2 तीमुथियुस 4:1 - बुक्सा

¹ परमेसर और ईसु मसी कै गभा मानकै, जो जिन्‍देऔं और मरे भएऔं दौनौ को नियाय करै है, और बाके राज के फिर सै आनै के बारे मै याद दिब्बाते भए मैं तुमकै हुकम देवौ हौं।

2 तीमुथियुस 4:1 Iomraidhean Croise

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

लूका 19:12

फिर ईसु नै कैई, “एक ऊँचे खानदान को सेट आदमी दूर देस कै चलो गओ, जिस्सै कै राजा बनकै बापस आ सकै।

लूका 19:15

“पर जब बौ राजा बनकै लौहट आओ, तौ ऐंसो भओ कै उसनै अपने नौकरौ कै जिनकै सौने के रुपिया दए हे, अपने धौंरे बुलबाओ जिस्सै कै मालूम करै कै उनौनै ब्यापार कन्‍नै सै का, का कमाओ है।

लूका 23:42

फिर बानै ईसु सै कैई, “ईसु जब तू अपने राज मै आय तौ मैंकै याद रखिए।”

चेलौ के काम 10:42

“बानै हमकै जौ हक दओ कै लोगौ के बीच मै परचार करौ और मेरी गभाई देओ कै जौ बौई है जिसकै परमेसर नै जिन्‍दो और मरे भएऔं को नियाय कन्‍नै बारो ठैरार खाओ है।

चेलौ के काम 17:31

कैसेकै परमेसर नै एक दिन ऐंसो ठैराओ है, जिसमै बौ बा आदमी के दुआरा दुनिया के लोगौ को सच्‍चाई सै नियाय करैगो जिसकै बानै ठैरार खाओ है, और बाकै मरे भएऔं मै सै फिर सै जिन्‍दो करकै जा बात को सबूत दे दओ है।”

रोमियो 2:16

जौ सब उस दिन पूरो करो जागो, जब परमेसर मेरी अच्‍छी खबर के अनुसार ईसु मसी के दुआरा आदमिऔ के छिपी भंई बातौं को नियाय करैगो।

कुलुसिऔं 3:4

मसी तुमरी जिन्‍दगी है और जब बौ परकट होगो, तौ तुम बी बाके संग महिमा मै परकट हो जाऔगे।

2 थिसलुनीकियौ 2:8

तबई बौ दुसट आदमी परकट होगो। पर जब परभु ईसु फिर सै आगो तौ बौ बाकै अपनी मौह की फूँक सै मार देगो और अपनी जोती की चमक सै बाकै भसम कर देगो।

1 तीमुथियुस 5:21

परमेसर, ईसु मसी और चुने भए सुरगदूतौं के सामने, मैं तुमकै जौ हुकम देवौ हौं कै तुम इन बातौं कै पूरे दिल सै मानौ और कोई बी काम कै भेदभाब सै ना करौ।

2 तीमुथियुस 1:10

पर अब हमरे मुक्‍ति दैनै बारे ईसु मसी के परकट होनै के दुआरा जौ बात सामने आई है कै बानै मौत को नास कर दओ है, और अच्‍छी खबर सै जिन्‍दगी कै और जो जिन्‍दगी कबी खतम ना होवै है, बाकी उमीद दिखाई है।

2 तीमुथियुस 2:14

उनकै इन बातौं की याद दिब्बातो रैहईए और परमेसर के सामने चितौनी देईए कै छोटी छोटी बातौं मै बैहैस बाजी कन्‍नै सै कोई फाएदा ना है, पर जो इनकै सुनै है, बे बी नास हो जावै हैं।

2 तीमुथियुस 4:18

परभु मैंकै सिगरी बुराई के कामौ सै बचाबै है, और बौ मैंकै अपने सुरग के राज मै बचाकै ले जागो। बाकी महिमा युगौं-युगौं तक होती रैह। ऐंसोई होए।

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

1 पतरस 1:7

जौ इसताँई होवै है कै तुमरो परखो भओ बिसवास, जो आग सै ताए भए नास होनै बारे सौने सै बी जादा कीमती है, जब ईसु मसी परकट होगो तौ तुम लोगौ कै बड़ाई, इज्‍जत और महिमा मिलैगी।

1 पतरस 4:5

पर बे परमेसर कै अपने कामौ को लेखो दंगे जो जिन्‍दे और मरे भएऔं को नियाय कन्‍नै के ताँई तईयार है।

1 पतरस 5:4

और जब रखबारी कन्‍नै बारो बड़ो गड़रिया परकट होगो तौ तबई तुमकै महिमा को मुकट देओ जागो। जिसकी चमक कबी कम ना होवै है।

2 पतरस 1:11

और इसई तरै सै हमरे मुक्‍ति दैनै बारे परभु ईसु मसी के हमेसा के राज मै बड़ी इज्‍जत के संग तुमरो सुआगत करो जागो।

2 पतरस 1:17

जब बानै परम पिता परमेसर सै इज्‍जत और बड़ाई पाई तबई बाके ताँई बड़ी महिमा सै एक ऐंसी अबाज आई कै, “जौ मेरो पियारो लौंड़ा है जिस्सै मैं भौत खुस हौं।”

1 यहून्‍ना 2:28

इसताँई बालकौ, अब तुम मसी मै बने रौह, जिस्सै कै जब बौ दुबारा आगो, तौ हम्मै हिम्मत होए और जब बौ आगो तौ बाके सामने हमरी बेजती ना होए।

परकासन 1:7

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।