2 तीमुथियुस 4:8 - बुक्सा

⁸ अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

2 तीमुथियुस 4:8 Iomraidhean Croise

मत्‍ती 24:36

“उस दिन और उस घड़ी के बारे मै कोई ना जानतो ना तौ सुरगदूत और ना बेटा, सिरप परम पिताई जानै है।

मत्‍ती 7:22

उस दिन भौत से लोग मैंसै कैंगे, हे परभु, का हमनै तेरो नाम लेकै भबिसबानी ना करी, और तेरे नाम सै दुसट आत्‍माऔ कै ना लिकारो, और तेरो नाम लेकै भौत से चमत्कार ना दिखाए?

लूका 10:12

मैं तुमसै जौ कैरओ हौं, नियाय के दिन उस सैहर के लोगौ की हालत सदोम की हालत सै खराब होगी।

रोमियो 2:5

पर तू अपने बुरे कामौ सै मन ना फिरानै और अपने हटीले मन की बजै सै बाके कोप के दिन के ताँई जिसमै परमेसर को सच्‍चो नियाय परकट होगो, उस दिन के ताँई परमेसर को कोप कै इखट्‍टो कर रओ है।

रोमियो 8:23

और ना सिरप बेई पर हम बी जिनकै आत्‍मा को पैलो फल मिलो है, खुदई अपने भीतर कैंखैं हैं। कैसेकै हम परमेसर की औलाद बन्‍नै को और अपने सरीर की मुक्‍ति पानै को पैंड़ो देख रए हैं।

1 कुरन्‍थियों 2:9

पर जैसो पबित्‍तर सास्तर मै लिखो है, “जिन बातौं कै ना तौ आँखौ नै देखो और ना कानौ नै सुनो, और नाई कोई आदमी उनकै अपने मन मै सोच सकै है। बेई बात परमेसर नै अपने पियार कन्‍नै बारौ के ताँई तईयार करी हैं।”

1 कुरन्‍थियों 3:13

तौ हर एक को काम परकट करो जागो, परभु को दिन जो आग के संग आगो, बाकै परकट कर देगो और बा आग दुआरा हर एक के काम की परख करी जागी।

1 कुरन्‍थियों 9:25

खेल मै हिस्सा लैनै बारे खिलाड़ी अपने सरीर के ऊपर काबू करकै धियान सै खुद कै तईयार करै है। बौ बी ऐंसे ईनाम के ताँई जो जादा बखत के ताँई ना रैहबै है। पर हम ऐंसे ईनाम के ताँई करै हैं, जो हमेसा रैहबै है।

2 कुरन्‍थियों 5:2

और जब तक हम जा घर के हाँई सरीर मै पड़े हैं, तब तक कैंखते रैहबैं हैं, और जौ चाँहबै हैं कै हम अपने सुरग के घर मै कब बसैं।

फिलिप्‍पीऔ 3:11

ताकि कैसे ना कैसे मैं बी मरे भएऔं मै सै फिर सै जिन्‍दो हो सकौं।

कुलुसिऔं 1:5

कैसेकै जो आस तुमकै है, बौ सुरग मै तुमरे ताँई रक्‍खी पड़ी है। तुमनै जा आस के बारे मै तब सुनो जब सच्‍च की अच्‍छी खबर तुमरे धौंरे पौंची।

1 थिसलुनीकियौ 1:10

और बे कैबै हैं कै तुम बाके लौंड़ा को सुरग सै आनै को पैंड़ो देखौ हौ, जिसकै परमेसर नै मरे भएऔं मै सै जिन्‍दो करो यानी ईसु, जो हमकै परमेसर की आनै बारी घुस्सा सै बचागो।

1 थिसलुनीकियौ 5:4

पर ओ भईयौ और बहनौ, तुम इन्धेरे के ना हौ कै तुमरे ऊपर बौ दिन चोर के हाँई अचानक सै आय और तुम अचम्बे मै ना पड़ौ।

2 थिसलुनीकियौ 2:8

तबई बौ दुसट आदमी परकट होगो। पर जब परभु ईसु फिर सै आगो तौ बौ बाकै अपनी मौह की फूँक सै मार देगो और अपनी जोती की चमक सै बाकै भसम कर देगो।

1 तीमुथियुस 6:19

इस तरै सै अपनी अग्गे की जिन्‍दगी के ताँई जा खजाने कै जोड़ौ, जो एक अच्‍छी मजबूत बुनियाद बनैगो। जाई सै बे सच्‍ची जिन्‍दगी कै थामे रैहंगे।

2 तीमुथियुस 1:10

पर अब हमरे मुक्‍ति दैनै बारे ईसु मसी के परकट होनै के दुआरा जौ बात सामने आई है कै बानै मौत को नास कर दओ है, और अच्‍छी खबर सै जिन्‍दगी कै और जो जिन्‍दगी कबी खतम ना होवै है, बाकी उमीद दिखाई है।

2 तीमुथियुस 1:12

इसताँई मैं जे दुख बी उठा रओ हौं, फिर बी मैं सरमाबौ ना हौं कैसेकै मैं जौ बात जानौ हौं कै मैंनै किस मै बिसवास करो है। मैंकै पक्‍को भरोसो है कै जो मैंकै चीज सौंपी हैं बाकी रखबारी बौ कर सकै है, जब तक कै बौ नियाय को दिन ना आय।

2 तीमुथियुस 1:18

परभु करै कै बाकै नियाय के दिन परमेसर की दया मिलै, कैसेकै तुमकै जौ पतो है कै इफिसुस मै बानै कई तरै सै मेरी सेवा करी ही।

2 तीमुथियुस 2:5

इसई तरै सै अगर कुस्ती के मैदान मै जो कोई नियम के हिसाब सै ना लड़ै, तौ बाकै ईनाम ना मिलै है।

2 तीमुथियुस 4:1

परमेसर और ईसु मसी कै गभा मानकै, जो जिन्‍देऔं और मरे भएऔं दौनौ को नियाय करै है, और बाके राज के फिर सै आनै के बारे मै याद दिब्बाते भए मैं तुमकै हुकम देवौ हौं।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

इबरानिओ 12:11

सैरे सुदार थोड़े टैम के ताँई अच्‍छे ना लगै हैं, पर दुख देवै हैं, पर बा सुदार सै सीक मिलै है और बाद मै सान्‍ति और नेकी को फल पावै हैं।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

याकूब 1:12

धन्‍न है बौ आदमी, जो परख मै खरो लिकरै है, कैसेकै बौ खरो लिकरकै जिन्‍दगी को बौ मुकट पागो, जिसको बादो परमेसर नै अपने पियार कन्‍नै बारौ सै करो है।

1 पतरस 1:4

जो धन-दौलत तुम लोगौं के ताँई सुरग मै है, बौ कबी नास ना होगी और ना खराब होगी और ना बामै दाग लगैगो और ना बाकी चमक कबी कम होगी।

1 पतरस 5:4

और जब रखबारी कन्‍नै बारो बड़ो गड़रिया परकट होगो तौ तबई तुमकै महिमा को मुकट देओ जागो। जिसकी चमक कबी कम ना होवै है।

परकासन 1:7

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।

परकासन 19:11

फिर मैंनै सुरग कै खुलतो भओ देखो और बहाँ मेरे सामने एक सपेद घोड़ा हो। और जो घोड़ा मै बैठौ है बौ बिसवासजोग, और सच कैलाबै है। बौ सच्‍चाई के संग नियाय और लड़ाई करै है।

परकासन 2:10

जो दुख तेकै झेलने पड़ंगे, उनसै मत डर, कैसेकै देखौ, सैतान तुम्मै सै, कुछ कै जेलखाने मै डान्‍नै बारो है कै तुम परखे जाऔगे और तुमकै दस दिन तक सताओ जागो। तू मौत को सामनो करते बखत बी बिसवास मै ईमानदार रैह और मैं तेकै जिन्‍दगी को मुकट दंगो।

परकासन 22:20

ईसु जो इन बातौं की गभाई देवै है, बौ कैबै है, “हाँ! मैं जल्दी आनै बारो हौं।” ऐंसोई होए। हे परभु ईसु आ!

परकासन 4:10

तब जे चौबीसौ बुजरग सिंगासन मै बैठनै बारे के सामने गिर पड़ै हैं और बाकी जो युगौं-युगौं तक जिन्‍दो है आराधना करैं हैं और बे अपने अपने मुकट सिंगासन के सामने जौ कैते भए डार देवै हैं,

परकासन 4:4

उस सिंगासन के चारौ लंग चौबीस सिंगासन हैं और इस सिंगासनौ मै चौबीस मुखिया सपेद लत्‍ता पैहरे भए बैठे हैं और उनकी खोपड़िऔ मै सौने के मुकट हैं।