2 तीमुथियुस 4:19 - बुक्सा

¹⁹ पिरसीला, अकुला और उन सबई लोगौ कै जो उनेसिफुरूस के टब्बर के हैं, मेरी ओर सै नमस्कार।

2 तीमुथियुस 4:19 Iomraidhean Croise

मत्‍ती 5:47

और अगर तुम अपने भईयौ कैई नमस्कार करौ हौ, तौ कौन सो बड़ो काम करौ हौ? का परमेसर कै ना माननै बारे बी ऐंसोई ना करैं हैं?

चेलौ के काम 18:18

पौलुस भौत दिनौ तक कुरन्‍थ मै रैहओ। फिर बौ बिसवासी भईयौ सै बिदा ले कै किंखिरीया सैहर मै अपने बार इसताँई उतारे, कैसेकै बानै मन्‍नत माँगी ही। बौ इसके बाद पानी के जिहाज सै सीरिया कै चलो गओ और बाके संग पिरसीला और अकुला बी हे।

चेलौ के काम 18:2

बहाँ उनकै अकुला नाम को एक यहूदी आदमी मिलो जिसको जलम पुन्‍तुस सैहर मै भओ हो। बौ अपनी बईयर पिरसीला के संग कुछ दिनौ पैलेई बहाँ रैहनै आओ हो। बे इटली छोड़कै इसताँई आए हे कै कलोदियुस नै सिगरे यहूदी लोगौ कै रोम सैहर छोड़नै को हुकम देर खाओ हो, और पौलुस उनसै मिलनै गओ।

चेलौ के काम 18:26

बौ बिना डरे यहूदी पिराथना घर मै बोलल लगो, और जब पिरसीला और अकुला बाकी बात सुन रए हे तबई उन्‍नै अपोलुस कै अगल ले जाकै परमेसर की रस्ता के बारे मै अच्‍छे सै बताओ।

1 कुरन्‍थियों 16:19

एसिया मुलक के बिसवासिऔ की मंडली के ओर सै तुमकै नमस्कार। अकुला और पिरसीला के घर मै जो बिसवासी लोगौ की संगत इखट्‍टी होवै है, बाकी ओर सै बी तुम सबई कै परभु के नाम मै नमस्कार।