फिलिप्‍पीऔ 2:7 - बुक्सा

⁷ मगर बानै तौ खुद कै खाली कर दओ और एक दास के जैसो बन गओ और आदमी के हाँई बन गओ।

फिलिप्‍पीऔ 2:7 Iomraidhean Croise

मत्‍ती 12:18

“जौ मेरो सेवक है, जो मैंनै चुनो है, जौ मेरो पियारो है, जिस्सै मेरो मन खुस है, मैं अपनो आत्‍मा उसमै डारंगो, और बौ गैर यहूदिऔं कै नियाय की खबर देगो।

मत्‍ती 20:28

कैसेकै आदमी को लौंड़ा बी अपनी सेवा करानै ना पर सेवा कन्‍नै और भौतौं की मुक्‍ति के ताँई अपने पिरान दैनै आओ है।”

मरकुस 9:12

ईसु नै उनकै जबाब दओ कै, “एलिया सचमुच पैले आकै सब कुछ सुदारैगो, पर आदमी के लौंड़ा, के बारे मै पैले सै पबित्‍तर सास्तरौं मै जौ काए लिखो है कै बौ भौत दुख उठागो, और नकारो जागो?

लूका 22:27

कैसेकै बड़ो कौन है; बौ जो रोटी खानै की मेज मै बैठो है या बौ जो सेवा करै है? का बौ ना है जो रोटी खानै बैठो है? पर मैं बी तुमरे बीच मै एक सेवा कन्‍नै बारे के जैसो हौं।

यहून्‍ना 1:14

और बचन आदमी बनकै हमरे बीच मै रैहओ, और बौ किरपा और सच्‍चाई सै भरो भओ हो और हमनै उसकी ऐंसी महिमा देखी जैसी अब्बा के इकलौते लौंड़ा की महिमा।

रोमियो 1:3

परमेसर नै अपने नबिऔ दुआरा पबित्‍तर सास्तर मै पैलेसैई उस अच्‍छी खबर को बादो करर खाओ है। जौ अच्‍छी खबर अपने लौंड़ा के बारे मै है, बौ सकति के संग आदमी के रूप मै दाऊद के बंस मै पैदा भओ।

रोमियो 15:3

कैसेकै मसी नै बी अपने सुक को धियान ना रक्‍खो। जैसो कै पबित्‍तर सास्तर मै लिखो है, “जो बेजती उनौनै तेरी करी बौ मेरे ऊपर आ पड़ी।”

रोमियो 15:8

मैं जौ कैनो चाँहौ हौं कै मसी यहूदिऔं को सेवक इसताँई बनो कै बौ बापदादौं को देओ गओ बादो सबूत के संग पक्‍को करकै परमेसर की सच्‍चाई कै परकट करै।

रोमियो 8:3

कैसेकै जो काम सरीर की कमजोरी के कारन नियम ना कर सको, उसकै परमेसर नै करो, यानी अपनेई लौंड़ा कै उसनै पापी आदमी जैसे आदमी के सरीर मै भेजो, इस तरीका सै परमेसर नै आदमी के सरीर मै पाप कै सजा दई।

2 कुरन्‍थियों 13:4

जौ सच है कै, जब बौ कुरूस मै चढ़ाओ गओ, तौ बौ कमजोर हो, पर बौ परमेसर की सकति सै जिन्‍दो है। और जौ बी सच है कै मसी के साती होनै की बजै सै हम बी कमजोर हैं पर तुमरे फाएदा के ताँई परमेसर की सकति की बजै सै हम बाके संग जिन्‍दे रैहंगे जिस्सै कै तुमरी सेवा करते रैंह।

2 कुरन्‍थियों 8:9

कैसेकै तुम हमरे परभु ईसु मसी की किरपा कै जानौ हौ और जौ बी जानौ हौ कै सेट होते भए बी बौ तुमरे ताँई गरीब बनो जिस्सै कै बाके गरीब होनै सै तुम सेट हो जाऔ।

गलातिऔ 4:4

पर जब सई बखत आओ, तौ परमेसर नै अपने लौंड़ा कै भेज दओ, जो एक बईयर सै नियम के आधीन होते भए जलमो।

फिलिप्‍पीऔ 2:6

बामै परमेसर के गुन होते भए बी बानै खुद कै परमेसर के बराबर होनै की जबरदस्ती ना करी।

इबरानिओ 12:2

हमरे बिसवास की सुरूआत कन्‍नै बारे और पक्‍को कन्‍नै बारे ईसु की ओर देखते रौह। ईसु नै लोगौ की बेजती कै अनदेखो करकै कुरूस को दुख झेलो जिस्सै कै बौ उनके ताँई रखी गई खुसी कै पाऐ। अब ईसु परमेसर के सिंगासन के खाने हात बैठो है।

इबरानिओ 13:3

जो लोग कैदी हैं उनकै इस तरै याद करौ जैसे कै तुम बी उनके संग कैद मै हौ। जिनके संग बुरो बरताब करो जावै है उनकै बी ऐंसे याद रक्‍खौ कै तुमरे संग बी बुरो बरताब करो जा रओ है।

इबरानिओ 4:15

कैसेकै हमरो बड़ो पुजारी ऐंसो ना हैं जो हमरी कमजोरिऔं मै तरस ना खाऐ, कैसेकै बाकै बी हर तरै सै हमरे हाँई परखो तब्बी बानै पाप ना करो।