की ओर सै मिलनै बारी सान्‍ति, जिसकै आदमी समजई ना सकै है, बौई सान्‍ति तुमरे दिल और तुमरे दिमाक कै मसी ईसु मै समार कै रखैगी।

1 थिसलुनीकियौ 1:6

तुम लोग बड़े दुख मै होनै के बाद बी पबित्‍तर आत्‍मा के खुसी के संग बचन की बातौं कै मानकै हमरे और परभु के हाँई जिन्‍दगी बिताई।

1 थिसलुनीकियौ 2:14

इसताँई ओ मेरे भईयौ और बहनौ, तुमरे संग बी बैसोई होओ जैसो यहूदिया देस के बिसवासिऔ की मंडलिऔ के लोगौ के संग होओ, जो मसी ईसु मै हे। कैसेकै तुमनै बी अपने लोगौ सै दुख पाओ, जैसो उनौनै यहूदी लोगौ सै पाओ हो।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

2 थिसलुनीकियौ 3:4

हमकै परभु मै तुमरे पक्‍के बने रैहनै मै बिसवास है कै जो जो हुकम हमनै तुमकै देए हैं, तुम उनकै मानौ हौ और मानते बी रैहईओ।

2 तीमुथियुस 4:22

परभु तेरी आत्‍मा के संग रैहए, और तुमरे ऊपर परमेसर की किरपा होती रैह।

याकूब 1:22

परमेसर के बचन मै चलनै बारे बनौ, ना कै सिरप सुन्‍नै बारे। अगर तुम बाकै सिरप सुनौई हौ तौ अपने आपकै धोको देवौ हौ।

2 पतरस 1:10

इसताँई हे भईयौ, तुम जौ बात जाननै के ताँई हमेसा तईयार रौह, कै परमेसर नै तुमकै सच्‍ची मैई बुलाओ और चुनो है। कैसेकै अगर तुम इन बातौं कै करौ हौ तौ तुम कबी ठोकर ना खाऔगे।

1 यहून्‍ना 3:22

और हम उस्सै जो कुछ माँगै हैं, बौ हमकै देवै है, कैसेकै हम बाकी आगियाँऔ कै मानै हैं। और बौई करै हैं जो बाकै अच्‍छो लगै है।