फिलिप्‍पीऔ 1:6 - बुक्सा

⁶ मैंकै जा बात को भरोसो है, कै जो अच्‍छे काम परमेसर नै तुमरे भीतर सुरू करे हैं और बैसेई ईसु मसी के आनै के दिन पूरो होनै तक बनाऐ रखैगो।

फिलिप्‍पीऔ 1:6 Iomraidhean Croise

यहून्‍ना 6:29

ईसु नै उनकै जबाब देते भए कैई, “परमेसर जौ चाँहबै है, कै तुम मैंई मै बिसवास करौ जिसकै बानै भेजर खाओ है।”

चेलौ के काम 11:18

जौ बात सुनकै बे चुप हो गए, और परमेसर की बड़ाई करल लगे और उन्‍नै कैई कै, “परमेसर नै गैर यहूदी लोगौ कै बी गलत काम सै मन फिरानै को मौको दओ है जो जिन्‍दगी की ओर ले जावै है।”

चेलौ के काम 16:14

बहाँ थूआतीरा सैहर की लुदीया नाम की एक परमेसर की भक्‍तन ही बौ बैंगनी रंग के खास कीमती लत्‍ता बेचै ही और परभु नै बाको दिल खोल दओ और बौ पौलुस की बातौं कै धियान सै सुनल लगी।

1 कुरन्‍थियों 1:8

परमेसर अन्‍त तक तुम लोगौ कै बिसवास मै मजबूत बनाए रखैगो, जिस्सै हमरे परभु ईसु मसी के फिर सै आनै के दिन तुम निरदोस पाए जाऔ।

2 कुरन्‍थियों 1:15

मैंनै जाई बिसवास की बजै सै पैलेई तुमरे धौंरे आनै को पक्‍को मन बना लओ हो कै तुमकै एक और आसीस मिलै।

2 कुरन्‍थियों 2:3

और मैंनै जौ बात इसताँई लिखी कै कहीं ऐंसो ना हो जाय कै जब मैं आऔं तौ जिन लोगौ सै मैंकै खुसी मिलनी चँईऐ, कहीं बे मैंकै दुख दैं। कैसेकै मैंकै तुम सबई के ऊपर जा बात को पक्‍को बिसवास है कै जो मेरी खुसी है, बौई तुमरी बी खुसी है।

2 कुरन्‍थियों 7:16

मैंकै जा बात की खुसी है कै मैं तुमरे ऊपर भरोसो रख सकौं हौं।

2 कुरन्‍थियों 9:4

कहीं ऐंसो ना होए कै मकिदुनिया सै कुछ लोग मेरे संग आँए और तुम दान के ताँई तईयार ना होओ। तौ जा बिसवास के बजै सै जो मैंनै तुमरे ऊपर करो है, बामै मेरी ना पर तुमरी खोपड़ी बी सरम सै नीची हो जागी।

गलातिऔ 5:10

मैं तुमरे बारे मै परभु मै भरोसो रक्‍खौ हौं कै तुम किसी दूसरी बातौं मै ना पड़ौगे। पर जो लोग तुमकै परेसान करै हैं, बे कोई बी काए ना हौं उनकै सजा जरूर मिलैगी।

इफिसिऔ 4:12

जिस्सै परमेसर नै पबित्‍तर लोगौ कै सेवा के काम के ताँई तईयार करो जिस्सै कै मसी मै बिसवास कन्‍नै बारे लोगौ की बढ़ौतरी होए।

फिलिप्‍पीऔ 1:10

ताकि तुम अच्‍छी सै अच्‍छी बातौं कै परख सकौ जिस्सै कै मसी के आनै के दिन तक पबित्‍तर और सच्‍चे बने रौह।

फिलिप्‍पीऔ 1:29

तुम लोगौ कै ना सिरप मसी मै बिसवास कन्‍नै के ताँई बलकन बाकी बजै सै दुख उठानै के ताँई बी किरपा मिली है।

फिलिप्‍पीऔ 2:12

इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्‍ति कै पूरो करते जाऔ।

फिलिप्‍पीऔ 2:13

और जैसो परमेसर कै अच्‍छो लगो है बैसेई बौ उन बातौं कै पूरो कन्‍नै के ताँई इच्‍छा और तागत तुमरे भीतर पैदा करै है।

फिलिप्‍पीऔ 2:16

जिन्‍दगी के बचन मै मजबूती के संग चलते रौहौ, ताकि मसी के फिर सै लौहट आनै के दिन मै मैंकै जा बात को गर्ब होए कै मेरी जिन्‍दगी की दौड़ भाज और मैहनत बेकार ना गई।

कुलुसिऔं 2:12

तुम लोग जल संस्कार के बखत मसी के संग गाड़े गए और बाईके संग फिर सै जिन्‍दे बी करे गए। कैसेकै तुमनै परमेसर की सकति मै बिसवास करो है, जिसनै बाकै मरे भएऔं मै सै फिर सै जिन्‍दो करो है।

1 थिसलुनीकियौ 1:3

और हम अपने परमेसर और अब्बा के सामने तुमरे बिसवास के काम, और पियार की मैहनत और हमरे परभु ईसु मसी मै उमीद के सबर कै हमेसा याद करै हैं।

2 थिसलुनीकियौ 1:11

इसताँई हम हरदम तुमरे ताँई पिराथना करै हैं कै हमरो परमेसर तुमकै बा जिन्‍दगी के लायक समजै जिसके ताँई तुमकै बुलाओ गओ है, और बा भलाई की सिगरी इच्‍छा और बे सिगरे काम बौ अपनी सकति सै पूरे करै है, जो तुमरो बिसवास को फल है।

2 थिसलुनीकियौ 3:4

हमकै परभु मै तुमरे पक्‍के बने रैहनै मै बिसवास है कै जो जो हुकम हमनै तुमकै देए हैं, तुम उनकै मानौ हौ और मानते बी रैहईओ।

फिलेमौन 1:21

तेरे ऊपर बिसवास करते भए, मैं तेकै जौ लिख रओ हौं। मैं जानौ हौं कै तेसै मैं जितनो कैरओ हौं, तू उस्सै बी जादा करैगो।

इबरानिओ 10:35

इसताँई हिम्मत ना हारौ कैसेकै बाको फल बड़ो है।

इबरानिओ 12:2

हमरे बिसवास की सुरूआत कन्‍नै बारे और पक्‍को कन्‍नै बारे ईसु की ओर देखते रौह। ईसु नै लोगौ की बेजती कै अनदेखो करकै कुरूस को दुख झेलो जिस्सै कै बौ उनके ताँई रखी गई खुसी कै पाऐ। अब ईसु परमेसर के सिंगासन के खाने हात बैठो है।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

2 पतरस 3:10

पर परभु को दिन चोर के हाँई अचानक सै आगो, बा दिन आसमान एक बड़ी अबाज के संग गायब हो जागो और एक बड़ी लपट के संग सबई चीज पिगल जांगी, और धरती और बाके सबई काम सामने आ जांगे।