फिलिप्‍पीऔ 2:26 - बुक्सा

²⁶ कैसेकै बौ तुम सबई सै मिलनै के ताँई भौत बेचैन रैहबै है और तुम लोगौ नै सुनो हो कै बौ बेमार पड़ गओ है तौ जौ बात सुनकै बौ भौत दुखी हो गओ हो।

फिलिप्‍पीऔ 2:26 Iomraidhean Croise

मत्‍ती 11:28

“हे थके-माँदे और बोज सै दबे भए लोगौ, मेरे धौंरे आऔ, मैं तुमकै सुक चैन दंगो।

मत्‍ती 26:37

फिर ईसु पतरस और जबदी के दौनौ लौंड़ा कै अपने संग ले गओ, और उदास और बियाकुल होल लगो।

चेलौ के काम 21:13

पर पौलुस नै उनकै जबाब दओ, “तुम रो रो कै मेरे दिल कै काए दुखाबौ हौ? मैं ऐरूसलेम मै परभु ईसु के नाम सै बंधनै और मरनै के ताँई बी तईयार हौं।”

रोमियो 1:11

कैसेकै मेरी तुमसै मिलनै की बड़ी इच्‍छा है, कै मैं तुमकै कोई आत्‍मिक बरदान दौं जिस्सै तुम मजबूत हो जाऔ।

रोमियो 12:15

जो खुस हैं, उसके संग खुस रैहऔ। और जो रोबैं हैं, उनके संग रोओ।

रोमियो 9:2

कै मैं भौत दुखी हौं, और मेरो मन हमेसा बेचैन रैहबै है।

1 कुरन्‍थियों 12:26

इसताँई अगर सरीर के एक अंग मै चोट लगै है, तौ बाके संग-संग सिगरे अंगौ मै बी दरद होवै है, और अगर सरीर के एक अंग कै इज्‍जत मिलै है तौ बाके संग बाकी के सिगरे अंगौं कै बी खुसी होवै है।

2 कुरन्‍थियों 9:14

और बे तुमरे ताँई बड़े पियार के संग परमेसर सै पिराथना करै हैं, कैसेकै बे जानै हैं कै परमेसर नै तुम लोगौ के ऊपर बड़ी किरपा करी है।

गलातिऔ 6:2

एक दूसरे को बोज उठाऔ और ऐंसे तुम मसी के नियमौ कै पूरो करौ हौ।

इफिसिऔ 3:13

इसताँई मैं तुमसै जौ बिनती करौ हौं कै जो कसट मैं तुमरे ताँई झेल रओ हौं बा बजै सै तुम हिम्मत ना हारिओ, कैसेकै इन मैई तुमरी बड़ाई है।

फिलिप्‍पीऔ 1:3

मैं जब-जब तुमकै याद करौ हौं, तब-तब अपने परमेसर को धन्‍नबाद देवौ हौं।

फिलिप्‍पीऔ 1:8

परमेसर मेरो गभा है कै मैं मसी ईसु के पियार सै तुम सबके ताँई कितनो तड़प रओ हौं।

फिलिप्‍पीऔ 2:25

मैं जौ जरूरी समजौ हौं कै इपफरूदितुस कै तुमरे धौंरे बापस भेज दौं जो मेरो भईया और संग काम कन्‍नै बारो और संगी सिपाई और तुमरो दूत और जरूरी बातौं मै मेरी सेवा कन्‍नै बारो है।

फिलिप्‍पीऔ 2:27

हाँ, बौ बेमार तौ हो और बौ बी इतनो कै जैसे मरई जाऐ, मगर परमेसर नै बाके ऊपर दया करी, और ना सिरप बाके ऊपर बलकन मेरे ऊपर बी ताकि मैंकै दुख के ऊपर दुख ना मिलै।

फिलिप्‍पीऔ 4:1

हे मेरे पियारे भईयौ, मेरी इच्‍छा है कै मैं तुमसै मिलौं कैसेकै तुम मेरी खुसी, और मेरी इज्‍जत हौ, और तुमकै जैसो मैंनै बताऔ है, परभु मै तुम बैसेई पक्‍के बने रौह।

1 पतरस 1:6

अगर अबी थोड़े बखत के ताँई तुमरे ऊपर तरै-तरै की परेसानी और दुख आ जाँय तौबी तुम बा मुक्‍ति के ताँई खुस हो जाऔ।