Biblia Todo Logo
Bìoball air-loidhne

- Sanasan -




फिलिप्‍पीऔ 2:29 - बुक्सा

29 और तुम सबई परभु मै बड़ी खुसी के संग बाको सुआगत करौ, और ऐंसे लोगौ को आदर करे करौ।

Faic an caibideil Dèan lethbhreac




फिलिप्‍पीऔ 2:29
21 Iomraidhean Croise  

अगर लोग तुमरो सुआगत ना करैं, तौ बा सैहर सै लिकरते भए अपने पाँऐऔं की धूदर झार डारौ, कै उनके खिलाप गभाई हो।


मैं तुमसै सच-सच कैबौ हौं कै जो मेरे भेजे भए को सुआगत करै है, बौ मेरो सुआगत करै है, और जो मेरो सुआगत करै है बौ मेरे भेजनै बारे को सुआगत करै है।”


बे हर रोज एक मन होकै मन्‍दर मै इखट्‍टे होवै हे और आपस मै घर घर जाकै मिलजुलकै खुसी के संग रोटी खावै हे,


उनौनै हमरी खूब खातरदारी करी और जब हम जाल लगे तौ उनौनै बे सब चीज जो हमरी जरूरत की हीं जिहाज मै रख दंई।


तबई बा सिगरे सैहर के लोगौ नै खुसी मनाई।


और अच्‍छी खबर सुनानै बारो तब तक कैसे सुना सकै है जब तक कै उनकै भेजो ना जाऐ? जैसो पबित्‍तर सास्तर मै लिखो है, “अच्‍छी खबर सुनानै बारौं के पाँऐ कितने भारचे हैं?”


तुम सब परभु मै उसको सुआगत ऐंसे करौ जैसो परमेसर के लोगौ को करौ हौ, और अगर उसकै कोई जरूरत पड़ै, तौ तुम उसकी सायता करिओ, कैसेकै उसनै मेरी और भौत लोगौ की बड़ी सायता करी है।


और अगर तीमुथियुस आय, तौ बाको धियान रखिओ कै बाकै तुमरे हिंया कोई दिक्‍कत ना होए, कैसेकै बौ मेरे हाँई परभु को काम करै है।


उनौनै मेरी और तुमरी फिकर कै दूर कर दओ है। ऐंसे आदमी इज्‍जत लायक हैं।


कैसेकै जो कोई खुद कै अच्‍छो समजै है। बौ अच्‍छो ना है पर जिसकै परभु अच्‍छो मानै है बौई अच्‍छो है।


अपने दिल मै हमकै जघै देओ। कैसेकै हमनै किसी को कुछ बुरो ना करो, और नाई किसी कै ठेस पौंचाई, और नाई किसी कै धोको दओ।


इसताँई मेरो मन बी बाकै भेजनै के ताँई भौत उताबलो हो, जिस्सै कै बाकै फिर देक्‍कै तुम खुस हो जाऔ और मेरी फिकर बी खतम हो जागी।


अरितरखुस, जो मेरे संग जेल मै कैद है और मरकुस जो बरनबास को चचेरो भईया लगै है, बाकी ओर सै बी तुमकै नमस्कार; और मरकुस के बारे मै मैंनै तुमकै पैलेई जौ आगियाँ देर खाई ही कै जब बौ तुमरे धौंरे आगो तौ तुम बाको सुआगत करिओ।


ओ भईयौ और बहनौ, हम तुमसै बिनती करै हैं कै, जो लोग तुमरे ताँई बेसानी मैहनत करै हैं और परभु मै तुमकै रस्ता दिखाबै हैं और तुमकै सिकाबै हैं, उनकी इज्‍जत करौ।


बिसवासिऔ की मंडली मै जो अच्‍छी देखभाल कन्‍नै बारे अगुबे लोग हैं, उनकी दुगनी इज्‍जत करे करौ, खास करकै उनकै जिनको काम परचार कन्‍नै और सिकानै को है।


अपने अगुबौं की बात मानौ और बाके हक मै रैहईओ, कैसेकै बौ तुमरी जिन्‍दगी की चौकसी करै है कैसेकै उन अगुबौं कै परमेसर के सामने लेखो-जोखो दैनो है। बे जौ काम खुसी के संग करैं, ना की रो रो कै। अगर बे दुख सै करैं तौ तुमकै कुछ फाएदा ना है।


इसताँई जब मैं आंगो, तौ बाके कामौ कै जो बौ कर रओ है उनको हिसाब लंगो। बौ हमरे बारे मै बुरी-बुरी बातौं कै बोलकै बदनाम करै है, और बाकै इन बातौं सैई सबर ना है। बौ दूसरे भईयौ को बी सुआगत ना करै है, और जो लोग कन्‍नो चाँहै हैं, उनकै बी मनैह करै है, और बिसवासिऔ की मंडली सै लिकार देवै है।


Lean sinn:

Sanasan


Sanasan