2 तीमुथियुस 2:9 - बुक्सा

⁹ अच्‍छी खबर के ताँई मैं दुख झेलौ हौं और मैंकै कैदी के हाँई साँकरौ सै जकड़ो गओ। पर परमेसर कै कैद ना करो जा सकै है।

2 तीमुथियुस 2:9 Iomraidhean Croise

लूका 23:32

दो और आदमी, जो दौनौई अपरादी हे, बाके संग मौत की सजा के ताँई बाहार ले जाय जा रए हे।

चेलौ के काम 21:33

और तबई सैनापति पौलुस के धौंरे आओ और बाकै पकड़ लओ, और दो साँकर सै बांधनै के बाद हुकम देकै पूँछो, “जौ कौन है, और जानै का करो है?”

चेलौ के काम 28:31

और बिना डरे खुल्‍लम खुल्‍ला होकै परमेसर के राज के बारे मै परचार करै हो और परभु ईसु मसी की बातौं कै लोगौ कै सिकाबै हो।

चेलौ के काम 9:16

मेरे ताँई जो बी बाकै मुसीबत उठानी पड़ंगी उनके बारे मै मैं खुदई बाकै बताँगो।”

इफिसिऔ 3:1

इसताँई मैं पौलुस, मसी ईसु के सेवा कन्‍नै की बजै सै कैदी बनो जिस्सै कै तुम गैर यहूदी लोगौ की भलाई होए।

फिलिप्‍पीऔ 1:17

पर कुछ और आदमी तौ सच्‍चाई के संग ना, बलकन अपने मतलब की इच्‍छा सै मसी को परचार करैं हैं। कैसेकै बे सोचै हैं कै ऐंसो करकै बे जेल मै मैंकै दुख देनो चाँहै हैं।

फिलिप्‍पीऔ 1:7

तुम सबके बारे मै ऐंसो सोचनो मेरे ताँई ठीकई है, कैसेकै तुम मेरे दिल मै बसे भए हौ, चाँहै मैं जेल मै हौं, या मैं अच्‍छी खबर की सच्‍चाई कै बचाबौ हौं या पक्‍को दाबो करौ हौं, और उन सबई बखतौ मै तुम सबई परमेसर के जा किरपा मै मेरे साती हौ।

कुलुसिऔं 4:18

मैं पौलुस, खुद अपने हात सै तुमकै जौ नमस्कार लिख रओ हौं। जौ बात याद रखिओ कै मैं जेल मै हौं और तुमरे ऊपर परमेसर की किरपा होती रैह।

कुलुसिऔं 4:3

और जाके संग-संग तुम हमरे ताँई बी पिराथना करौ, जिस्सै परमेसर हमकै बचन सुनानै के ताँई ऐंसी रस्ता खोल दै कै, हम मसी की बा गुप्‍त बात के बारे मै बता सकैं जिसकी बजै सै मैं कैद मै हौं।

1 थिसलुनीकियौ 1:8

कैसेकै तुमनै ना सिरप मकिदुनिया और अखाया देस मै परभु को बचन सुनाओ, पर जो बिसवास तुमरो परमेसर मै है बौ खबर हर जघै फैल गई। इसताँई हमकै कुछ कैनै की जरूरत ना है।

2 थिसलुनीकियौ 3:1

ओ भईयौ और बहनौ, अब जौ कै तुम हमरे ताँई पिराथना करौ कै परभु को बचन जल्दीई फैलै और बचन महिमा पाऐ जैसो तुमरे बीच मै भओ है।

2 तीमुथियुस 1:12

इसताँई मैं जे दुख बी उठा रओ हौं, फिर बी मैं सरमाबौ ना हौं कैसेकै मैं जौ बात जानौ हौं कै मैंनै किस मै बिसवास करो है। मैंकै पक्‍को भरोसो है कै जो मैंकै चीज सौंपी हैं बाकी रखबारी बौ कर सकै है, जब तक कै बौ नियाय को दिन ना आय।

2 तीमुथियुस 1:16

उनेसिफुरूस के टब्बर के ऊपर परभु दया करै कैसेकै बानै मेरे दिल कै कई दफै तसल्‍ली दई है और मेरे जेल मै रैहनै सै बाकी खोपड़ी सरम सै नीची ना भई।

2 तीमुथियुस 1:8

इसताँई ना तौ तू हमरे परभु की गभाई दैनै सै और ना मैंसै जो बाको कैदी है, सरमईओ। पर बा सकति के दुआरा अच्‍छी खबर कै सुनानै के ताँई मेरे संग दुख उठाऔ जो परमेसर की ओर सै मिलै है।

2 तीमुथियुस 2:3

ईसु मसी के अच्‍छे सिपाई के हाँई मेरे संग दुख झेलीए।

2 तीमुथियुस 4:17

पर परभु मेरे संग हो और बानै मैंकै हिम्मत दई और मैंकै जौ मौको दओ कै मैं बिना डरे जा पूरी खबर कै गैर यहूदी लोगौ कै सुना सकौं और तैनै मैंकै मौत के मौह सै बी बचाओ है।

1 पतरस 2:12

जो लोग बिसवासी ना हैं उनके बीच मै तुमरो चाल-चलन अच्‍छो रैह, चाँहे बे तुमरे ऊपर गलत काम कन्‍नै को इलजाम बी लगाऐ पर तुमरे भले कामौ कै देक्‍कै नियाय के दिन बे परमेसर की महिमा करैं।

1 पतरस 2:14

या राजपालौ के आधीन कैसेकै बे गलत काम कन्‍नै बारौ कै सजा और अच्‍छे काम कन्‍नै बारौ कै ईनाम दैनै के ताँई उसकी ओर सै ठैराए गए हैं।

1 पतरस 3:16

अपनो मन साप रक्‍खौ कै जो लोग मसी मै तुमरे अच्‍छे चाल-चलन की बजै सै तुमरी बदनामी करै हैं और बुरो बरताब करै हैं, उनकी खोपड़ी सरम सै झुक जाय।

1 पतरस 4:15

तुम मै सै कोई बी आदमी खूनी, चोर, कुकरम कन्‍नै बारो या दूसरे के काम मै टांग अड़ानै की बजै सै दुख ना झेलै।